Выбрать язык
Книги Ветхого Завета
Книги Нового Завета
с русским текстом1 Теве Израильын эргыж-влак: Рувим, Симеон, Левий, Иуда, Иссахар, Завулон,2 Дан, Иосиф, Вениамин, Неффалим, Гад да Асир.
3 Иудан эргыж-влак: Ир, Онан да Шела – нине кумытым тудлан хананей ӱдырамаш, Шуан ӱдыржӧ, ыштен. Ир, Иудан кугэргыже, Господьлан йӧрен огыл, сандене Господь тудын чонжым налын.4 Фамарь, Иудан шешкыже, тудлан Фарес ден Зерахым ыштен. Иудан чылаже вич эргыже лийын.5 Фаресын эргыж-влак: Есром ден Хамул.6 Зерахын эргыже-шамыч: Зимри, Ефан, Еман, Халкол да Дара – чылаже визыт.7 Хармин эргыже-влак: нунын кокла гыч иктыже – Ахар, тудо Господьлан надыр шотеш пытараш кӱлмым шкаланже налмыж дене Израиль ӱмбаке ойгым конден.8 Ефанын эргыже – Азарий.
9 Есром деч шочшо эрге-влак: Иерахмиил, Рам да Хелувай.10 Рам деч Аминадав шочын, а Аминадав деч – Наассон, Иуда эрге-влакын онышт.11 Наассон деч Салмон, Салмон деч Вооз,12 Вооз деч Овид, Овид деч Иессей шочыныт.13 Иессей деч кугэрге Елиав шочын, кокымшо эрге – Авинадав, кумшо – Шима,14 нылымше – Нафанаил, визымше – Раддай,15 кудымшо – Оцем, шымше – Давид.16 Нунын ака-шӱжарышт: Саруя ден Авигея. Саруян эргыж-влак: Авесса, Иоав да Асаил – чылаже кумыт.17 Авигея Амессайым ыштен. Амессайын ачаже Измаил тукым Иефер лийын.
18 Халевын, Есром эргын, Азува ватыж ден Иериофа деч шочшо эргыж-влак: Иешер, Шовав да Ардон.19 Азува колымеке, Халев шкаланже Ефрафам марлан налын. Ефрафа тудлан Хурым ыштен.20 Хур деч Урий, Урий деч Веселеил шочыныт.21 Вара, кудло ияш лиймекыже, Есром Махирын ӱдыржым марлан налын. Махирже Галаадын ачаже лийын. Есром тудын дене мален, да ватыже тудлан Сегувым ыштен.22 Сегув деч Иаир шочын. Иаирын Галаадыште коло кум олаже лийын.23 Но гесур ден сириян-шамыч нунын деч Иаир ял-влакым, Кенафым да тудын йыр улшо илем-шамычым – чылаже кудло ялым – шупшын налыныт. Чыла нине Махирын, Галаадын ачажын, тукымжо улыт.24 Есромын Халев-Ефрафаште колымекше, Авия ватыже тудлан Ашхурым, Фекойын ачажым, ыштен.25 Иерахмиилын, Есромын кугэргыжын, эргыж-влак: кугэрге Рам, тудын почеш Вуна, Орен, Оцем да Ахий.26 Иерахмиилын вес ватыжат лийын, тудын лӱмжӧ Афара. Тудо Онамын аваже лийын.27 Рамын, Иерахмиилын кугэргыжын, эргыж-влак: Маац, Иамин да Екер.28 Онамын эргыже-шамыч: Шаммай ден Иада. Шаммайын эргыж-влак: Надав ден Авишур.29 Авишурын ватыжын лӱмжӧ Авихаиль лийын. Тудо Авишурлан Ахбан ден Молидым ыштен.30 Надавын эргыж-влак: Селед ден Афаим. Селед йочам шочыктыдеак колен.31 Афаимын эргыже – Иший, Ишийын эргыже – Шешан, Шешанын эргыже – Ахлай.32 Иадан, Шаммайын шольыжын, эргыж-влак: Иефер ден Ионафан. Иефер йочам шочыктыдеак колен.33 Ионафанын эргыж-влак: Пелеф ден Заза. Тиде – Иерахмиилын эргыже-шамыч.
34 Шешанын эрге йочаже лийын огыл, лач ӱдыр-влак шочыныт. Шешанын Иарха лӱман египтян кулжо лийын.35 Тудо шке ӱдыржым тиде кулжылан марлан пуэн. Ӱдыржӧ тудлан Аттайым ыштен.36 Аттай деч Нафан, Нафан деч Завад,37 Завад деч Ефлал, Ефлал деч Овид шочыныт.38 Овид деч Ииуй, Ииуй деч Азарий,39 Азарий деч Хелец, Хелец деч Елеас шочыныт.40 Елеас деч Сисмай, Сисмай деч Шаллум,41 Шаллум деч Иекамий, Иекамий деч Елишама шочыныт.
42 Халевын, Иерахмиилын шольыжын, эргыже-влак: Меша кугэргыже, тудо Зифын ачаже лийын; Мареша – кокымшо эргыже, тудо Хевронын ачаже лийын.43 Хевронын эргыж-влак: Корей, Таппуах, Рекем да Шема.44 Шема деч Рахам, Иоркеамын ачаже, а Рекем деч Шаммай шочыныт.45 Шаммайын эргыже Маон, а Маонжо Беф-Цурын ачаже лийын.46 Ефа, Халевын кулватыже, Хараным, Моцам да Газезым ыштен. Харан деч Газез шочын.47 Иегдайын эргыж-влак: Регем, Иофам, Гешан, Пелет, Ефа да Шааф.48 Халевын Мааха кулватыже Шевер ден Фирханам ыштен.49 Тудо эше Шаафым – Мадманан ачажым, Шевам – Махбена ден Гивеан ачаштым – ыштен. Халевын ӱдыржӧ Ахса лийын.50 Теве Халевын тукымжо.
Хурын, Ефрафа деч шочшо кугэргыжын, эргыже-влак: Шовал – Кириаф-Иаримын ачаже,51 Салма – Вифлеемын ачаже, Хареф – Бефгадерын ачаже.52 Шовалын, Кириаф-Иаримын ачажын, эргыж-влак: Гарое да манахафит-шамычын пел ужашыже.*а53 Кириаф-Иаримын урлыкшо-влак: ифрит, футит, шумафит да мидраит-шамыч. Нунын деч цораит ден ештаолит-влак лектыныт.54 Салман тукымжо: Вифлеемыште илыше-влак, нетофаит-шамыч, Атрот-бет-Иоавыште илыше-влак, манахафит-шамычын пел ужашыже – цораит-влак,55 Иабецыште илыше соферит-шамыч, тыгак тирей, шимей да сухаит-влак. Тиде кеней-влак лийыныт, нуно Хамаф деч, Бетрехавын ачаж деч, лектыныт.
*а 2:52 «Гарое да манахафит-шамычын пел ужашыже» – але «Гарое, Хаци, Галменюхот».
Глава 2