Выбрать язык
Книги Ветхого Завета
Книги Нового Завета
без русского текстаИСАЙ ПРОРОКЛÖН НЕБÖГ | КНИГА ПРОРОКА ИСАИИ |
19 юр | Глава 19 |
| 1 Египет йылысь водзвыв висьталӧм. Господь пуксис кокньыд кымӧр вылӧ. Сійӧ локтас Египетӧ, Сы водзын кутасны тіравны египетса идолъяс, повзьӧмнысла египетсалӧн сьӧлӧмныс дугдас тіпкынысӧ. | 1Пророчество о Египте. –Вот, Господь восседит на облаке легком и грядет в Египет. И потрясутся от лица Его идолы Египетские, и сердце Египта растает в нем. |
| 2 Ме кыпӧда египетсаясӧс ӧта-мӧдныслы паныд: вокыс уськӧдчас вокыс вылӧ, орччӧн олысьыс – орччаыс вылӧ, ӧти карын олысьяс – мӧд карын олысьяс вылӧ, тайӧ муас олысьяс – мӧд муын олысьяс вылӧ. | 2Я вооружу Египтян против Египтян; и будут сражаться брат против брата и друг против друга, город с городом, царство с царством. |
| 3 Египетсалӧн ловныс жебмас. Ме торка налысь мӧвпыштӧмасӧ, и найӧ шыасясны туйдӧдӧмла идолъяс да тшыкӧдчысьяс дінӧ, кулӧмаӧс корысьяс да туналысьяс дінӧ. | 3И дух Египта изнеможет в нем, и разрушу совет его, и прибегнут они к идолам и к чародеям, и к вызывающим мертвых и к гадателям. |
| 4 Ме сета египетсаясӧс чорыд сьӧлӧма юралысь киӧ, скӧр ӧксы кутас ыджыдавны на вылын, – висьталӧ Ыджыдыс, Господь Саваоф. | 4И предам Египтян в руки властителя жестокого, и свирепый царь будет господствовать над ними, говорит Господь, Господь Саваоф. |
| 5 Саридзын ваыс ямас, юын ваыс чинас да косьмас. | 5И истощатся воды в море и река иссякнет и высохнет; |
| 6 Египетса юяс дуксясны, висъяс ляпкаласны да косьмасны, эжӧр да юсьпӧлян нярмасны. | 6и оскудеют реки, и каналы Египетские обмелеют и высохнут; камыш и тростник завянут. |
| 7 Юдорса быдмӧгъяс косьмасны, ю пӧлӧн быдмысь кӧдзас косьмас. Тӧлыс разӧдас найӧс, и найӧ бырасны. | 7Поля при реке, по берегам реки, и все, посеянное при реке, засохнет, развеется и исчезнет. |
| 8 Чери кыйысьяс кутасны бӧрдны, Нил ю дорын вуграсьысьяс – синва кисьтны, тывйӧн чери кыйысьяс шогӧ усясны. | 8И восплачут рыбаки, и возрыдают все, бросающие уду в реку, и ставящие сети в воде впадут в уныние; |
| 9 Шабді няръялысьяс яналасны, дӧра быгӧдысьяс шӧйӧвошасны. | 9и будут в смущении обрабатывающие лен и ткачи белых полотен; |
| 10 Печкысьяс шогӧ усясны, медалӧм уджалысьяс нюкыртчасны. | 10и будут сокрушены сети, и все, которые содержат садки для живой рыбы, упадут в духе. |
| 11 Цоанса веськӧдлысьяс дзик мывкыдтӧмӧсь, фараонлӧн сюсь вежӧра туйдӧдысьяслӧн вӧзйӧмъясыс ковтӧмӧсь. Ті ӧмӧй верманныд шуны фараонлы: «Ме – мывкыда йӧзлӧн пи, ме – важся ӧксысянь чужысь». | 11Так! обезумели князья Цоанские; совет мудрых советников фараоновых стал бессмысленным. Как скажете вы фараону: `я сын мудрецов, сын царей древних?' |
| 12 Кӧнӧсь найӧ? Кӧнӧсь тэнад мывкыда йӧзыд? Ӧні мед найӧ висьталасны тэныд, ӧні мед тӧдмаласны Господь Саваофлысь водзвыв шуӧмсӧ, мый лоӧ Египеткӧд. | 12Где они? где твои мудрецы? пусть они теперь скажут тебе; пусть узнают, что Господь Саваоф определил о Египте. |
| 13 Цоанса веськӧдлысьяс дзикӧдз вежӧртӧммисны, мемфисса ыджыдалысьяс пӧрйӧдлӧны асьнысӧ, чужанкотыръяслӧн юралысьяс кежӧдісны Египетӧс бур туй вывсьыс. | 13Обезумели князья Цоанские; обманулись князья Мемфисские, и совратил Египет с пути главы племен его. |
