Выбрать язык
Книги Ветхого Завета
Книги Нового Завета
с русским текстом1 Шошым, кунам кугыжа-влак сар дене каят, Иоав шке сарзывийже дене аммон-шамычын мландыштым пустаҥден каен, вара Равва олаштым авырен налын. А Давид Иерусалимыште кодын. Раввам сеҥен налмеке, Иоав тудым шалатен.2 Давид аммон кугыжан вуйжо гыч шӧртньӧ вуйшӱдышыжым поген налын. Вуйшӱдышын нелытше ик талант улмаш, тушто шергакан кӱ-влакат лийыныт. Тиде вуйшӱдышым Давидын вуйышкыжо упшалтеныт. Ола гыч Давид шуко поянлыкым луктын.3 Тушто илыше калыкымат наҥгаен да пила, кӱртньӧ кирка, товар дене ыштыме пашаш шогалтен. Давид чыла аммон ола дене тыге ыштен, вара веле уло сарзывийже дене Иерусалимыш пӧртылын.
4 Тидын деч вара филистим-влак дене кредалмаш Газерыште лийын. Тунам Хуша гыч Совохай рефаим Сафым пуштын, да филистим-шамыч сеҥалтыныт.5 Вара филистим-влак дене адакат кредалмаш лийын. Тунам Елханан, Иаир эрге, Геф гыч Лахмийым, Голиафын шольыжым, пуштын. Тудыжын умдыжо куымо станын навуйжо гай улмаш.6 Эше ик кредалмаш Гефыште лийын. Тушто рефаим калык гычак кугу капан ик айдеме улмаш, тудын кид-йолыштыжо куд парня дене лийын – чылаже коло ныл парня.7 Тиде еҥ израильтян-влакым шӱктарен ойлен. Тудым Ионафан, Давидын Шима изажын эргыже, пуштын.8 Нине еҥ-шамыч Геф гыч, рефаим тукым гыч, лийыныт. Нуно Давид ден тудын еҥже-влакын кидышт деч коленыт.
Глава 20