Выбрать язык
Книги Ветхого Завета
Книги Нового Завета
без русского текстаПСАЛТЫР | ПСАЛТИРЬ |
77 Псалом | Глава 77 |
| Учение Асафа. | |
| 1 Асафлӧн сьыланкыв. Менам войтырӧй, кывзӧй менсьым велӧдӧмӧс, сюся кывзӧй менсьым кывъясӧс. | 1Внимай, народ мой, закону моему, приклоните ухо ваше к словам уст моих. |
| 2 Ме сёрнита тіянкӧд шусьӧгъясӧн, висьтала тіянлы важся нӧдкывъяс. | 2Открою уста мои в притче и произнесу гадания из древности. |
| 3 Мый кывлім да тӧдмалім, мый батьяс миянлы висьтавлісны, | 3Что слышали мы и узнали, и отцы наши рассказали нам, |
| 4 сійӧс ми огӧ дзебӧй ас войтырысь, а висьталам водзӧ чужысьяслы Господьлӧн ошкана уджъясыс йылысь, Сылӧн выныс да шензьӧданаторъясыс йылысь. | 4не скроем от детей их, возвещая роду грядущему славу Господа, и силу Его, и чудеса Его, которые Он сотворил. |
| 5 Господь сетіс тшӧктӧмъяс Яков рӧдлы, Индӧдсӧ сетіс Израиль войтырлы, тшӧктіс миян батьяслы велӧдны Индӧдӧ ассьыныс челядьсӧ, | 5Он постановил устав в Иакове и положил закон в Израиле, который заповедал отцам нашим возвещать детям их, |
| 6 медым тӧдісны та йылысь на бӧрся чужысьяс, медым насянь чужысьяс сэсся висьтавлісны асланыс челядьлы. | 6чтобы знал грядущий род, дети, которые родятся, и чтобы они в свое время возвещали своим детям, – |
| 7 Найӧ мед лача кутасны Ен вылӧ, мед оз вунӧдны Енлысь уджъяссӧ, а Енлысь тшӧктӧмъяссӧ мед видзасны сьӧлӧманыс. | 7возлагать надежду свою на Бога и не забывать дел Божиих, и хранить заповеди Его, |
| 8 Найӧ мед оз лоны асланыс батьяс кодьӧсь: асныраӧсь да паныд кыпӧдчысьяс, Енлысь кывзысьтӧмъяс да Сыысь кежысьяс. | 8и не быть подобными отцам их, роду упорному и мятежному, неустроенному сердцем и неверному Богу духом своим. |
| 9 Ефремсаяслӧн вӧліны шыпуртъяс да ньӧввужъяс, но тыш дырйи найӧ пышйисны. | 9Сыны Ефремовы, вооруженные, стреляющие из луков, обратились назад в день брани: |
| 10 Асныраяс эз видзны Енлысь йитӧдсӧ, эз кӧсйыны овны Сылӧн Индӧд серти. | 10они не сохранили завета Божия и отреклись ходить в законе Его; |
| 11 Найӧ вунӧдісны Сылысь уджъяссӧ, шензьӧданаторъяссӧ, мый Сійӧ петкӧдліс налы. | 11забыли дела Его и чудеса, которые Он явил им. |
| 12 Налӧн батьяслӧн син водзын Енмыс вӧчис шензьӧданаторъяс Египет муын, Цоан эрд вылын. | 12Он пред глазами отцов их сотворил чудеса в земле Египетской, на поле Цоан: |
| 13 Сійӧ шӧрипӧв поткӧдіс саридз да вуджӧдіс найӧс, васӧ ӧтар-мӧдар бокас сувтӧдіс стен моз. | 13разделил море, и провел их чрез него, и поставил воды стеною; |
| 14 Луннас нуӧдіс найӧс кымӧр отсӧгӧн, войнас югзьӧдіс налысь туйсӧ биӧн. | 14и днем вел их облаком, а во всю ночь светом огня; |
| 15 Овтӧминын поткӧдіс изкырта, джуджыд юкмӧсысь моз юктӧдіс найӧс ваӧн. | 15рассек камень в пустыне и напоил их, как из великой бездны; |
| 16 Сійӧ сетіс валы ыльӧбтыны изкыртаысь, и ваыс визувтіс ю моз. | 16из скалы извел потоки, и воды потекли, как реки. |
| 17 Но найӧ водзӧ Енлы паныд мыж вӧчисны, дӧзмӧдісны Медвылыссаӧс овтӧминын. | 17Но они продолжали грешить пред Ним и раздражать Всевышнего в пустыне: |
