Выбрать язык
Книги Ветхого Завета
Книги Нового Завета
без русского текстаПСАЛТЫР | ПСАЛТИРЬ |
89 Псалом | Глава 89 |
| 1 Енлӧн морт Мӧисейлӧн кевмысьӧм. | 1Молитва Моисея, человека Божия. |
| 2 Господьӧй, чужысьяссянь чужысьясӧдз Тэ миянлы сайӧдчаніныс. | 2Господи! Ты нам прибежище в род и род. |
| 3 Керӧсъяс артмытӧдз, мусӧ да ентыкӧласӧ вӧчтӧдз Тэ вӧлін нин, Тэ эм Ен. | 3Прежде нежели родились горы, и Ты образовал землю и вселенную, и от века и до века Ты–Бог. |
| 4 Мортсӧ Тэ бӧр бергӧдан муӧ, Тэ шуан: «Мувывса йӧз, бӧр бергӧдчӧй муӧ». | 4Ты возвращаешь человека в тление и говоришь: `возвратитесь, сыны человеческие!' |
| 5 Тэнад син водзын сюрс воыс тӧрытъя кольӧм лун кодь, кар видзысьлӧн войся дӧзьӧритан кад кодь. | 5Ибо пред очами Твоими тысяча лет, как день вчерашний, когда он прошел, и как стража в ночи. |
| 6 Тэ кылӧдан йӧзӧс ытваӧн моз, налӧн олӧмыс вӧт кодь дженьыд, найӧ вежӧдысь турун кодьӧсь, асывнас сійӧ чепӧсйӧ-быдмӧ, а рытнас нярмӧ-косьмӧ. | 6Ты как наводнением уносишь их; они–как сон, как трава, которая утром вырастает, утром цветет и зеленеет, вечером подсекается и засыхает; |
| 7 Тэнад скӧралӧмысь ми бырам, Тэнад лӧгалӧмысь ми полам-тіралам. | 7ибо мы исчезаем от гнева Твоего и от ярости Твоей мы в смятении. |
| 8 Тэ тӧдан миянлысь лёк вӧчӧмнымӧс, Тэ аддзан миянлысь гуся мыжъяснымӧс. | 8Ты положил беззакония наши пред Тобою и тайное наше пред светом лица Твоего. |
| 9 Тэнад скӧралӧмысь миян лунъясным бырӧны, миян олӧмным помасьӧ ышлолыштӧм моз. | 9Все дни наши прошли во гневе Твоем; мы теряем лета наши, как звук. |
| 10 Миян олан лунъясным – сизимдас во, а ёнджыкъяслӧн – кӧкъямысдас. Миян олан лунъясысь унджыкыс – мырсьӧм да шогсьӧм, найӧ ӧдйӧ кольӧны, и ми лэбам. | 10Дней лет наших–семьдесят лет, а при большей крепости–восемьдесят лет; и самая лучшая пора их–труд и болезнь, ибо проходят быстро, и мы летим. |
| 11 Коді тӧдӧ Тэнад скӧралӧмлысь вынсӧ? Коді вермӧ муртавны Тэнад ярлунысь полӧмсӧ? | 11Кто знает силу гнева Твоего, и ярость Твою по мере страха Твоего? |
| 12 Велӧд миянӧс артавны ассьыным олан лунъяснымӧс, медым миян вӧлі мывкыд сьӧлӧм. | 12Научи нас так счислять дни наши, чтобы нам приобрести сердце мудрое. |
| 13 Господьӧй, дыр-ӧ на виччысьнысӧ? Бергӧдчы миянлань, ло бур сьӧлӧма Аслад кесйӧгъяс дінӧ. | 13Обратись, Господи! Доколе? Умилосердись над рабами Твоими. |
| 14 Быд асыв сет миянлы пӧткӧдчыны Тэнад буралӧмӧн, медым ми нимкодясим да гажӧдчим став олӧм чӧжным. | 14Рано насыти нас милостью Твоею, и мы будем радоваться и веселиться во все дни наши. |
| 15 Гажӧд миянӧс сійӧ лунъясыс пыдди, кор Тэ дойдалін миянӧс, сійӧ воясыс пыдди, кор ми нуим сьӧкыдсӧ. | 15Возвесели нас за дни, в которые Ты поражал нас, за лета, в которые мы видели бедствие. |
| 16 Тэнад кесйӧгъясыд мед аддзасны Тэнсьыд уджъястӧ, налӧн ныв-пиныс – Тэнсьыд дзирдлунтӧ. | 16Да явится на рабах Твоих дело Твое и на сынах их слава Твоя; |
| 17 Господьӧй, миян Енмӧй, Тэнад бурлуныд мед лоӧ миян олӧмын, сет миянлы отсӧгсӧ уджъясын, отсав миянлы кипомса уджъясын. | 17и да будет благоволение Господа Бога нашего на нас, и в деле рук наших споспешествуй нам, в деле рук наших споспешествуй. |
Глава 89