Выбрать язык
Книги Ветхого Завета
Книги Нового Завета
без русского текстаИСАЙ ПРОРОКЛÖН НЕБÖГ | КНИГА ПРОРОКА ИСАИИ |
49 юр | Глава 49 |
| 1 Кывзӧй менӧ, саридз дорын олысьяс, сюся кывзӧй, ылысса войтыръяс! Господь чукӧстіс менӧ чужтӧдз на, мам кынӧмын на сетіс меным ним. | 1Слушайте Меня, острова, и внимайте, народы дальние: Господь призвал Меня от чрева, от утробы матери Моей называл имя Мое; |
| 2 Сійӧ вӧчис менсьым кывйӧс ёсь шыпуртӧн, вевттис менӧ Аслас ки вуджӧрӧн, вӧчис менӧ ёсь ньӧвйӧн, Аслас ньӧвпуртӧсын видзис менӧ. | 2и соделал уста Мои как острый меч; тенью руки Своей покрывал Меня, и соделал Меня стрелою изостренною; в колчане Своем хранил Меня; |
| 3 Сійӧ шуис меным: «Израиль, тэ – Менам кесйӧг, тэ пыр Ме петкӧдла Ассьым дзирдлунӧс». | 3и сказал Мне: Ты раб Мой, Израиль, в Тебе Я прославлюсь. |
| 4 А ме чайті, мый весьшӧрӧ ме мырси-уджалі, весьшӧрӧ да ковтӧг ассьым вынӧс вошті. Но Господьсянь лоӧ меным веськыда мыждӧмыс, менам Енсянь лоӧ меным тырдоныс. | 4А Я сказал: напрасно Я трудился, ни на что и вотще истощал силу Свою. Но Мое право у Господа, и награда Моя у Бога Моего. |
| 5 Господь вӧчис менӧ Аслас кесъялысьӧн мам кынӧмын на, медым ме Сылань бергӧді Яковӧс, медым Израиль чукӧртчис Сы дінӧ. Господь нимӧдӧ менӧ Аслас син водзын, менам Енмӧй – менам выныс. Ӧні Господь тадзи висьталӧ: | 5И ныне говорит Господь, образовавший Меня от чрева в раба Себе, чтобы обратить к Нему Иакова и чтобы Израиль собрался к Нему; Я почтен в очах Господа, и Бог Мой–сила Моя. |
| 6 – Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс. | 6И Он сказал: мало того, что Ты будешь рабом Моим для восстановления колен Иаковлевых и для возвращения остатков Израиля, но Я сделаю Тебя светом народов, чтобы спасение Мое простерлось до концов земли. |
| 7 Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ. | 7Так говорит Господь, Искупитель Израиля, Святый Его, презираемому всеми, поносимому народом, рабу властелинов: цари увидят, и встанут; князья поклонятся ради Господа, Который верен, ради Святаго Израилева, Который избрал Тебя. |
| 8 Господь тадзи висьталӧ: – Ме кылі тэнӧ бур кадӧ, отсалі тэныд мездман лунӧ. Ме видзи тэнӧ, пукті тэнӧ тайӧ войтырыслы йитӧд пыдди, медым тэ выльысь сӧвмӧдін тайӧ мусӧ, медым тэ юклін кушмӧм муяссӧ, | 8Так говорит Господь: во время благоприятное Я услышал Тебя, и в день спасения помог Тебе; и Я буду охранять Тебя, и сделаю Тебя заветом народа, чтобы восстановить землю, чтобы возвратить наследникам наследия опустошенные, |
| 9 медым тэ шуин дзескыдінӧ йӧршитӧмаяслы: «Петӧй!», пемыдінын пукалысьяслы: «Петкӧдчӧй!» Туй бокысь найӧ аддзасны сёян, куш мылькъяс лоӧны налы йирсянінӧн. | 9сказать узникам: `выходите', и тем, которые во тьме: `покажитесь'. Они при дорогах будут пасти, и по всем холмам будут пажити их; |
| 10 Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ. | 10не будут терпеть голода и жажды, и не поразит их зной и солнце; ибо Милующий их будет вести их и приведет их к источникам вод. |
| 11 Став Ассьым керӧсъясӧс Ме вӧча туйясӧн, Менам туйясӧй пондасны мунны выліинті. | 11И все горы Мои сделаю путем, и дороги Мои будут подняты. |
| 12 Со, Менам войтырӧй локтас ылісянь: ӧтияс – войвывсянь, мӧдъяс – рытыввывсянь, мукӧдыс – Синим муысь. | 12Вот, одни придут издалека; и вот, одни от севера и моря, а другие из земли Синим. |
| 13 Нимкодясь, енэжыс, гажӧдчы, муыс, гораа нимкодясьӧй, керӧсъяс! Ӧд Господь бурӧдіс Ассьыс войтырсӧ, Сійӧ бурсьӧлӧмтчӧ Аслас коньӧръяс дінӧ. | 13Радуйтесь, небеса, и веселись, земля, и восклицайте, горы, от радости; ибо утешил Господь народ Свой и помиловал страдальцев Своих. |
