Выбрать язык
Книги Ветхого Завета
Книги Нового Завета
без русского текстаИСАЙ ПРОРОКЛÖН НЕБÖГ | КНИГА ПРОРОКА ИСАИИ |
24 юр | Глава 24 |
| 1 Со, Господь куштӧ мусӧ, бырӧдӧ сэні олысьясӧс, тшыкӧдӧ муыслысь чужӧмбансӧ, разӧдӧ му вылын олысьясӧс. | 1Вот, Господь опустошает землю и делает ее бесплодною; изменяет вид ее и рассевает живущих на ней. |
| 2 Ставнысӧ виччысьӧ ӧтитор: войтырӧс и попъясӧс, кесйӧгӧс и ыджыдӧс, кесйӧг аньӧс и сылысь ыджыдсӧ, вузасьысьӧс и ньӧбасьысьӧс, водзӧсӧн сетысьӧс и уджйӧзаӧс. | 2И что будет с народом, то и со священником; что со слугою, то и с господином его; что со служанкою, то и с госпожею ее; что с покупающим, то и с продающим; что с заемщиком, то и с заимодавцем; что с ростовщиком, то и с дающим в рост. |
| 3 Муыс дзикӧдз кушмас, сэтысь ставсӧ лоӧ куштӧма, ӧд Господь тадзи шуӧма. | 3Земля опустошена вконец и совершенно разграблена, ибо Господь изрек слово сие. |
| 4 Муыс шогсьӧ, нюкыртчӧма, муюгыдыс шогӧ усьӧма, дзикӧдз нюкыртчӧма, шогӧ усьӧмаӧсь вына веськӧдлысьяс. | 4Сетует, уныла земля; поникла, уныла вселенная; поникли возвышавшиеся над народом земли. |
| 5 Му вылын олысьяс пежалісны мусӧ, ӧд найӧ ӧтдортісны Енлысь Индӧдсӧ, нинӧмӧ пуктісны Сылысь тшӧктӧмъяссӧ, пыр кежлӧ кӧрталӧм йитӧдсӧ торкисны. | 5И земля осквернена под живущими на ней, ибо они преступили законы, изменили устав, нарушили вечный завет. |
| 6 Та вӧсна ёрӧмыс бырӧдӧ мусӧ, му вылын олысьяс вештысьӧны асланыс мыжысь. Му вылын олысьяс бырӧны, йӧзыс коли зэв этша. | 6За то проклятие поедает землю, и несут наказание живущие на ней; за то сожжены обитатели земли, и немного осталось людей. |
| 7 Виноград тусь нярмӧ, виноград пуяс косьмӧны, и гажӧдчысьяс сьӧкыда ышлолалӧны. | 7Плачет сок грозда; болит виноградная лоза; воздыхают все веселившиеся сердцем. |
| 8 Дугдіс кывны тимпанлӧн гажа шыыс, ланьтіс гажӧдчысьяслӧн гораа нимкодясьӧмыс, дугдіс кывны гуслилӧн гажа шыыс. | 8Прекратилось веселье с тимпанами; умолк шум веселящихся; затихли звуки гуслей; |
| 9 Оз нин сьылігтырйи юны вина, курдіс юысьяслы сурыс. | 9уже не пьют вина с песнями; горька сикера для пьющих ее. |
| 10 Карсӧ пазӧдӧма, сійӧ дзикӧдз кушмис. Керка ӧдзӧсъяс йиганаӧсь, он вермы пырнысӧ. | 10Разрушен опустевший город, все домы заперты, нельзя войти. |
| 11 Вина абутӧм вӧсна карса туйяс вылын кылӧ бӧрдӧм, гажӧдчӧмыс кусіс, нимкодьлуныс эновтіс муюгыдсӧ. | 11Плачут о вине на улицах; помрачилась всякая радость; изгнано всякое веселие земли. |
| 12 Карыс кушмӧма, дзиръяясыс жугалӧмаӧсь. | 12В городе осталось запустение, и ворота развалились. |
| 13 Став му пасьтала йӧзыс кольӧ сы мында, мыйта вотӧсыс кольӧ олив пу пыркӧдӧм бӧрын, виноград вотӧс чукӧртӧм бӧрын. | 13А посреди земли, между народами, будет то же, что бывает при обивании маслин, при обирании винограда, когда кончена уборка. |
| 14 Ловйӧн кольӧмаяс гораа ошкӧны Господьӧс, рытыввылын гораа ыдждӧдлӧны Сійӧс. | 14Они возвысят голос свой, восторжествуют в величии Господа, громко будут восклицать с моря. |
| 15 Асыввылын олысьяс, ошкӧй Господьӧс! Саридз дорын олысьяс, ошкӧй Господьӧс, Израильлысь Енсӧ! | 15Итак славьте Господа на востоке, на островах морских–имя Господа, Бога Израилева. |
| 16 Му помсяньыс ми кылам сьыланкыв, веськыда вӧчысь Енлы ошкӧм. А ме шуа: «Шог меным, шог меным, курыд шог меным! Ылӧдчысьяс ылӧдлӧны, ылӧдчысьяс наяна ылӧдлӧны». | 16От края земли мы слышим песнь: `Слава Праведному!' И сказал я: беда мне, беда мне! увы мне! злодеи злодействуют, и злодействуют злодеи злодейски. |
| 17 Му вылын олысь, тэ кутан повны, тэнӧ виччысьӧ гу да нальк. | 17Ужас и яма и петля для тебя, житель земли! |
| 18 Повзьӧм мортлӧн горзӧмысь коді пышъяс, сійӧ гуӧ усяс, коді петас гусьыс, сійӧ налькйӧ веськалас. Ӧд енэжвыв ӧшиньяс воссясны, муыслӧн подулыс сыркмунлас. | 18Тогда побежавший от крика ужаса упадет в яму; и кто выйдет из ямы, попадет в петлю; ибо окна с небесной высоты растворятся, и основания земли потрясутся. |
| 19 Муыс потласьӧ, муыс жугласьӧ, муыс ёна сыркакылӧ. | 19Земля сокрушается, земля распадается, земля сильно потрясена; |
| 20 Муыс катласьӧ код юра моз, лайкъялӧ тӧлӧн вӧрӧдӧм чом моз. Мусӧ личкӧ мувывса олысьяслӧн мыжыс, сійӧ усяс, и сэсся оз нин чеччы. | 20шатается земля, как пьяный, и качается, как колыбель, и беззаконие ее тяготеет на ней; она упадет, и уже не встанет. |
| 21 Сійӧ лунӧ Господь мыждас енэжвывса тышкакотыръясӧс енэжас, мувывса ӧксыясӧс – му вылас. | 21И будет в тот день: посетит Господь воинство выспреннее на высоте и царей земных на земле. |
| 22 Найӧс ставнысӧ чукӧртасны ӧтилаӧ, шыбитасны-йӧртасны гуӧ, йигналасны дзескыдінӧ, а бӧрынджык – чорыда мыждасны. | 22И будут собраны вместе, как узники, в ров, и будут заключены в темницу, и после многих дней будут наказаны. |
| 23 Кор Господь Саваоф кутас ӧксыавны Сион керӧс вылын, Ерусалимын, да восьтас Ассьыс дзирдлунсӧ Аслас войтырлӧн юрнуӧдысьяслы, сэки тӧлысь яналас, шонділы лоӧ юръяндзим. | 23И покраснеет луна, и устыдится солнце, когда Господь Саваоф воцарится на горе Сионе и в Иерусалиме, и пред старейшинами его будет слава. |
Глава 24