Библия
Выбрать язык
Книги Ветхого Завета
Книги Нового Завета
с русским текстом
PSALTIRI
22 Psalmu
1 Davidan psalmu. Ižändy on minun Paimoi,
minul ei rodei hädiä nimis.
2 Häi huogaittau minuu vihandoil niittylöil,
Häi tuou minuu tyynien vezien rinnale.
3 Häi lujendau minun hengen,
Häi ohjuau minuu oigiele tiele Oman nimen kunnivon täh.
4 Hos minä matkuazin kuolendupimies orros,
minä en varuas nimidä pahua,
gu Sinä olet minunke.
Sinun vičču da paimoinkeppi ohjatah minuu.
5 Sinä varustat minule syöndystolan
minun vihaniekkoin silmien edeh.
Sinä voidelet minun piän voil,
minun mal՚l՚u on täyzi piripindazii myö.
6 Sinun hyvys da armo ollah minunke
minun elaijan kaikil päivil,
i minä elän Ižändän kois kai minun päivät.
Глава 22
