Выбрать язык
Книги Ветхого Завета
Книги Нового Завета
без русского текстаENZIMÄINE MOISEIN KIRJU | ПЕРВАЯ КНИГА МОИСЕЕВА. БЫТИЕ |
Lugu 30 | Глава 30 |
| 1 Konzu Rahil՚ nägi, gu häi ei voi suaja Juakoile lastu, häi rubei kadehtimah sizärdy da sanoi Juakoile: «Anna minule lastu, eiga minä kuolen!» | 1И увидела Рахиль, что она не рождает детей Иакову, и позавидовала Рахиль сестре своей, и сказала Иакову: дай мне детей, а если не так, я умираю. |
| 2 No Juakoi sanoi hänele suutuksis: «Olengo minä Jumal, kudai ei andanuh sinule lastu?» | 2Иаков разгневался на Рахиль и сказал: разве я Бог, Который не дал тебе плода чрева? |
| 3 Rahil՚ sanoi ukole: «Täs on Valla, minun käskyläisnaine. Elä hänenke, anna häi suau lapsii minun polvile. Anna hos hänen kauti minule roih lastu.» | 3Она сказала: вот служанка моя Валла; войди к ней; пусть она родит на колени мои, чтобы и я имела детей от нее. |
| 4 I Rahil՚ andoi oman käskyläisnaizen Vallan Juakoile ližä-akakse. Juakoi rubei elämäh hänenke. | 4И дала она Валлу, служанку свою, в жену ему; и вошел к ней Иаков. |
| 5 Valla, [Rahilin käskyläisnaine] kohtustui da sai poijan. | 5Валла зачала и родила Иакову сына. |
| 6 Rahil՚ sanoi: «Jumal suudii minun puoleh, Häi kuuli minun malitun i andoi minule poijan.» Sikse häi andoi poijale nimen Dan (häi suudii). | 6И сказала Рахиль: судил мне Бог, и услышал голос мой, и дал мне сына. Посему нарекла ему имя: Дан. |
| 7 A Rahilin käskyläisnaine Valla myös kohtustui i sai Juakoile vie yhten poijan. | 7И еще зачала и родила Валла, служанка Рахилина, другого сына Иакову. |
| 8 Rahil՚ sanoi: «Suuri kiistu oli minul sizärenke. Nygöi minä voitin!» Häi andoi poijale nimen Neffalim (kiistu). | 8И сказала Рахиль: борьбою сильною боролась я с сестрою моею и превозмогла. И нарекла ему имя: Неффалим. |
| 9 Liija nägi, gu heitti lapsensuandan, i otti oman käskyläisnaizen Zelfan da andoi Juakoile akakse, [i Juakoi yhtyi häneh]. | 9Лия увидела, что перестала рождать, и взяла служанку свою Зелфу, и дала ее Иакову в жену. |
| 10 Zelfa, Liijan käskyläisnaine, kohtustui da sai Juakoile poijan. | 10И Зелфа, служанка Лиина, родила Иакову сына. |
| 11 Liija sanoi: «Ozitti!» Häi andoi poijale nimen Gad (hyvä oza). | 11И сказала Лия: прибавилось. И нарекла ему имя: Гад. |
| 12 Zelfa, Liijan käskyläisnaine, [myös kohtustui da] sai toizen poijan Juakoile. | 12И родила Зелфа, служанка Лии, другого сына Иакову. |
| 13 «Minä olen ozakas», sanoi Liija, «ozakkahakse sanotah minuu kai naizet.» Häi andoi poijale nimen Asir (oza). | 13И сказала Лия: к благу моему, ибо блаженною будут называть меня женщины. И нарекла ему имя: Асир. |
| 14 Kerran nižun leikkuanduaijal Ruvim löydi pellos mandragorua da toi muamale Liijale. Rahil՚ kyzyi Liijal, [omal sizärel]: «Anna minule sinun poijan tuoduu mandragorua.» | 14Рувим пошел во время жатвы пшеницы, и нашел мандрагоровые яблоки в поле, и принес их Лии, матери своей. И Рахиль сказала Лии: дай мне мандрагоров сына твоего. |
| 15 «Eigo ole sinule kylläl sit, gu veit minul ukon», sanoi Liija, «nygöi sinä tahtot vie mandragoruagi, kuduat löydi minun poigu?» «Olgah», sanoi Rahil՚, «anna Juakoi maguau sinunke tulien yön, gu andanet minule mandragorat.» | 15Но она сказала ей: неужели мало тебе завладеть мужем моим, что ты домогаешься и мандрагоров сына моего? Рахиль сказала: так пусть он ляжет с тобою эту ночь, за мандрагоры сына твоего. |
