Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
6 Псалом
1 Хор вуйлатышылан. Кандаш кылан семӱзгар дене. Давидын псаломжо.2 Господь, кугу шыдет дене мыйым ит шылтале,
сырымет дене мыйым ит наказатле.
3 Серлаге мыйым, Господь, вет вийдыме улам,
паремде мыйым, Господь, вет луэм-влак чытырат.
4 Чонем чот вургыжеш.
Господь, мыняр жап эше тиде шуйна?
5 Савырне мый декем, Господь, чонем утаре,
порылыкетлан кӧра мыйым нал пыдалын.
6 Вет колымеке Тыйым нигӧ ок шарналте.
Кӧ Тыйым шӱгарыште мокташ тӱҥалеш?
7 Ойганен илымем деч ноенам,
малыме верем кажне йӱдым ночко –
шинчавӱд дене тудым нӧртем.
8 Ойгырен, шинчамже начарештын,
тушман-влаклан кӧра тудо вудакан ужеш.
9 Осалым ыштыше-влак, мый дечем чылан кораҥза,
вет Господь шортмо йӱкемым колын.
10 Господь колын полышым йодмем,
кумалмемлан Тудо вашешта.
11 Тек тушманем-влак лийыт вожылтарыме,
лийыт пеш чот лӱдыктымӧ,
вучыдымын намысыш пурен, тек чакнен куржыт.
Тау
Глава 6
