Выбрать язык
Книги Ветхого Завета
Книги Нового Завета
без русского текстаИСАЙ ПРОРОКЛÖН НЕБÖГ | КНИГА ПРОРОКА ИСАИИ |
33 юр | Глава 33 |
| 1 Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны. | 1Горе тебе, опустошитель, который не был опустошаем, и грабитель, которого не грабили! Когда кончишь опустошение, будешь опустошен и ты; когда прекратишь грабительства, разграбят и тебя. |
| 2 Господьӧй, ло бур сьӧлӧма миян дінӧ! Тэ вылӧ ми лача кутам. Водз асывсянь ло миянлы Дорйысьӧн, сьӧкыд кадӧ ло миянлы Мездысьӧн! | 2Господи! помилуй нас; на Тебя уповаем мы; будь нашею мышцею с раннего утра и спасением нашим во время тесное. |
| 3 Тэнад гора гӧлӧс шыысь пышъясны войтыръяс. Кор Тэ кыпӧдчан, разаласны чужанкотыръяс. | 3От грозного гласа Твоего побегут народы; когда восстанешь, рассеются племена, |
| 4 Сійӧ, мый найӧ мырддялісны тыш дырйи, налысь йирасны лёльӧ моз, сы вылӧ уськӧдчасны саранча моз. | 4и будут собирать добычу вашу, как собирает гусеница; бросятся на нее, как бросается саранча. |
| 5 Господь медвылын, Сійӧ олӧ выліинын. Сион вылын Сійӧ зумыдмӧдас веськыда мыждӧм да веськыдлун. | 5Высок Господь, живущий в вышних; Он наполнит Сион судом и правдою. |
| 6 Сійӧ лоӧ тэныд Дорйысьӧн, Сысянь лоӧ тэныд тырвыйӧ мездмӧм, мывкыдлун да тӧдӧмлун. Тэнад озырлуныд – Господьысь полӧм. | 6И настанут безопасные времена твои, изобилие спасения, мудрости и ведения; страх Господень будет сокровищем твоим. |
| 7 Со, вынаяс горзӧны ывлаын, лӧньлунсӧ юӧртысьяс курыда бӧрдӧны. | 7Вот, сильные их кричат на улицах; послы для мира горько плачут. |
| 8 Туйяс кушмисны, ветлысь-мунысьыс абу. Сёрнитчӧм торкӧма, каръяс кисьтӧма, йӧзсӧ увтыртӧма. | 8Опустели дороги; не стало путешествующих; он нарушил договор, разрушил города, –ни во что ставит людей. |
| 9 Муыс шогсьӧ, косьмӧма, ливанса вӧр нюкыртчӧма, сьӧдасьӧма, Шарон ласта лои кушинӧн. Васан ыб вылын да Кармил керӧсъясын кушмӧмаӧсь пуяс. | 9Земля сетует, сохнет; Ливан постыжен, увял; Сарон похож стал на пустыню, и обнажены от листьев своих Васан и Кармил. |
| 10 Ӧні Ме чечча, – висьталӧ Господь, – ӧні Ме сувта да кыпӧдча. | 10Ныне Я восстану, говорит Господь, ныне поднимусь, ныне вознесусь. |
| 11 Ті нӧбасянныд кос турунӧн, чужтанныд идзас. Тіян ловшыныд би моз сотас асьнытӧ. | 11Вы беременны сеном, разродитесь соломою; дыхание ваше–огонь, который пожрет вас. |
| 12 Войтыръяс, тіянӧс лоӧ сотӧма, ті лоанныд кориз кодьӧсь, керыштӧм лежнӧгӧс моз тіянӧс лоӧ сотӧма биын. | 12И будут народы, как горящая известь, как срубленный терновник, будут сожжены в огне. |
| 13 Ыліын олысьяс, кывзӧй Менам уджъяс йылысь! Матіын олысьяс, тӧдмалӧй Менсьым вынӧс! | 13Слушайте, дальние, что сделаю Я; и вы, ближние, познайте могущество Мое. |