| 18 Найӧ тӧдӧмӧн дӧзмӧдісны Енсӧ, корисны Сылысь сёян сьӧлӧм сертиныс. | 18искушали Бога в сердце своем, требуя пищи по душе своей, |
| 19 Найӧ шуасисны Енлы паныд да сёрнитісны: «Енмыс ӧмӧй вермас овтӧминын дасьтыны чӧскыд пызан? | 19и говорили против Бога и сказали: `может ли Бог приготовить трапезу в пустыне?' |
| 20 Дерт, кор Сійӧ вартіс изкыртаӧ, сэтысь ыльӧбтіс ва да визувтісны шоръяс. Но вермас-ӧ Сійӧ сетны нянь да вердны Ассьыс войтырсӧ яйӧн?» | 20Вот, Он ударил в камень, и потекли воды, и полились ручьи. `Может ли Он дать и хлеб, может ли приготовлять мясо народу Своему?' |
| 21 Господь кыліс тайӧс да тырис лӧглунӧн, биыс ыпнитіс Яковлӧн рӧд пӧвстын, Енмыс чорыда скӧрмис Израиль войтыр вылӧ, | 21Господь услышал и воспламенился гневом, и огонь возгорелся на Иакова, и гнев подвигнулся на Израиля |
| 22 ӧд найӧ эз эскыны Сылы, эз кутны лача, мый Сійӧ мездас найӧс. | 22за то, что не веровали в Бога и не уповали на спасение Его. |
| 23 Но Енмыс восьтіс енэжвыв ӧдзӧсъяс, вылісянь тшӧктіс кымӧръяслы | 23Он повелел облакам свыше и отверз двери неба, |
| 24 зэр моз кисьтны на вылӧ манна, сетіс налы сёйны енэжвыв нянь. | 24и одождил на них манну в пищу, и хлеб небесный дал им. |
| 25 Йӧзыс сёйисны анделъяслысь нянь, Енмыс найӧс пӧттӧдзныс вердіс. | 25Хлеб ангельский ел человек; послал Он им пищу до сытости. |
| 26 Енэжсянь Сійӧ мӧдӧдіс асыв тӧв, Аслас вынӧн кыпӧдіс лун тӧв. | 26Он возбудил на небе восточный ветер и навел южный силою Своею |
| 27 Сійӧ кисьтіс на вылӧ бус мында яй, мӧдӧдіс налы лыа мында лэбач. | 27и, как пыль, одождил на них мясо и, как песок морской, птиц пернатых: |
| 28 Лэбачьяссӧ уськӧдіс налӧн сувтанін шӧрӧ, налӧн чомъяс дорӧ, | 28поверг их среди стана их, около жилищ их, – |
| 29 и найӧ пӧттӧдзныс сёйисны, Енмыс сетіс налы кӧсйӧм сертиныс. | 29и они ели и пресытились; и желаемое ими дал им. |
| 30 Но найӧ эз дугдыны горшасьнысӧ, налӧн сёяныс вӧлі воманыс на, | 30Но еще не прошла прихоть их, еще пища была в устах их, |
| 31 кор Енлӧн скӧрлуныс суис найӧс. Сійӧ бырӧдіс на пӧвстысь медся вынаяссӧ, виис израильса том йӧзӧс. | 31гнев Божий пришел на них, убил тучных их и юношей Израилевых низложил. |
| 32 Но та вылӧ видзӧдтӧг найӧ эз ӧвсьыны мыж вӧчӧмсьыс, эз эскыны Сылӧн шензьӧдана уджъясӧ. | 32При всем этом они продолжали грешить и не верили чудесам Его. |
| 33 Та вӧсна налӧн олан лунъясыс виччысьтӧг помасисны, налӧн олӧмыс ру моз бырис. | 33И погубил дни их в суете и лета их в смятении. |
| 34 Кор Енмыс бырӧдліс найӧс, сэки найӧ корсисны Енсӧ, бӧр локтісны Сы дінӧ, ёна корсисны Сійӧс. | 34Когда Он убивал их, они искали Его и обращались, и с раннего утра прибегали к Богу, |
| 35 Найӧ гӧгӧрвоисны, мый Енмыс – налӧн Дорйысьыс, Медвылысса Енмыс – найӧс Мездысьыс. | 35и вспоминали, что Бог–их прибежище, и Бог Всевышний–Избавитель их, |
| 36 Но асланыс кывъясӧн найӧ леститчисны Сы дінӧ, асланыс вомнас ылӧдлісны Сійӧс. | 36и льстили Ему устами своими и языком своим лгали пред Ним; |
