Выбрать язык
Книги Ветхого Завета
Книги Нового Завета
без русского текстаИСАЙ ПРОРОКЛÖН НЕБÖГ | КНИГА ПРОРОКА ИСАИИ |
28 юр | Глава 28 |
| 1 Курыд шог юркытшлы, мыйӧн ошйысьӧны код юра ефремсаяс. Курыд шог нярмӧм дзоридзлы – ефремсаяслӧн мичмӧданторлы да ошйысянторлы. Курыд шог карлы, коді сулалӧ керӧс вылын, бур муа ковтыс весьтын. Сэтчӧс олысьяссӧ вермӧма винаыс. | 1Горе венку гордости пьяных Ефремлян, увядшему цветкукрасивого убранства его, который на вершине тучной долинысраженных вином! |
| 2 Со, Господьлӧн эм вынйӧра да ён морт, коді шерӧн мунысь сувтса зэр моз, путкылялысь тӧвныр моз, паськыда ойдысь ытва моз ыджыд вынӧн шыбитас найӧс муас. | 2Вот, крепкий и сильный у Господа, как ливень с градом игубительный вихрь, как разлившееся наводнение бурных вод, с силоюповергает его на землю. |
| 3 Лоӧ талялӧма юркытшсӧ, мыйӧн ошйысьӧны код юра ефремсаяс. | 3Ногами попирается венок гордости пьяных Ефремлян. |
| 4 Нярмӧм дзоридзкӧд, ефремсаяслӧн мичмӧданторкӧд да ошйысянторкӧд, коді быдмӧ керӧс вылын, бур муа ковтыс весьтын, лоӧ кадысь водз воӧм инжиркӧд моз – коді аддзас сійӧс, босьтас киас да дзик пыр ньылыштас. | 4И с увядшим цветком красивого убранства его, который навершине тучной долины, делается то же, что бывает с созревшеюпрежде времени смоквою, которую, как скоро кто увидит, тотчасберет в руку и проглатывает ее. |
| 5 Сійӧ лунӧ Господь Саваоф лоӧ мича юркытшӧн, ошйысяна мичмӧданторйӧн Аслас коляс войтырлы. | 5В тот день Господь Саваоф будет великолепным венцом иславною диадемою для остатка народа Своего, |
| 6 Сійӧ велӧдас ёрдысьясӧс веськыда мыждыны, сетас повтӧмлун налы, кодъяс вӧтлӧны вӧрӧгӧс карса дзиръя дорысь. | 6и духом правосудия для сидящего в судилище и мужеством дляотражающих неприятеля до ворот. |
| 7 Поп да пророк тшӧтш шатлалӧны вина юӧмысь, довъялӧны туй вывті сур юӧмысь, найӧ коддзӧмаӧсь да крукасьлӧны. Винаыс вермӧма найӧс, сурыс пемдӧдӧма вежӧрнысӧ. Пророкъяслӧн аддзылӧмъясыс вайӧдӧны йӧзсӧ ылӧгӧ, попъяс крукасьӧны асланыс кывъясӧ. | 7Но и эти шатаются от вина и сбиваются с пути от сикеры; священник и пророк спотыкаются от крепких напитков; побежденывином, обезумели от сикеры, в видении ошибаются, в сужденииспотыкаются. |
| 8 Став налӧн пызаныс тырӧма восӧн, абу сӧстӧминыс. | 8Ибо все столы наполнены отвратительною блевотиною, нет чистого места. |
| 9 Найӧ шуӧны ме йылысь: «Кодӧс сійӧ вермас вежӧрсьӧдны? Кодӧс сійӧ вермас туйдӧдны юӧртӧмнас? Сӧмын найӧс, кодъяс неважӧн на нёнясисны, кодъясӧс сӧмын на торйӧдӧма мам морӧс бердысь, а мукӧдсӧ – оз вермы. | 9А говорят: `кого хочет он учить ведению? и кого вразумлятьпроповедью? отнятых от грудного молока, отлученных от сосцов матери? |