| 14 Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?» | 14Устрашились грешники на Сионе; трепет овладел нечестивыми: `кто из нас может жить при огне пожирающем? кто из нас может жить при вечном пламени?' – |
| 15 Сійӧ, коді олӧ веськыда да висьталӧ збыльсӧ, коді оз кӧсйы озырмӧдчыны мукӧдсӧ дзескӧдӧмӧн, коді оз босьт козин, а мыждӧ веськыда, коді оз кӧсйы ӧтувтчыны вир кисьтысьяскӧд, коді мустӧмтӧ лёк вӧчысьяслысь уджъяссӧ. | 15Тот, кто ходит в правде и говорит истину; кто презирает корысть от притеснения, удерживает руки свои от взяток, затыкает уши свои, чтобы не слышать о кровопролитии, и закрывает глаза свои, чтобы не видеть зла; |
| 16 Татшӧм мортыс пондас овны выліинын, сылӧн сайӧдчанінӧн лоӧ керӧсвывса изкар. Сылӧн няньыс пыр лоӧ, и ваыс сылӧн оз бырлы. | 16тот будет обитать на высотах; убежище его–неприступные скалы; хлеб будет дан ему; вода у него не иссякнет. |
| 17 Аслад синмӧн тэ аддзан Ӧксыӧс став сылӧн мичлуннас, тэ аддзан ылӧдз нюжӧдчӧм му. | 17Глаза твои увидят Царя в красоте Его, узрят землю отдаленную; |
| 18 Тэ казьтыштан бӧрӧ кольӧм полӧмсӧ да шуан: «Кӧні ӧні сійӧ, коді гижавліс вот мынтӧмнымӧс? Кӧні сійӧ, коді веситліс вот мынтан сьӧмнымӧс? Кӧні сійӧ, коді видзӧдаліс-лыддис башняяснымӧс?» | 18сердце твое будет только вспоминать об ужасах: `где делавший перепись? где весивший дань? где осматривающий башни?' |
| 19 Водзӧ тэ он нин аддзы чорыд сьӧлӧма войтырӧс, кодлӧн сёрниыс нума-намакылӧм кодь, кодлӧн кывйыс тешкодь да гӧгӧрвотӧм. | 19Не увидишь более народа свирепого, народа с глухою, невнятною речью, с языком странным, непонятным. |
| 20 Видзӧдлы Сион кар вылӧ, миян гажӧдчанін вылӧ! Аслад синмӧн тэ аддзан Ерусалим, сійӧ – лӧнь оланін, вӧрзьывлытӧм дӧрачом. Сылӧн сюръяясыс сулалӧны зумыда, сылӧн гезъясыс оз орны. | 20Взгляни на Сион, город праздничных собраний наших; глаза твои увидят Иерусалим, жилище мирное, непоколебимую скинию; столпы ее никогда не исторгнутся, и ни одна вервь ее не порвется. |
| 21 Сэні Господь лоӧ миянлы визув ваӧн да паськыд юӧн. Сэті оз кут кывтны вӧрӧглӧн пыж, оз кут кывтны ыджыд корабль. | 21Там у нас великий Господь будет вместо рек, вместо широких каналов; туда не войдет ни одно весельное судно, и не пройдет большой корабль. |
| 22 Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс! | 22Ибо Господь–судия наш, Господь–законодатель наш, Господь–царь наш; Он спасет нас. |
| 23 Кор тэнад гезъясыд личаласны, оз нин вермыны кутны шолга да зэвтны тӧвдӧра, сэки кутан юклыны тышын шедӧдӧм ыджыд эмбуртӧ, весиг чотысьяс уськӧдчасны юклыны сійӧс. | 23Ослабли веревки твои, не могут удержать мачты и натянуть паруса. Тогда будет большой раздел добычи, так что и хромые пойдут на грабеж. |
| 24 Сионын олысьяс пӧвстысь некод оз шу, ме пӧ вися, сэні олысь войтырлысь мыжъяссӧ лоӧ прӧститӧма. | 24И ни один из жителей не скажет: `я болен'; народу, живущему там, будут отпущены согрешения. |
Глава 33