Выбрать язык
Книги Ветхого Завета
Книги Нового Завета
с русским текстом1 Кугыжа шкаланже Давид-Олаште пӧрт-влакым чоҥен, Юмын шондыклан верым ямдылен да тудлан омашым шогалтен.2 Давид каласен: «Левит деч моло еҥ Юмын шондыкым нумалшаш огыл. Вет Господь нуным Юмын шондыкым нумалаш да Тудлан курым-курымеш служитлаш ойырен налын».3 Ямдылыме верыш Господьын шондыкшым кондаш манын, Давид чыла израильтян-влакым Иерусалимыш поген.4 Тудо Аарон эрге-влак ден левит-шамычым ӱжын:5 Кааф урлык гыч – вуйлатыше Уриил ден тудын шӱдӧ коло иза-шольыжым,6 Мерари урлык гыч – вуйлатыше Асаий ден кокшӱдӧ коло иза-шольыжым,7 Гирсон урлык гыч – вуйлатыше Иоиль ден шӱдӧ кумло иза-шольыжым,8 Елицафан урлык гыч – вуйлатыше Шемай ден кокшӱдӧ иза-шольыжым,9 Хеврон урлык гыч – вуйлатыше Елиил ден кандашле иза-шольыжым,10 Узиил урлык гыч – вуйлатыше Аминадав ден шӱдӧ латкок иза-шольыжым.
11 Вара Давид иерей Садок ден Авиафарым да левит-влакым – Уриилым, Асаийым, Иоильым, Шемайым, Елиилым да Аминадавым – ӱжын.12 Нунылан каласен: «Те левит урлык-влакын вуйлатышышт улыда. Те шкеже да тендан иза-шольыда эрныкталт святитлалтшаш да мыйын ямдылыме верышкем Израильын Господь Юмыжын шондыкшым кондышаш улыда.13 Вет кодшо гана тидым те огыл ыштенда, сандене Господь Юмына мемнан ӱмбак шыдыжым велен – кузе ышташ кӱлеш, ме Тудын деч йодын огынал».14 Израильын Господь Юмыжын шондыкшым кондаш манын, иерей ден левит-влак эрныкталт святитлалтыныт.15 Господьын Моисей гоч кӱштымыж почеш левит-влак Юмын шондыкым вачӱмбалнышт вара дене нумал каеныт.
16 Кӱсле, лира да кимвал семӱзгар почеш кугу йӱкын куанен мурышт манын, Давид левит-влакын вуйлатышыштлан тукым иза-шольышт кокла гыч мурызо-шамычым шогалташ кӱштен.17 Левит-влак Еманым, Иоиль эргым, тудын тукым иза-шольыжо кокла гыч Асафым, Берехий эргым, а Мерари тукым иза-шольышт кокла гыч Ефаным, Кушаий эргым, шогалтеныт.18 А нунылан полшаш нине родо-тукымыштым шогалтеныт: Захарийым, Беным, Иаазиилым, Шемирамофым, Иехиилым, Уннийым, Елиавым, Ванейым, Маасейым, Маттафийым, Елифлеуйым, Микнейым да капка орол Овед-Едом ден Иеиелым.19 Шоктен мурышо Еман, Асаф да Ефан той кимвалым кугу йӱкын кыреныт,20 а Захарий, Азиил, Шемирамоф, Иехиил, Унний, Елиав, Маасей да Ваней вичкыж йӱкан арфе дене шоктеныт.21 Маттафий, Елифлеуй, Микней, Овед-Едом, Иеиел да Азазий кӱжгӧ йӱкан лира дене шоктеныт.22 Хенаний, левит-влакын тӱҥ мурызышт, мурызо-шамычын вуйлатышышт лийын, вет тудо уста мурызо семын ойыртемалтын.23 Берехий ден Елкана шондыкым ороленыт.24 Иерей-влак – Шеваний, Иосафат, Нафанаил, Амасай, Захарий, Ваней да Елиезер – Юмын шондык ончылно тӧтыретпучым пуалтеныт. Шондыкым тыгак Овед-Едом ден Иехий ороленыт.
25 Тыге Давид, Израильын кугуракше-влак да тӱжемвуй-шамыч Овед-Едомын пӧртшӧ гыч Господьын шондыкшым кондаш куанен каеныт.26 Господьын шондыкшым нумалше левит-влаклан Юмо полшен шоген, нуно Тудлан надыр шотеш шым ӱшкыж ден шым тагам шӱшкылыныт.27 Давид чапле йытын вургемым чиен улмаш. Шондыкым нумалше чыла левит, тыгак мурызо-влак, нунын Хенаний вуйлатышышт тыгаяк вургеман лийыныт. Давид ӱмбалне гын эше йытын ефод лийын.28 Тыге пӱтынь Израиль, тӱкӧ ден той пуч, кимвал, кӱсле ден лира йӱк почеш куанен кычкырен, Господьын ойпидыш шондыкшым конден.
29 Кунам Господьын ойпидыш шондыкшым Давид-Олашке пуртеныт, Мелхола – Саул ӱдыр – окна гыч ончен шоген. Тӧрштыл куштышо Давид кугыжам ужмеке, Мелхола тудым шотлымыжым чарнен.
Глава 15