| 16 Ehtäl, konzu Juakoi tuli pellolpäi, Liija meni hänele vastah da sanoi: «Tule tänäpäi minun luo. Minä ostin sinuu minun poijan mandragorois!» Sinä yön Juakoi magai Liijanke. | 16Иаков пришел с поля вечером, и Лия вышла ему навстречу и сказала: войди ко мне; ибо я купила тебя за мандрагоры сына моего. И лег он с нею в ту ночь. |
| 17 Jumal kuuli Liijan malitun, häi myös kohtustui i sai Juakoile viijenden poijan. | 17И услышал Бог Лию, и она зачала и родила Иакову пятого сына. |
| 18 «Jumal maksoi minule sit, gu minä annoin oman käskyläzen omale ukole», sanoi Liija. Häi andoi poijale nimen Issahar (maksu). | 18И сказала Лия: Бог дал возмездие мне за то, что я отдала служанку мою мужу моему. И нарекла ему имя: Иссахар. |
| 19 Vie kerran kohtustui Liija da sai Juakoile kuvvenden poijan. | 19И еще зачала Лия и родила Иакову шестого сына. |
| 20 I sanoi Liija: «Äijäl hyvitti minuu Jumal! Nygöi minun ukko rubieu elämäh minun luo, sikse gu minähäi sain hänele kuuzi poigua!» Häi andoi poijale nimen Zavulon (eläy minun luo). | 20И сказала Лия: Бог дал мне прекрасный дар; теперь будет жить у меня муж мой, ибо я родила ему шесть сынов. И нарекла ему имя: Завулон. |
| 21 Sit Liija sai vie tyttären da andoi hänele nimen Dina. | 21Потом родила дочь и нарекла ей имя: Дина. |
| 22 No Jumal musti Rahilingi, kuuli hänen malitun da andoi hänele ozan suaja lastu. | 22И вспомнил Бог о Рахили, и услышал ее Бог, и отверз утробу ее. |
| 23 Rahil՚ kohtustui da sai [Juakoile] poijan da sanoi: «Jumal piästi minuu huigies.» | 23Она зачала и родила сына, и сказала: снял Бог позор мой. |
| 24 Häi andoi poijale nimen Josif*а da sanoi: «Andakkah Ižändy minule vie toizen poijan.» | 24И нарекла ему имя: Иосиф, сказав: Господь даст мне и другого сына. |
| 25 Konzu Rahil՚ sai Josifan, Juakoi sanoi Lavanale: «Anna minule valdu lähtie kodih, omale muale. | 25После того, как Рахиль родила Иосифа, Иаков сказал Лавану: отпусти меня, и пойду я в свое место, и в свою землю; |
| 26 Anna minule minun akat da lapset, kudamien täh minä ruavoin sinule. Sinä tiijät, kui äijän minä ruavoin!» | 26отдай жен моих и детей моих, за которых я служил тебе, и я пойду, ибо ты знаешь службу мою, какую я служил тебе. |
| 27 «Oh, gu sinä kuulizit minuu», sanoi Lavan, «minä kaikkie myö näin, gu sinun periä Ižändy hyvitti minuu. | 27И сказал ему Лаван: о, если бы я нашел благоволение пред очами твоими! я примечаю, что за тебя Господь благословил меня. |
| 28 Sano, midä sinä tahtot palkakse i minä annan sinule.» | 28И сказал: назначь себе награду от меня, и я дам. |
| 29 «Iče tiijät», sanoi Juakoi, «kui minä sinule ruavoin, mittumat suuret roittih sinun karjat minun aigua. | 29И сказал ему Иаков: ты знаешь, как я служил тебе, и каков стал скот твой при мне; |
| 30 Ei ylen äijiä žiivattua sinul olluh, konzu minä tulin, a nygöi mi on! Kačo, kui Ižändy hyvitti sinuu minun tulduu! A konzubo minä rubien ruadamah omale perehele?» | 30ибо мало было у тебя до меня, а стало много; Господь благословил тебя с приходом моим; когда же я буду работать для своего дома? |
| 31 «Sano sit, mittuman maksun sinä tahtot?» kyzyi Lavan. «Älä anna minule nimidä», vastai Juakoi. «Gu luadinet muga, kui minä sanon, sit minä rubien iellehgi paimendamah da kaččomah sinun karjua. | 31И сказал Лаван: что дать тебе? Иаков сказал: не давай мне ничего. Если только сделаешь мне, что я скажу, то я опять буду пасти и стеречь овец твоих. |