| 10 Мый миянлы таысь: тшӧктӧм бӧрся тшӧктӧм, тшӧктӧм бӧрся тшӧктӧм, велӧдӧм бӧрся велӧдӧм, велӧдӧм бӧрся велӧдӧм, татысь мыйкӧ, сэтысь мыйкӧ». | 10Ибо всё заповедь на заповедь, заповедь на заповедь, правилона правило, правило на правило, тут немного и там немного'. |
| 11 Та вӧсна Господь кутас сёрнитны тайӧ войтырыскӧд гӧгӧрвотӧм кывъясӧн, мукӧд войтырлӧн кывйӧн. | 11За то лепечущими устами и на чужом языке будут говорить кэтому народу. |
| 12 Водзын Сійӧ шуліс налы: «Тані ті аддзанныд шойччанін, сетӧй мудзӧмалы шойччыны. Тані ті аддзанныд лӧньӧм». Но найӧ эз кӧсйыны кывзыны. | 12Им говорили: `вот г покой, дайте покой утружденному, и вот д успокоение'. Но они не хотели слушать. |
| 13 Господьлӧн кывйыс лоӧ налы татшӧм: тшӧктӧм бӧрся тшӧктӧм, тшӧктӧм бӧрся тшӧктӧм, велӧдӧм бӧрся велӧдӧм, велӧдӧм бӧрся велӧдӧм, татысь мыйкӧ, сэтысь мыйкӧ. Найӧ мунасны, усясны да доймасны. Найӧ веськаласны налькйӧ, и найӧс кутасны. | 13И стало у них словом Господа: заповедь на заповедь, заповедьна заповедь, правило на правило, правило на правило, тутнемного, там немного, г так что они пойдут, и упадут навзничь, иразобьются, и попадут в сеть и будут уловлены. |
| 14 Сідзкӧ, ті, больгысьяс, Ерусалимын веськӧдлысьяс, кывзӧй Господьлысь кывсӧ. | 14Итак слушайте слово Господне, хульники, правители народасего, который в Иерусалиме. |
| 15 Ті шуанныд: «Ми кӧрталім йитӧд кулӧмыскӧд, ми сёрнитчим пыдӧстӧминыскӧд. Кор вӧрӧг ыльӧбтас бырӧдны, сійӧ оз суӧд миянӧс, ӧд ылӧгыс лои миянлы сайӧдчанінӧн, пӧръясьӧмыс – вевттьӧдӧн». | 15Так как вы говорите: `мы заключили союз со смертью и спреисподнею сделали договор: когда всепоражающий бич будетпроходить, он не дойдет до нас, г потому что ложь сделали мыубежищем для себя, и обманом прикроем себя'. |
| 16 Та вӧсна Господь Ыджыдыс тадзи висьталӧ: – Сионӧ Ме пукта подув из. Сійӧ – пельӧс из, кодӧс Ме бӧрйи. Сійӧ – дона из, сулалӧ зумыда. Сылы эскысь оз янав. | 16Посему так говорит Господь Бог: вот, Я полагаю в основаниена Сионе камень, г камень испытанный, краеугольный, драгоценный, крепко утвержденный: верующий в него не постыдится. |
| 17 Веськыда мыждӧмсӧ Ме вӧча мурталан кӧвйӧн, веськыда вӧчӧмсӧ – вескиӧн. Ылӧгыслысь сайӧдчанінсӧ лоӧ бырӧдӧма шерӧн, тіянлысь вевттьӧднытӧ кылӧдас ва. | 17И поставлю суд мерилом и правду весами; и градом истребитсяубежище лжи, и воды потопят место укрывательства. |
| 18 Кулӧмыскӧд тіян йитӧдныд орас, пыдӧстӧминыскӧд тіян сёрнитчӧмныд торксяс. Кор вӧрӧг ыльӧбтас бырӧдны, сэки тіянӧс лоӧ талялӧма. | 18И союз ваш со смертью рушится, и договор ваш с преисподнеюне устоит. Когда пойдет всепоражающий бич, вы будете попраны. |
