Выбрать язык
Книги Ветхого Завета
Книги Нового Завета
с русским текстом1 ”Нāн ул вос лāплувēсы̄н, Ам нāнанн таимāгыс тох лāвсум.2 Синагоганыл нāн тах кон-ня̄влавēн; тамле пора ёхты, хунь нāнан āлысьлан хōтпа номсы тах, э̄рттэ̄м Тōрумын лусы̄ты.3 Āнум ат вāнэ̄ныл мāгыс, Āсюм ат вāнэ̄ныл мāгыс, таимāгыс тāн тāсирыл вāруӈкве патэ̄гыт тах.4 Ос Ам таимāгыс нāнан ты урыл лāвсум, тамле нак хунь ёхты тах, вос номылматыслы̄н, хумус Ам нāнан ты урыл лāвыглāлсум: сāртын ты урыл ат потырталсум, тōнт Ам иӈ нāн ётын ōлсум.5 Ос ань Āнум Кēтум утум палт минэ̄гум, нāн ос нэ̄мхотъюты̄н атпыл кӣтыглāхты: ‘Наӈ хоталь минэ̄гын?’6 Ос ты лāтӈыт нāнан лāвнэм порат нāн сыманы̄н руталиг ēмтсыт.7 Мāк Ам нāнан ты лāвēгум: Ам минэ̄гум ке, нāнан ёмаснувег ōлы; ос Ам ат ке минэ̄гум, нāнан Торамтан ут нāн палтылын ат ёхты; ос минэ̄гум ке, тōнт усь Таве ты̄г кēты̄лум,8 ос Тав ёхтынэ̄тэ̄т мир тах кāрек урыл, вēсар урыл ос сут вāрмāлит урыл хӯлтыянэ:9 Āнумн ат агтнэ̄н кареканы̄н урыл10 Ам Амки Āсюм палт миннēм вēсар урыл нāнан хӯлтыянэ. Воссыг тах Āнум нāн ат кāсалылы̄н;11 сут вāрмаль сусылтытэ хумус ты мā кāнась сутытытаве тах.12 Ос сāв лāтыӈ нāнан кос лāвнувум, ос нāн тасāвит ля̄ххал ат торгамтэ̄гын тах.13 Ос хунь тах Тав вēськат Лы̄лы ёхты, нāнан мāк лё̄ӈхын тӯсьтытэ, Тав таквинāтэ̄ныл ат потырты, тав мāныр хӯлы таи та потырты, э̄лаль мāныр ēмты, та урыл та лāви.14 Тав Āнум янытлы̄тэ, ос Āнумныл винэ лāтӈе нāн палтылын тотытэ.15 Мāныр Ам Āсюм ōньси, тай пуссын Ам утанум; таимāгыс Ам тох ты лāвсум, ос Āнумныл винэ лāтӈе нāн палтылын тотытэ.16 Ам Āсюм палт миннэм мāгыс мосертын тах Āнум ат кāсалылы̄н, ос та юи-пāлт тах ōс кāсалылы̄н”.
17 Ань тōва Тав ханисьтахтын хумиянэ тāнки хāланы̄лт лāвыглāлсыт: ”Тав мāнрыг тох лāви: ‘Мосēртын тах Āнум ат кāсалылы̄н, ос та юй-пāлыт тах ос кāсалылы̄н’, ос: ‘Ам Āсюм палт минэ̄гум’?”18 Тāн тох ты лāвыгласыт: ”Манры̄г Тав тох лāви: ‘Мосēртын’? Ат вāглув, мāныр потырты”.19 Хунь Ӣсус торгамтāстэ, тāн Таве китыглаӈкве таӈхияныл, тōнт тāнанылн ювле-лāвыс: ”Нāн нāнки халынт улпыл та урыл ты китыглахтэгы̄н, Ам манры̄г лāвсум: ‘Мосēртын тах Āнум ат кāсалылы̄н, ос мосēртын тах ōс кāсалылы̄н’?20 Мāк, сяр мāк нāнанн лāвēгум: нāн лю̄ньсюӈкве, тāкысь лю̄ньсюӈкве патэгы̄н, ос мир пуссын хот-ся̄гтэгыт; нāн тыстуӈкве патэгы̄н, ос тыстылы̄н ся̄гтальпиӣг ēмты.21 Ōсьхатнэ нэ̄ тыстыл вēриты, тав сё̄сэ ты ёхтыс; ос ня̄враме самын патнэ юи-пāлт хот-ся̄гты, э̄лумхōлас ты тōрумын самын патме мāгыс тыстуме та ат номитэ.22 Нāн ань ос аквтох ты тыстэгы̄н; Ам нāнан тах ос кāсалыя̄нум, ос нāн сыманы̄н тах ōс ся̄гтэ̄гыт, ос нāн ся̄гтылы̄н нэ̄мхотъютын хот ат вӣве.
23 Та хōтал тах нāн Āнум нэ̄матыр урыл ат китыглылы̄н. Мāк, сяр мāк Ам нāнанн лāвēгум: Ам Намум мāгыс Āсюмныл мāныр пыл вōвегы̄н, нāнан мыганэ.24 Ань ты мус нāн Ам Намум мāгыс нэ̄матыр ат вōвыгласы̄н; нāн ся̄гтылын мāкыг ōлнэтэ мāгыс, вōвēн, вы̄глы̄н тах.25 Ань ты мус Ам нāнан ханисьтап потыр сирыл потыртасум, ань тамле пора ты ёхтыс, воссыг лāттальпал нāн ётын ат потыртэ̄гум, нāнан Āсюм урыл ля̄льт лāвиянум.26 Та хōтал тах нāн Ам намум мāгыс вōвуӈкве патэ̄гы̄н, Ам ань лāвēгум, тōнт тах Ам нāн мāгсылын Āсюмныл нэ̄матыр ат вōвēгум:27 Нāн Āнум э̄руптамын мāгыс Ам Тōрумныл ёхтумум ля̄ххалын агтумын мāгыс Āсюм нāнан таимāгыс э̄руптыянэ.28 Ам Āсюмныл минасум, мир палт ёхтысум; ань ос мир хультуптыянум ос Āсюм палт минэ̄гум”.29 Тав ханисьтахтын хумиянэ Тавēн лāвсыт: ”Ань Наӈ сōль ля̄льт ты лāвēгын, ханисьтап потыр сирыл ат потыртэ̄гын.30 Мāн ань тāрапаттыслӯв, мāныр ōлы Наӈ сяр пуссын вāганын ос Наӈын китыглан хōтпа наӈы̄н ат э̄ри. Таимāгыс мāн агтэ̄в, Наӈ сōль та Тōрумныл ёхты̄сын”.31 Ӣсус тāнанылн ювле-лāвыглас: ”Ань агтэгы̄н-а?32 Ань сё̄сув ты ю̄в, ань ёхтыс, нāн пуссын кāсыӈ хōтпа такви мāтэ̄н лāкква миныглэ̄гы̄н ос Āнум амккем хультуптылы̄н; Ам амккем тах ат хультэ̄гум, Āсюм Ам ётум ōлы.33 Ты урыл Ам нāнан лāвсум, нāн Ам тāрам роттыг ōлнэ ōлупсан вос патэгы̄н. Мир халт нāн тах савын патэгы̄н, мось таксор-лōмт, ё̄р лōмт кинсэ̄н: Ам ты мир ōлнэ тōрумт нōх-патсум”.
Глава 16