Выбрать язык
Книги Ветхого Завета
Книги Нового Завета
без русского текстаENZIMÄINE MOISEIN KIRJU | ПЕРВАЯ КНИГА МОИСЕЕВА. БЫТИЕ |
Lugu 31 | Глава 31 |
| 1 Juakoi kuuli, kui Lavanan poijat paistih: «Kačo, Juakoi sai kai, midä oli meijän tuatal, meijän tuatan eloloin vuoh rodih bohatakse.» | 1И услышал Иаков слова сынов Лавановых, которые говорили: Иаков завладел всем, что было у отца нашего, и из имения отца нашего составил все богатство сие. |
| 2 Juakoi ičegi nägi sen, gu Lavan jo ei kačo häneh kui enne. | 2И увидел Иаков лице Лавана, и вот, оно не таково к нему, как было вчера и третьего дня. |
| 3 Ižändy sanoi Juakoile: «Mene järilleh sinun tuattoloin muah omale rannale, i Minä olen sinunke.» | 3И сказал Господь Иакову: возвратись в землю отцов твоих и на родину твою; и Я буду с тобою. |
| 4 Juakoi käski kuččuo Rahilii da Liijua pellole, kus häi paimendi lambahii da kozii. | 4И послал Иаков, и призвал Рахиль и Лию в поле, к стаду мелкого скота своего, |
| 5 Häi sanoi heile: «Minä näin, teijän tuattas jo ei kačo minuh hyvin, kui enne. No minunke on minun tuatan Jumal. | 5и сказал им: я вижу лице отца вашего, что оно ко мне не таково, как было вчера и третьего дня; но Бог отца моего был со мною; |
| 6 Työ tiijättö, min äijän minä ruavoin teijän tuatale, | 6вы сами знаете, что я всеми силами служил отцу вашему, |
| 7 a häi muanitteli minuu da kerdua kymmene muutti palkua. Vai Jumal ei andanuh hänele luadie minule pahua. | 7а отец ваш обманывал меня и раз десять переменял награду мою; но Бог не попустил ему сделать мне зло. |
| 8 Gu teijän tuattas sanoi: ‘Pilkukkahat roijah sinun palkannu’, – sit kai vuonat roittih pilkukkahat. A konzu sanoi: ‘Sinun palkannu roijah kirjavat’, – sit kai roittih kirjavat. | 8Когда сказал он, что скот с крапинами будет тебе в награду, то скот весь родил с крапинами. А когда он сказал: пестрые будут тебе в награду, то скот весь и родил пестрых. |
| 9 Muga Jumal otti tuatalles kaiken karjan da andoi sen minule. | 9И отнял Бог скот у отца вашего и дал мне. |
| 10 Lambahien da kozien kiiman aigua minä näin unis, gu kai bošit, kuduat juoksutettih lambahii da kozii, oldih kirjavat, pilkukkahat da täplikkähät. | 10Однажды в такое время, когда скот зачинает, я взглянул и увидел во сне, и вот козлы, поднявшиеся на скот, пестрые с крапинами и пятнами. |
| 11 ‘Juakoi!’, sanoi minule Jumalan Anheli unis. Minä vastain: ‘Täs olen.’ | 11Ангел Божий сказал мне во сне: Иаков! Я сказал: вот я. |
| 12 Sit Häi sanoi: ‘Kačo, kai bošit, kuduat juoksutetah karjua, ollah kirjavat, pilkukkahat da täplikkähät. Minä näin, midä Lavan ruadau sinunke. | 12Он сказал: возведи очи твои и посмотри: все козлы, поднявшиеся на скот, пестрые, с крапинами и с пятнами, ибо Я вижу все, что Лаван делает с тобою; |
| 13 Minä olen Jumal [, Minä jiäviimmös sinule] Vefil՚as, kus sinä annoit minule sanan da kuavoit pyhävoidu kivele. Nygöi nouze, lähte täs muas da mene omah roindumuah [i Minä olen sinunke].’» | 13Я Бог явившийся тебе в Вефиле, где ты возлил елей на памятник и где ты дал Мне обет; теперь встань, выйди из земли сей и возвратись в землю родины твоей. |
| 14 Sit Rahil՚ da Liija vastattih hänele: «Meil ei ole enämbiä nimittumua vuittii tuatan elolois da perindölöis. | 14Рахиль и Лия сказали ему в ответ: есть ли еще нам доля и наследство в доме отца нашего? |
| 15 Häi pidi meidy vierahinnu, gu möi meidy da söi sen hinnan, kuduan sai meis. | 15не за чужих ли он нас почитает? ибо он продал нас и съел даже серебро наше; |