| 19 Сійӧ кутас локны выльысь и выльысь, асывнас, луннас и рытнас, быд лун сійӧ кутас кылӧдны тіянӧс. Тайӧ висьталӧмсӧ гӧгӧрвоигӧн полӧмныдла ті кутанныд дзӧрны. | 19Как скоро он пойдет, схватит вас; ходить же будет каждоеутро, день и ночь, и один слух о нем будет внушать ужас. |
| 20 Ӧд вывті дженьыд вольпасьыд, медым нюжӧдчыны, вывті векньыд шебрасыд, медым гартыштчыны сэтчӧ. | 20Слишком коротка будет постель, чтобы протянуться; слишкомузко и одеяло, чтобы завернуться в него. |
| 21 Господь чеччас Перацим керӧс вылын моз, Сійӧ петкӧдлас Ассьыс скӧрлунсӧ Гаваон ковтысын моз, медым вӧчны Ассьыс уджсӧ, аддзывлытӧмторсӧ, да помӧдз вайӧдны Ассьыс вӧчӧмсӧ, вӧвлытӧмторсӧ. | 21Ибо восстанет Господь, как на горе Перациме; разгневается, как на долине Гаваонской, чтобы сделать дело Свое, необычайноедело, и совершить действие Свое, чудное Свое действие. |
| 22 Сідзкӧ, дугдӧй лёкӧдны тайӧ юӧрсӧ, медым тіян кӧртӧдъясныд эз зэлавны ёнджыка на. Ӧд ме кывлі Ыджыдсянь, Господь Саваофсянь, мый тайӧ мусьыс ставсӧ лоӧ бырӧдӧма. | 22Итак не кощунствуйте, чтобы узы ваши не стали крепче; ибо яслышал от Господа, Бога Саваофа, что истребление определено длявсей земли. |
| 23 Копыртӧй пельнытӧ, кывзӧй менӧ, сюся кывзӧй, мый висьтала тіянлы. | 23Приклоните ухо, и послушайте моего голоса; будьте внимательны, и выслушайте речь мою. |
| 24 Кор воӧ гӧра-кӧдза кад, му вӧдитысь ӧмӧй сӧмын гӧрӧ-агсалӧ мусӧ? | 24Всегда ли земледелец пашет для посева, бороздит и боронитземлю свою? |
| 25 Оз! Сійӧ шыльӧдӧ мусӧ, сэсся коялӧ тмин, сьӧд тмин, визьӧн-визьӧн кӧдзӧ шобді, торйӧн – ид, орччӧн – полба. | 25Нет; когда уровняет поверхность ее, он сеет чернуху, илирассыпает тмин, или разбрасывает пшеницу рядами, и ячмень вопределенном месте, и полбу рядом с ним. |
| 26 Енмыс велӧдӧ сійӧс тадзи вӧчнысӧ, сылӧн Енмыс туйдӧдӧ сійӧс. | 26И такому порядку учит его Бог его; Он наставляет его. |
| 27 Ӧд сьӧд тмин оз вартны доддьӧн, тмин вывті оз быгльӧдлыны вартан гӧгыль, но беддьӧн вартӧны тминсӧ, чаптӧн – сьӧд тминсӧ. | 27Ибо не молотят чернухи катком зубчатым, и колес молотильныхне катают по тмину; но палкою выколачивают чернуху, и тмин гпалкою. |
| 28 Шепсӧ вартӧны, но вартігас тусьяссӧ оз поткӧдлыны. Шепъяс вывтіыс вӧвъяс ветлӧдлӧны вартан гӧгыльясӧн, но ветлӧдлігас тусьяссӧ оз нырны. | 28Зерновой хлеб вымолачивают, но не разбивают его; и водят понему молотильные колеса с конями их, но не растирают его. |
| 29 Ставыс тайӧ – Господь Саваофсянь. Сылӧн велӧдӧмыс шензьӧдана, Сылӧн мывкыдлуныс пыдӧстӧм! | 29И это происходит от Господа Саваофа: дивны судьбы Его, велика премудрость Его! |
Глава 28