Выбрать язык
Книги Ветхого Завета
Книги Нового Завета
с русским текстом1 Давид йодын: «Саул тукым гыч иктаж-кӧ илыше кодын мо? Ионафанлан кӧра мый тудлан поро пашам ыштынем».2 Саулын суртыштыжо ондак пашам ыштыше Сива лӱман ик тарзе лийын. Тудым Давид деке ӱжыныт. Давид тудын деч йодын: «Тый Сива улат?» «Тиде мый, тыйын тарзет, улам», – вашештен тудыжо.3 «Саулын тукымжо гыч иктаж-кӧ эше илыше кодын мо? – йодын кугыжа. – Мый тудлан Юмын порылыкшым ончыктынем ыле». Сива кугыжалан вашештен: «Ионафанын эргыже кодын, окшак йолан».4 Кугыжа йодын: «Кушто тудо?» Сива вашештен: «Тудо Ло-Деварыште, Аммиэл эрге Махирын пӧртыштыжӧ».5 Давид кугыжа тушко шке еҥже-влакым колтен, да Ионафанын эргыжым тушеч конденыт.
6 Мемфивосфей, Саулын Ионафан эргыжын эргыже, Давид деке толын да [кугыжалан] мланде марте вуйжым савен. «Мемфивосфей!» – кугыжа каласен. «Теве мый, тыйын тарзет», – вашештен тудыжо.7 Давид тудлан каласен: «Ит лӱд. Ионафан ачатлан кӧра мый тылат порым ыштынем. Саул кочатын мландыжым мый тылат пӧртылтем. А тый шкеже мыйын ӱстелем гыч кочкаш тӱҥалат».8 Мемфивосфей угыч вуйжым савен да каласен: «Мый тыйын кӱлдымӧ тарзет гына улам, но мый гаем колышо пийым тый ончалынат».9 Кугыжа Сивам, Саулын тарзыжым, ӱжын да тудлан каласен: «Чыла, мо Саулын да тудын тукымжын лийын – мый озатын уныкажлан пуэм.10 Тый, тыйын эргыч ден тарзет-влак тудын мландыжым курал-ӱдышаш да лектышым озатын ешыжлан пуышаш улыда. Тек тудын кочкышыжо эре ситышын лиеш. А Мемфивосфей, озатын уныкаже, эре мыйын ӱстелем гыч кочкаш тӱҥалеш». Сиван латвич эргыже да коло тарзыже улмаш.11 Тудо кугыжалан каласен: «Мом кугыжам, мыйын озам, шке тарзыжлан кӱштен ойлен – тыйын тарзет чыла шукта». Мемфивосфей кугыжа эрге семын Давидын ӱстелже гыч кочкын илен.
12 Мемфивосфейын Миха лӱман изи эргыже лийын. Сиван суртыштыжо илыше-влак чыланат Мемфивосфейын тарзыже лийыныт.13 Мемфивосфей Иерусалимыште илен, вет тудо эре кугыжан ӱстелже гыч кочкын. Тудын кок йолжат окшак лийын.
Глава 9