| 16 Kerran on muga, ga kai, midä hänel oli, elot, kuduat Jumal otti meijän tuatal, kuulutah meile da meijän lapsile. Luaji muga, kui käsköy Jumal.» | 16посему все богатство, которое Бог отнял у отца нашего, есть наше и детей наших; итак делай все, что Бог сказал тебе. |
| 17 Juakoi istutti lapsii da akkoi verbl՚uudoin selgäh, | 17И встал Иаков, и посадил детей своих и жен своих на верблюдов, |
| 18 otti keräle kaiken oman karjan da kai elot, kuduat sai, oman karjan, kuduan sai Mesopotamies, [kai midä kuului hänele,] gu mennä Isakan, oman tuatan, luo Hanaanan muah. | 18и взял с собою весь скот свой и все богатство свое, которое приобрел, скот собственный его, который он приобрел в Месопотамии, чтобы идти к Исааку, отцу своему, в землю Ханаанскую. |
| 19 Lavan sil aigua oli keriččemäs lambahii, i Rahil՚ otti kyzymättäh kodijumaloin kuvat. | 19И как Лаван пошел стричь скот свой, то Рахиль похитила идолов, которые были у отца ее. |
| 20 Muga Juakoi muanitti Lavanua-arameidu: ei sanonuh hänele nimidä lähtendäs. | 20Иаков же похитил сердце у Лавана Арамеянина, потому что не известил его, что удаляется. |
| 21 Häi lähti da otti kai, midä hänel oli. Häi meni joves poikki da matkai kohti Galaadan mägilöi. | 21И ушел со всем, что у него было; и, встав, перешел реку и направился к горе Галаад. |
| 22 Kolmandennu päivänny Lavanale-arameile sanottih Juakoin lähtendäs. | 22На третий день сказали Лавану, что Иаков ушел. |
| 23 Lavan keräi joukon [poigii da] omahizii da lähti jälles ajamah heidy. Seiččemen päivän mendyy häi tabaigi heidy Galaadan mägilöis. | 23Тогда он взял с собою родственников своих, и гнался за ним семь дней, и догнал его на горе Галаад. |
| 24 No sinä yön unis Lavanale-arameile jiäviihes Jumal da sanoi: «Älä luaji nimidä pahua Juakoile.» | 24И пришел Бог к Лавану Арамеянину ночью во сне и сказал ему: берегись, не говори Иакову ни доброго, ни худого. |
| 25 Lavan tabai Juakoidu. Juakoi pystytti stuanut Galaadan mägilöis, sinne tuli Lavangi omahizienke. | 25И догнал Лаван Иакова; Иаков же поставил шатер свой на горе, и Лаван со сродниками своими поставил на горе Галаад. |
| 26 Lavan sanoi Juakoile: «Midä sinä ruavoit? Sinä minuu muanitit. Veit minun tyttäret ihan ku voinal suavun sualehen! | 26И сказал Лаван Иакову: что ты сделал? для чего ты обманул меня, и увел дочерей моих, как плененных оружием? |
| 27 Mikse sinä lähtit peitoči, muanitit minuu, et sanonuh nimidä? Minä kaimannuzin sinuu vesselän pajonke, tamburiinan da arfan soitonke. | 27зачем ты убежал тайно, и укрылся от меня, и не сказал мне? я отпустил бы тебя с веселием и с песнями, с тимпаном и с гуслями; |
| 28 Sinä et andanuh minule andua suudu vunukoile da tyttärile lähtijes! Mielettäh sinä luajiit tämän! | 28ты не позволил мне даже поцеловать внуков моих и дочерей моих; безрассудно ты сделал. |
| 29 Minä voizin luadie teile äijän pahua, no tänä yön sinun tuatan Jumal sanoi minule: ‘Älä, kačo, sano Juakoile ni hyviä ni pahua!’ | 29Есть в руке моей сила сделать вам зло; но Бог отца вашего вчера говорил ко мне и сказал: берегись, не говори Иакову ни хорошего, ни худого. |
| 30 Anna sinä lähtenyzit, gu ylen äijäl tahtoit oman tuatan kodih, no mikse sinä varrastit minun jumaloi?» | 30Но пусть бы ты ушел, потому что ты нетерпеливо захотел быть в доме отца твоего, --зачем ты украл богов моих? |
| 31 «Minä varain», sanoi Juakoi Lavanale, «smietiin, sinä otat järilleh omii tyttärii [i kai minun elot]. | 31Иаков отвечал Лавану и сказал: я боялся, ибо я думал, не отнял бы ты у меня дочерей своих. |