| 37 Налӧн сьӧлӧмныс эз вӧв веськыд Сы водзын, найӧ торкисны йитӧдсӧ, мый Сійӧ кӧрталіс накӧд. | 37сердце же их было неправо пред Ним, и они не были верны завету Его. |
| 38 Но Енмыс мелі сьӧлӧма, Сійӧ вештіс налысь мыжсӧ, эз бырӧд найӧс. Сійӧ унаысь ылыстліс на дінысь Ассьыс лӧглунсӧ, эз кисьт на вылӧ Ассьыс скӧрлунсӧ. | 38Но Он, Милостивый, прощал грех и не истреблял их, многократно отвращал гнев Свой и не возбуждал всей ярости Своей: |
| 39 Сійӧ тӧдіс, мый найӧ сӧмын вир-яй, сӧмын ловшы, коді петӧ да бӧрсӧ оз бергӧдчы. | 39Он помнил, что они плоть, дыхание, которое уходит и не возвращается. |
| 40 Кымынысь найӧ дӧзмӧдлісны Сійӧс овтӧминын, скӧрмӧдлісны Сійӧс кушинын! | 40Сколько раз они раздражали Его в пустыне и прогневляли Его в стране необитаемой! |
| 41 Найӧ выльысь и выльысь дӧзмӧдісны Енмӧс, омӧльтісны Израильлысь вежа Енсӧ. | 41и снова искушали Бога и оскорбляли Святаго Израилева, |
| 42 Найӧ вунӧдісны Енлысь вына кисӧ да лунсӧ, кор Сійӧ мездіс найӧс нартитӧмысь. | 42не помнили руки Его, дня, когда Он избавил их от угнетения, |
| 43 Египет муын Енмыс петкӧдліс индысьпасъяс, Цоан эрд вылын вӧчис шензьӧданаторъяс. | 43когда сотворил в Египте знамения Свои и чудеса Свои на поле Цоан; |
| 44 Египетса ваяссӧ да юяссӧ Сійӧ пӧртіс вирӧ, и сэтысь эз позь юны васӧ. | 44и превратил реки их и потоки их в кровь, чтобы они не могли пить; |
| 45 Сійӧ мӧдӧдіс лӧдз-гутӧс курччавны египетсаясӧс, мӧдӧдіс жабаясӧс тшыкӧдны мусӧ. | 45послал на них насекомых, чтобы жалили их, и жаб, чтобы губили их; |
| 46 Налысь быдтассӧ Енмыс сетіс лёльӧяслы, пуктассӧ – саранчалы. | 46земные произрастения их отдал гусенице и труд их–саранче; |
| 47 Налысь виноградсӧ жугліс шерӧн, инжир пуяссӧ – йиа зэрӧн. | 47виноград их побил градом и сикоморы их–льдом; |
| 48 Налысь пемӧссӧ бырӧдіс шерӧн, ыжъяссӧ да ӧшъяссӧ виис чардбиӧн. | 48скот их предал граду и стада их–молниям; |
| 49 Енмыс кисьтіс на вылӧ ыпъялан скӧрлунсӧ, лӧглунсӧ да ярлунсӧ, мӧдӧдіс налы уна сьӧкыдлун да найӧс бырӧдысь андел чукӧрӧс. | 49послал на них пламень гнева Своего, и негодование, и ярость и бедствие, посольство злых ангелов; |
| 50 Сійӧ восьтіс ӧдзӧсъяс Аслас скӧрлунлы, эз видз египетсаясӧс кулӧмысь, бырӧдіс налысь пемӧссӧ пӧрӧс висьӧмӧн, | 50уравнял стезю гневу Своему, не охранял души их от смерти, и скот их предал моровой язве; |
| 51 виис Египетысь медводдза чужысь пиянӧс, Хамлӧн чомъясысь – став медводдза чужысьсӧ. | 51поразил всякого первенца в Египте, начатки сил в шатрах Хамовых; |
| 52 Енмыс нуӧдіс Ассьыс войтырсӧ ыжъясӧс моз, нуӧдіс найӧс овтӧминӧд ыж чукӧрӧс моз. | 52и повел народ Свой, как овец, и вел их, как стадо, пустынею; |
| 53 Сылӧн нуӧдӧм улын налы нинӧмысь вӧлі повнысӧ, а на бӧрся вӧтчысьясӧс пӧдтіс саридз. | 53вел их безопасно, и они не страшились, а врагов их покрыло море; |
| 54 Израиль войтырӧс Сійӧ вайӧдіс Аслас вежа оланінӧ, керӧсӧ, мый веськыд кинас босьтіс Аслыс. | 54и привел их в область святую Свою, на гору сию, которую стяжала десница Его; |