| 32 Minä kačon tänäpäi kaiken sinun karjan. Eroita sit karjas tänäpäi kai pilkukkahat dai täplikkähät elätit, kai mustat lambahis dai täplikkähät da pilkukkahat kozis. A iellehpäi moizet elätit roijah minun palkannu ruavos [da roijah minun]. | 32Я пройду сегодня по всему стаду овец твоих; отдели из него всякий скот с крапинами и с пятнами, всякую скотину черную из овец, также с пятнами и с крапинами из коз. Такой скот будет наградою мне. |
| 33 Sinul kebjei rodieu nähtä, engo minä muanita sinuu: nygöi gu tulet kaččomah, midä minä otin palkakse da gu löydänet minul kozan ei-pilkukkahan da ei-täplikkähän, libo lambahan, kudai ei ole mustu, sit voit sanuo minuu vargahakse.» | 33И будет говорить за меня пред тобою справедливость моя в следующее время, когда придешь посмотреть награду мою. Всякая из коз не с крапинами и не с пятнами, и из овец не черная, краденое это у меня. |
| 34 «Hyvä», sanoi Lavan, «anna rodieu sinuu myö.» | 34Лаван сказал: хорошо, пусть будет по твоему слову. |
| 35 Samannu piän Lavan keräi kaikkii kirjavii da täplikkähii kozloi, kaikkii pilkukkahii da täplikkähii kozii, kaikkii, kudamis oli vähäine valgiedu, da kaikkii mustii lambahii, andoi net omile poijile, | 35И отделил в тот день козлов пестрых и с пятнами, и всех коз с крапинами и с пятнами, всех, на которых было несколько белого, и всех черных овец, и отдал на руки сыновьям своим; |
| 36 i net lähtiettih muijale kolmen päivän matkan piäh. Juakoi paimendi jiännytty karjua. | 36и назначил расстояние между собою и между Иаковом на три дня пути. Иаков же пас остальной мелкий скот Лаванов. |
| 37 Juakoi otti tuorestu oksua toupolis, mindal՚as, platanas, kiškoi niis junozet kojua valgieh puussah. | 37И взял Иаков свежих прутьев тополевых, миндальных и яворовых, и вырезал на них белые полосы, сняв кору до белизны, которая на прутьях, |
| 38 Net kuoritut oksat häi pani žiivatoin juotinkartah. Anna elätit kačotah niih oksih, konzu tullah juomah. Juuri sil aigua bošit da boššikozat juoksutetah kozii da lambahii. | 38и положил прутья с нарезкою перед скотом в водопойных корытах, куда скот приходил пить, и где, приходя пить, зачинал пред прутьями. |
| 39 A elätit kačottih niih kirjavih oksih juoksutanduaigua i sit kannettih kirjavii, pilkukkahii da täplikkähii vuonazii. | 39И зачинал скот пред прутьями, и рождался скот пестрый, и с крапинами, и с пятнами. |
| 40 Net vuonat Juakoi jätti ičelleh. Konzu elättilöil oli kiimu, häi azetti lambahat muga, gu net kačottas Lavanan kirjavih da mustih žiivattoih. Oman karjan häi pidi eriže, ei piästänyh lambahii da kozii seguomah Lavanan lambahih da kozih. | 40И отделял Иаков ягнят и ставил скот лицем к пестрому и всему черному скоту Лаванову; и держал свои стада особо и не ставил их вместе со скотом Лавана. |
| 41 Konzu parahat elätit oldih kiimas, Juakoi ainos pani juotinkartah heile edeh kirjavua oksua, sil aigua tapahtui juoksutandu. | 41Каждый раз, когда зачинал скот крепкий, Иаков клал прутья в корытах пред глазами скота, чтобы он зачинал пред прутьями. |
| 42 A huonombien elättilöin edeh häi ei pannuh oksii, sikse huonombat vuonat jiädih Lavanale, a Juakoi sai hyväkundozet. | 42А когда зачинал скот слабый, тогда он не клал. И доставался слабый скот Лавану, а крепкий Иакову. |
| 43 Juakoi bohatui äijäl, hänele kerdyi äijy lammastu da kozua [da lehmiä], orjunaistu da orjua, verbl՚uudua da oslua. | 43И сделался этот человек весьма, весьма богатым, и было у него множество мелкого скота, и рабынь, и рабов, и верблюдов, и ослов. |
*а24 30:24 Nimi Josif mustoittau kahtu jevreinkielisty sanua: «ottua», «andua».
Глава 30