Библия
Выбрать язык
Книги Ветхого Завета
Книги Нового Завета
с русским текстом
PSALTIRI
28 Psalmu
1 Davidan psalmu. Lehtikovan pruazniekan loppujes. Andakkua kunnivo Ižändäle, Jumalan poijat,
tunnustakkua Hänen kunnivo da vägi!
2 Andakkua kunnivo Ižändän nimele!
Kumardukkua Hänen pyhän valgien ies!
3 Ižändän iäni kuuluu vezien piäl,
kunnivon Jumal jyrizöy,
Ižändän iäni kuuluu suurien vezien piäl.
4 Ižändän iäni on vägevy,
Ižändän iäni on kova.
5 Ižändän iäni murdau kedrat,
Ižändy murdau Livanan kedrat.
6 Häi panou mäit hyppimäh kui vazan,
Livan da Sirion hypitäh kui nuori meččyhäkki.
7 Ižändän iäni halgou tulen kielet,
8 Ižändän iäni säräittäy tyhjiä muadu,
Ižändy särähyttäy Kadesan tyhjän muan.
9 Ižändän iäni panou pedroi kandamah,
se pal՚l՚astau mečät.
Hänen pyhäkois kaikin sanotah:
«Kunnivo Hänele!»
10 Ižändän valduistuin on taivahan vezien piäl,
Häi roihes Suarinnu ilmazenijän.
11 Ižändy andau vägie Omale rahvahale,
rauhal Häi hyvittäy Omua rahvastu.
Глава 28
