Выбрать язык
Книги Ветхого Завета
Книги Нового Завета
с русским текстом1 Шке печатьыштым шынденыт: тиршафа Неемий, Гахалий эрге, тыгак Седекий,2 Сераий, Азарий, Иеремий,3 Пашхур, Амарий, Малхий,4 Хаттуш, Шеваний, Маллух,5 Харим, Меремоф, Овадий,6 Даниил, Гиннефон, Варух,7 Мешуллам, Авий, Миямин,8 Маазий, Вилгай, Шемай – тиде иерей-влак улыт.
9 Левит-влак: Азаний эрге Иисус, Хенадад урлык гыч Биннуй, Кадмиил,10 нунын иза-шольышт: Шеваний, Годий, Клита, Фелаий, Ханан,11 Миха, Рехов, Хашавий,12 Заккур, Шеревий, Шеваний,13 Годий, Ваний, Венинуй.
14 Калык вуйлатыше-влак: Парош, Пахаф-Моав, Елам, Затту, Ваний,15 Вунний, Азгад, Бевай,16 Адоний, Бигвай, Адин,17 Атер, Езекий, Азур,18 Годий, Хашум, Бецай,19 Хариф, Анафоф, Невай,20 Магпиаш, Мешуллам, Хезир,21 Мешезавел, Садок, Иаддуй,22 Фелатий, Ханан, Анаий,23 Осий, Хананий, Хашув,24 Лохеш, Пилха, Шовек,25 Рехум, Хашавна, Маасей,26 Ахий, Ханан, Анан,27 Маллух, Харим, Ваана.
28 Моло калык: иерей, левит, капка орол, мурызо да храм полышкалыше-влак, йот калык деч ойырлен, Юмын законжо деке ушнышо-влак, нунын ватышт, эргышт, ӱдырышт – чылан, кӧ умылен кертын,29 шке лӱмлӧ иза-шольышт дек ушненыт. Нуно Юмын Моисей тарзыж гоч пуымо законжым шуктен шогаш шкеныштым товатмут дене кылденыт, Господь Юмынан чыла кӱштымаш да пунчалже-влак дене келшышын илаш сӧреныт, а шуктен огыт шого гын, ӱмбакышт каргымашым налаш келшеныт.
30 «Ме шке ӱдырна-влакым йот калыклан марлан огына пу, тыгак нунын ӱдырыштым шке эргына-шамычлан марлан огына нал.31 Кунам мемнан йыр улшо калык-влак шуматкечын сатум ужалаш кондат, ме нунын деч тиде кечын да моло святой кечын сатум огына нал. Кажне шымше ийын ме мландым огына курал-ӱдӧ да чыла парымым кудалтена.32 Шке Юмынан пӧртышкыжӧ мо кӱлешым налашлан ме сикльын кумшо ужашыжым кажне ийын пуэн шогаш сӧрена.33 Тиде ший теве молан кучылтмо лиеш: святой киндылан, кече еда конден шогымо кинде надыр ден йӱлалтен пуымо надырлан, шуматкечын, у тылзын да моло пайрем кечын кондымо надырлан, святой пӧлеклан, Израильын сулыкшым касараш кондымо надырлан да Юмынан пӧртыштыжӧ чыла тӱрлӧ сомыллан.
34 Ме – иерей-влак, левит-шамыч да калык – кажне ешлан Юмын пӧртыш пум кунам кондышашым палаш манын, идалык мучкылан шеревам кудалтышна. Тиде пум, законышто возымо семынак, Господь Юмынан жертвенникыштыже йӱлалташ кучылтман.35 Кажне ийын ме шурно лектыш ден чыла пушеҥгын икымше саскаштым Господьын пӧртышкыжӧ кондаш сӧрена.36 Тыгак ме эн ончыч шочшо эргынам, шолдыра ден тыгыде вольыкнан икымше шочшо презе-пачаштым, законышто возымо семынак, Юмынан пӧртышкыжӧ тушто служитлыше иерей-влак деке кондаш тӱҥалына.
37 Икымше йоҥыштымо ложашым, моло пӧлекым, чыла пушеҥгынан икымше саскаштым, йошкар арака ден олив ӱйын ончыч погымо лектышыштым мемнан Юмынан пӧртшӧ пеленысе клатышке иерей-влаклан кондена. Мланде лектышын луымшо ужашыжым левит-влаклан пуэна. Тиде луымшо ужашым левит-влак мемнан курал-ӱдымӧ мландан чыла олаштына налаш тӱҥалыт.38 Тиде луымшо ужашым погымо годым левит-влак пелен Аарон урлык гыч иерей лийшаш. Тек левит-влак погымо луымшо ужашышт гыч эше луымшо ужашым Юмын пӧрт пеленысе клат пӧлемлашке кондат.39 Израиль калык ден левит-влак тушко киндым, йошкар аракам, олив ӱйым пӧлек шотеш кондышаш улыт. Тушто святой арверым аралат, тыгак шке черетышт дене служитлаш толшо иерей, капка орол да мурызо-влак илат. Ме шкенан Юмынан пӧртшым кодышаш огынал».
Глава 10