| 55 Аслас войтыр водзысь Сійӧ вӧтліс мукӧд войтыръясӧс, юкліс налысь мусӧ да вичмӧдіс израильса чужанкотыръяслы, мукӧд войтыръяслӧн чомъясӧ овмӧдіс Ассьыс войтырсӧ. | 55прогнал от лица их народы и землю их разделил в наследие им, и колена Израилевы поселил в шатрах их. |
| 56 Но Израиль войтыр водзӧ дӧзмӧдіс Медвылысса Енмӧс, эз видз сьӧлӧмас Сылысь тшӧктӧмъяссӧ. | 56Но они еще искушали и огорчали Бога Всевышнего, и уставов Его не сохраняли; |
| 57 Асланыс батьяс моз найӧ эновтісны Енсӧ, личалӧм ньӧввуж моз лоины шогмытӧмӧсь. | 57отступали и изменяли, как отцы их, обращались назад, как неверный лук; |
| 58 Вись ваян мылькъяснаныс найӧ дӧзмӧдісны Енсӧ, бӧлбанъяслы юрбитӧмнас найӧ кыпӧдісны Сы пытшкын вежӧгтӧм. | 58огорчали Его высотами своими и истуканами своими возбуждали ревность Его. |
| 59 Тайӧс аддзӧмысь Енмыс пузис скӧрлунӧн, дзикӧдз эновтіс Израиль войтырӧс. | 59Услышал Бог и воспламенился гневом и сильно вознегодовал на Израиля; |
| 60 Сійӧ эновтіс Ассьыс силомса оланінсӧ, вежа чомсӧ, кӧні Сійӧ оліс йӧз пӧвстын. | 60отринул жилище в Силоме, скинию, в которой обитал Он между человеками; |
| 61 Йитӧд кудсӧ Сійӧ сетіс вӧрӧглӧн киӧ, Ассьыс вынсӧ да дзирдлунсӧ лэдзис мырддьыны. | 61и отдал в плен крепость Свою и славу Свою в руки врага, |
| 62 Ассьыс войтырсӧ сетіс шыпурт улӧ, скӧрмис Аслас йӧзыс вылӧ. | 62и предал мечу народ Свой и прогневался на наследие Свое. |
| 63 Том зонъясӧс ньылыштіс би, нывъяслы эз сьывны кӧлысьвывса сьыланкывъяс, | 63Юношей его поедал огонь, и девицам его не пели брачных песен; |
| 64 попъяс кулісны шыпуртысь, дӧваяслы эз позь бӧрдӧдчыны. | 64священники его падали от меча, и вдовы его не плакали. |
| 65 Сэки Господь быттьӧ унмысь садьмис, чеччис быттьӧ винаысь палялӧм тышкаморт, | 65Но, как бы от сна, воспрянул Господь, как бы исполин, побежденный вином, |
| 66 пасьвартіс Сійӧс мустӧмтысьясӧс, пыр кежлӧ янӧдіс найӧс. | 66и поразил врагов его в тыл, вечному сраму предал их; |
| 67 Господь эновтіс Ӧсипсянь чужысьясӧс, эз бӧрйы Ефремлысь чужанкотырсӧ, | 67и отверг шатер Иосифов и колена Ефремова не избрал, |
| 68 но бӧрйис Иудалысь чужанкотырсӧ да Ассьыс муса Сион керӧссӧ. | 68а избрал колено Иудино, гору Сион, которую возлюбил. |
| 69 Сійӧ сувтӧдіс сэтчӧ Ассьыс вежаинсӧ, вӧчис сійӧс енэжыс кодь джуджыдӧн, муӧс моз зумыда сувтӧдіс сійӧс нэмъяс кежлӧ. | 69И устроил, как небо, святилище Свое и, как землю, утвердил его навек, |
| 70 Сійӧ бӧрйис Давидӧс, Ассьыс кесйӧгсӧ, босьтіс сійӧс ыж йирсянінысь, | 70и избрал Давида, раба Своего, и взял его от дворов овчих |
| 71 вайӧдіс сійӧс ыж чукӧр пӧвстысь, медым видзны Ассьыс войтырсӧ – Яковсянь чужысьясӧс, Израильӧс – Ассьыс бӧрйӧмаясӧс. | 71и от доящих привел его пасти народ Свой, Иакова, и наследие Свое, Израиля. |
| 72 Давид видзис найӧс сӧстӧм сьӧлӧмӧн, веськӧдліс наӧн бур мывкыдӧн. Ошкӧм. | 72И он пас их в чистоте сердца своего и руками мудрыми водил их. |
Глава 77