| 32 No kel sinä lövvät sinun jumalat, se ei jiä hengih! Täs meijän rovun silmien ies eči, midä [sinule kuulujua] on minul, omat voit ottua.» No häi nimidä ei löydänyh. Juakoi näit ei tiedänyh sidä, gu jumaloin kuvat otti hänen akku Rahil՚. | 32у кого найдешь богов твоих, тот не будет жив; при родственниках наших узнавай, что у меня, и возьми себе. Иаков не знал, что Рахиль украла их. |
| 33 Lavan kävyi Juakoin stuanuh, sit Liijan da mollembien orjunaizien stuanuloih, [ečii], no ei löydänyh. Sit Liijan stuanus lähtiettyy, meni Rahilin stuanuh. | 33И ходил Лаван в шатер Иакова, и в шатер Лии, и в шатер двух рабынь, но не нашел. И, выйдя из шатра Лии, вошел в шатер Рахили. |
| 34 Rahil՚ sil aigua otti kodijumaloin kuvat, sydäi net verbl՚uudan sadulin alle da iče istuihes niile. Lavan ečii kaiken stuanun, no ei löydänyh. | 34Рахиль же взяла идолов, и положила их под верблюжье седло и села на них. И обыскал Лаван весь шатер; но не нашел. |
| 35 Rahil՚ sanoi hänele: «Älä suutu, minun ižändy, gu minä en voi nosta sinun ies, minul on tavalline naizien vaivu.» Lavan ečii [joga sijan], no jumalankuvii ei löydänyh. | 35Она же сказала отцу своему: да не прогневается господин мой, что я не могу встать пред тобою, ибо у меня обыкновенное женское. И он искал, но не нашел идолов. |
| 36 Juakoi tabavui da rubei viärittämäh Lavanua. Häi sanoi Lavanale: «Milbo minä olen viäry, midä pahua minä luajiin, gu sinä lähtit minuu ajamah jälles? | 36Иаков рассердился и вступил в спор с Лаваном. И начал Иаков говорить и сказал Лавану: какая вина моя, какой грех мой, что ты преследуешь меня? |
| 37 Sinä kačoit kai minun kois. Lövvitgo sie midä oman taloin tavarua? Ozuta täs minun omahizien dai sinun omahizien ies, anna hyö suuditah meijän keskes. | 37ты осмотрел у меня все вещи, что нашел ты из всех вещей твоего дома? покажи здесь пред родственниками моими и пред родственниками твоими; пусть они рассудят между нами обоими. |
| 38 Kaksikymmen vuottu minä ruavoin sinule. Sil aigua sinun lambahat da kozat ei lykätty vuonii, minä en syönnyh sinun boššiloi. | 38Вот, двадцать лет я был у тебя; овцы твои и козы твои не выкидывали; овнов стада твоего я не ел; |
| 39 Liennöy zvieri revitellyh karjas elätin, minä en tuonnuh sidä sinule, iče maksoin sit. Liennöy mi hävinnyh päiväl libo yöl, minus sinä kyzyit čottua. | 39растерзанного зверем я не приносил к тебе, это был мой убыток; ты с меня взыскивал, днем ли что пропадало, ночью ли пропадало; |
| 40 Päiväl minuu muokkai räkki, yöl – vilu, uni pagei minun silmis. | 40я томился днем от жара, а ночью от стужи, и сон мой убегал от глаз моих. |
| 41 Kaksikymmen vuottu minä olin sinun talois. Nellitostu vuottu minä ruavoin sinule sinun tyttäris, kuuzi vuottu – žiivatois, a sinä kymmene kerdua muutit minun palkua. | 41Таковы мои двадцать лет в доме твоем. Я служил тебе четырнадцать лет за двух дочерей твоих и шесть лет за скот твой, а ты десять раз переменял награду мою. |
| 42 Gu ei ollus minun puolel minun tuatan Jumal, Avraaman Jumal da Isakan varavo, sinä nygöi työndäzit minuu tyhjin käzin. No Jumal nägi minun abiet, minun suuren ruavon: egläi Häi puolisti minuu.» | 42Если бы не был со мною Бог отца моего, Бог Авраама и страх Исаака, ты бы теперь отпустил меня ни с чем. Бог увидел бедствие мое и труд рук моих и вступился за меня вчера. |