| 14 Сион шуліс: «Господь эновтіс менӧ, менам Ыджыдӧй вунӧдіс менӧ!» | 14А Сион говорил: `оставил меня Господь, и Бог мой забыл меня!' |
| 15 Ань ӧмӧй вунӧдас ассьыс пузчужӧм кагасӧ, сійӧ ӧмӧй оз кут жалитны ассьыс чужтӧм кагасӧ? Но весиг мам кӧ вунӧдас ассьыс кагасӧ, Ме тэнӧ ог вунӧд! | 15Забудет ли женщина грудное дитя свое, чтобы не пожалеть сына чрева своего? но если бы и она забыла, то Я не забуду тебя. |
| 16 Ме серпасалі тэнӧ Аслам ки пыдӧсӧ, тэнад стенъясыд – век Менам син водзын. | 16Вот, Я начертал тебя на дланях Моих; стены твои всегда предо Мною. |
| 17 Тэнад пияныд тэрмасьӧны локны тэ дінӧ, а тэнӧ пазӧдысьяс-куштысьяс пышйӧны. | 17Сыновья твои поспешат к тебе, а разорители и опустошители твои уйдут от тебя. |
| 18 Лэпты синтӧ да гӧгӧр видзӧдлы: тэнад пияныд ставныс чукӧртчӧны, локтӧны тэ дінӧ. Ме кыв сетӧмӧн кӧсйыся Аслам олӧмӧн, – висьталӧ Господь, – кыдзи гӧтырпулӧн мичмӧдчанторйыс зарни-эзысь, тадзи пияныд лоӧны тэнад мичмӧдчанторйӧн. | 18Возведи очи твои и посмотри вокруг, –все они собираются, идут к тебе. Живу Я! говорит Господь, –всеми ими ты облечешься, как убранством, и нарядишься ими, как невеста. |
| 19 Тэнсьыд муястӧ куштӧма, сэні эз коль олысьыс, тэнсьыд мутӧ дзикӧдз пазӧдӧма. Но тэныд дзескыд лоӧ уна лыда олысьяс вӧсна, тэнӧ куштысьяс дзикӧдз ылыстчасны тэ дінысь. | 19Ибо развалины твои и пустыни твои, и разоренная земля твоя будут теперь слишком тесны для жителей, и поглощавшие тебя удалятся от тебя. |
| 20 Тэ воштін челядьтӧ, но тэнад нӧшта на лоӧны челядь. Найӧ шуасны тэныд: «Миянлы дзескыд тані, сет миянлы оланін». | 20Дети, которые будут у тебя после потери прежних, будут говорить вслух тебе: `тесно для меня место; уступи мне, чтобы я мог жить'. |
| 21 Тэ чуйман: «Коді меным чужтіс найӧс? Менам эз вӧвны челядьӧй, ме вӧлі нӧбасьны вермытӧмӧн, ме вӧлі пленын, чужан муысь ылын. Коді нӧ быдтіс найӧс? Ме вӧлі ӧтка – кытысь нӧ лоины найӧ?» | 21И ты скажешь в сердце твоем: кто мне родил их? я была бездетна и бесплодна, отведена в плен и удалена; кто же возрастил их? вот, я оставалась одинокою; где же они были? |
| 22 Господь Ыджыдыс тадзи висьталӧ: – Ме нюжӧда киӧс войтыръяслань, лэпта Ассьым дӧрапасӧс чужанкотыръяслы, и найӧ ваясны тэнсьыд пиянтӧ ки выланыс, тэнсьыд нывъястӧ – пельпом выланыс. | 22Так говорит Господь Бог: вот, Я подниму руку Мою к народам, и выставлю знамя Мое племенам, и принесут сыновей твоих на руках и дочерей твоих на плечах. |
| 23 Ӧксыяс пондасны тӧждысьны тэнад челядь вӧсна, ӧксыяслӧн гӧтыръясныс пондасны вердны тэнсьыд ныв-питӧ. Найӧ пондасны муӧдз копрасьны тэныд, тэнад кокысь буссӧ нювны. Сэки тэ тӧдмалан, мый Ме – Господь, и Ме вылӧ лача кутысь оз янав. | 23И будут цари питателями твоими, и царицы их кормилицами твоими; лицом до земли будут кланяться тебе и лизать прах ног твоих, и узнаешь, что Я Господь, что надеющиеся на Меня не постыдятся. |
| 24 Вына тышкамортлысь ӧмӧй позьӧ босьтны тышын мырддьӧмасӧ? Вермысьлысь ӧмӧй позьӧ мырддьыны пленӧ босьтӧмаясӧс? | 24Может ли быть отнята у сильного добыча, и могут ли быть отняты у победителя взятые в плен? |
| 25 Но Господь тадзи висьталӧ: – Ӧні вына тышкамортлысь лоӧ мырддьӧма пленӧ босьтӧмаясӧс, дзескӧдысьлысь лоӧ босьтӧма мырддьӧмасӧ. Ме Ачым кута вермасьны тэныд паныд сувтысьяскӧд, Ме мезда тэнсьыд челядьтӧ. | 25Да! так говорит Господь: и плененные сильным будут отняты, и добыча тирана будет избавлена; потому что Я буду состязаться с противниками твоими и сыновей твоих Я спасу; |
| 26 Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен. | 26и притеснителей твоих накормлю собственною их плотью, и они будут упоены кровью своею, как молодым вином; и всякая плоть узнает, что Я Господь, Спаситель твой и Искупитель твой, Сильный Иаковлев. |
Глава 49