| 14 Найӧ дзикӧдз кежӧдісны Египетӧс туй вывсьыс. Господь шӧйӧвоштіс Египетӧс, сійӧ лои код морт кодь, коді ветлӧдлӧ аслас вос вывті. | 14Господь послал в него дух опьянения; и они ввели Египет в заблуждение во всех делах его, подобно тому, как пьяный бродит по блевотине своей. |
| 15 Египетын некод оз вермы нинӧм вӧчны, ни юр, ни бӧж, ни пальма, ни эжӧр. | 15И не будет в Египте такого дела, которое совершить умели бы голова и хвост, пальма и трость. |
| 16 Сійӧ лунӧ египетсаяс лоӧны аньяс кодьӧсь. Повзьӧмнысла найӧ пондасны тіравны Господь Саваофысь, кор Сійӧ кисӧ лэптас на вылӧ. | 16В тот день Египтяне будут подобны женщинам, и вострепещут и убоятся движения руки Господа Саваофа, которую Он поднимет на них. |
| 17 Египетсаяслы Иуда му лоӧ повзьӧдчанторйӧн. Коді Египетын кылас Иуда йылысь, повзяс, ӧд сылы тӧд вылас усяс, мый Господь Саваоф водзвыв шуліс Египет йылысь. | 17Земля Иудина сделается ужасом для Египта; кто вспомнит о ней, тот затрепещет от определения Господа Саваофа, которое Он постановил о нем. |
| 18 Сійӧ лунӧ Египетын лоӧ вит кар, кӧні олысьясыс кутасны сёрнитны ханаан кыв вылын да кыв сетӧмӧн кӧсйысясны кесъявны Господь Саваофлы. Тайӧ каръясысь ӧтиыс кутас шусьыны Шонді карӧн. | 18В тот день пять городов в земле Египетской будут говорить языком Ханаанским и клясться Господом Саваофом; один назовется городом солнца. |
| 19 Сійӧ лунӧ Египет шӧрын кутас сулавны Господьлы висьпуктанін, а му вежтасас – Господьлӧн вежа из. | 19В тот день жертвенник Господу будет посреди земли Египетской, и памятник Господу–у пределов ее. |
| 20 Тайӧ изйыс лоӧ египетсаяслы пасӧн, сійӧ кутас висьтавны Господь Саваоф йылысь. Кор найӧс кутасны дзескӧдны, найӧ шыасясны Господь дінӧ, и Сійӧ мӧдӧдас налы мездысьӧс. Сійӧ доръяс да мездас найӧс. | 20И будет он знамением и свидетельством о Господе Саваофе в земле Египетской, потому что они воззовут к Господу по причине притеснителей, и Он пошлет им спасителя и заступника, и избавит их. |
| 21 Господь восьтас Асьсӧ египетсалы. Сійӧ лунӧ найӧ тӧдмаласны Господьӧс, ваясны Сылы начкан висьяс да нянь висьяс и вӧчасны, мый кыв сетӧмӧн кӧсйысясны Сылы. | 21И Господь явит Себя в Египте; и Египтяне в тот день познают Господа и принесут жертвы и дары, и дадут обеты Господу, и исполнят. |
| 22 Господь дойдас Египетӧс. Сійӧ дойдас и бурдӧдас найӧс. Кор найӧ шыасясны Господь дінӧ, Сійӧ кылас налысь кевмӧмсӧ да бурдӧдас найӧс. | 22И поразит Господь Египет; поразит и исцелит; они обратятся к Господу, и Он услышит их, и исцелит их. |
| 23 Сійӧ лунӧ Египетсянь Ассурӧ воссяс ыджыд туй. Ассурса кутасны волывлыны Египетӧ, а египетса – Ассурӧ. Найӧ ӧтвыв кутасны кесъявны Господьлы. | 23В тот день из Египта в Ассирию будет большая дорога, и будет приходить Ассур в Египет, и Египтяне–в Ассирию; и Египтяне вместе с Ассириянами будут служить Господу. |
| 24 Сійӧ лунӧ Израиль мусӧ позяс ӧткодявны Египеткӧд да Ассуркӧд. Найӧ лоӧны бурсиӧмӧн став муюгыдыслы. | 24В тот день Израиль будет третьим с Египтом и Ассириею; благословение будет посреди земли, |
| 25 Господь Саваоф бурсиас найӧс тадзи: «Бурсиа Ассьым Египет войтырӧс, бурсиа Аслам киӧн вӧчӧм Ассур войтырӧс да Ассьым бӧрйӧм Израиль войтырӧс». | 25которую благословит Господь Саваоф, говоря: благословен народ Мой–Египтяне, и дело рук Моих–Ассирияне, и наследие Мое–Израиль. |
Глава 19