| 43 Lavan vastai Juakoile: «Tyttäret ollah minun, heijän lapset ollah minun, i karju on minun. Kai, midä sinä täs näit, on minun. Voingo minä nygöi midä luadie minun tyttärienke da heijän lapsienke, kudamii hyö suadih? | 43И отвечал Лаван и сказал Иакову: дочери--мои дочери; дети--мои дети; скот--мой скот, и все, что ты видишь, это мое: могу ли я что сделать теперь с дочерями моими и с детьми их, которые рождены ими? |
| 44 Luajimmo nygöi sovun, minä da sinä, i se rodieu tovestuksennu minun da sinun välis.» [Sit Juakoi sanoi hänele: «Kačo, meijänke ei ole nikedä. Jumal on tovestajannu minun dai sinun keskes.»] | 44Теперь заключим союз я и ты, и это будет свидетельством между мною и тобою. |
| 45 I Juakoi otti suuren kiven, pani sen mustopaččahakse. | 45И взял Иаков камень и поставил его памятником. |
| 46 Juakoi sanoi omahizile: «Keräkkiä kivie.» Hyö kerättih tukku kivie, luajittih kivimätäs, syödih da juodih sil mättähäl. [Lavan sanoi Juakoile: «Tämä mätäs on tovestajannu minun da sinun keskes.»] | 46И сказал Иаков родственникам своим: наберите камней. Они взяли камни, и сделали холм, и ели там на холме. |
| 47 Lavan nimitti sen Jegar-Sagadufa, a Juakoi pani sille nimen Galaad*а. | 47И назвал его Лаван: Иегар-Сагадуфа; а Иаков назвал его Галаадом. |
| 48 Lavan sanoi Juakoile: «Tänäpäi tämä mätäs [da mustopačas, kuduan minä panin,] on meijän sovun tovestai.» Sikse tämän kohtan nimi on Galaad. | 48И сказал Лаван: сегодня этот холм между мною и тобою свидетель. Посему и наречено ему имя: Галаад, |
| 49 A vie sidä kohtua sanotah Mitspa (kačondukohtu), gu Lavan sanoi: «Anna Ižändy kaččou meidy mollembii, konzu myö eruommo toine toizes. | 49также: Мицпа, оттого, что Лаван сказал: да надзирает Господь надо мною и над тобою, когда мы скроемся друг от друга; |
| 50 Gu sinä ruvennet abeimah minun tyttärii libo ottanet heijän ližäkse uuttu akkua, sit kačo: hos ei ole meijän keskes ristikanzua, kudai nägis, Jumal on tovestai minun da sinun keskes.» | 50если ты будешь худо поступать с дочерями моими, или если возьмешь жен сверх дочерей моих, то, хотя нет человека между нами, но смотри, Бог свидетель между мною и между тобою. |
| 51 I sanoi Lavan Juakoile: «Täs on se mätäs i se mustopačas, kuduan minä pystytin minun da sinun välih. | 51И сказал Лаван Иакову: вот холм сей и вот памятник, который я поставил между мною и тобою; |
| 52 Tämä mätäs da tämä mustopačas ollah tovestajat sit, gu ni minä en tule sinun luo tämän mättähän tuakse, ni sinä et tule minun luo tämän mättähän da mustopaččahan tuakse, gu luadie pahua. | 52этот холм свидетель, и этот памятник свидетель, что ни я не перейду к тебе за этот холм, ни ты не перейдешь ко мне за этот холм и за этот памятник, для зла; |
| 53 Anna meijän suudijannu on Avraaman Jumal da Nahoran Jumal, heijän tuatan Jumal.» Juakoi andoi sanan oman tuatan Isakan varavol. | 53Бог Авраамов и Бог Нахоров да судит между нами, Бог отца их. Иаков поклялся страхом отца своего Исаака. |
| 54 Sit Juakoi iški lambahan verhakse*b Jumalale sil mäil da kučui kaikkii syömäh. Hyö syödih da juodih i jiädih yökse sille mäile. | 54И заколол Иаков жертву на горе и позвал родственников своих есть хлеб; и они ели хлеб и ночевали на горе. |
| 55 Huondeksel Lavan nouzi aijoi, andoi suudu vunukoile da tyttärile omile da blahoslovii heidy. Sit Lavan lähti da meni järilleh omah kohtah. | 55И встал Лаван рано утром и поцеловал внуков своих и дочерей своих, и благословил их. И пошел и возвратился Лаван в свое место. |
*а47 31:47 Arameinkieline sana Jegar-Sagadufa da jevreinkieline sana Galaad merkitäh yhty: tovestandan mätäs.
*b54 31:54 Verhu – tuomine Jumalale. Se on vahnu karjalaine sana.
Глава 31