Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
5 Псалом
1 Хор вуйлатышылан. Шиялтыш дене. Давидын псаломжо.2 Господь, кол мыйын шомакем,
шотыш нал сӧрвалымем!
3 Мыйын Кугыжам да Юмем,
полышым йодын кычкырымем дек пылышет савыре,
вет мый Тылат кумалам.
4 Господь! Эрден эрак кол йӱкемым –
эрден эрак Тыйын ончыкет шогалам
да вучаш тӱҥалам.
5 Юмем, осалым ыштымаш Тылат ок келше,
осалым ыштыше Тый денет илен ок керт.
6 Моктаныше еҥ-влак чурий ончылнет шоген огыт керт,
осалым ыштыше-шамычым Тыйын ужмет ок шу.
7 Ондалыше-влакым Тый пытарет,
вӱрым йоктарыше да шояче еҥ деч Господь йырна.
8 А мый шуко порылыкетлан кӧра Тыйын пӧртышкет пурем,
Тый дечет лӱдын, святой храметлан вуйым савем.
9 Тушманем-влаклан кӧра, Господь,
шке чынлыкет дене мыйым вӱден наҥгае,
мыйын ончылнем шке корнетым тӧрым ыште.
10 Нунын шомакыштышт чын уке,
шӱмыштым пуштмаш авалтен,
логарышт – почмо шӱгар,
йылмышт дене ӱедылыт.
11 Судитле нуным, Юмем,
осалым ышташ шонымыштлан тек шкеак камвозыт.
Шуко осалланымыштлан кӧра нуным поктен колто,
вет Тыйын ваштареш нуно шогалыныт.
12 Тек Тыйын полышетлан ӱшаныше-влак йывыртат,
курымеш куанен йӱкланат.
Нуным Тый арален шогаш тӱҥалат,
Тыйын лӱметым йӧратыше-влак
Тый денет моктанаш тӱҥалыт.
13 Господь, Тый чын ыштышым суапландарет,
Тыйын поро кумылет тудлан авыртыш лиеш.
Глава 5
