Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
145 Псалом
[Аггейлӧн да Закарлӧн сьыланкыв.]1 Аллилуйя!
Ошкы Господьӧс, менам лолӧй!
2 Кута ошкыны Господьӧс, кытчӧдз ловъя,
кута сьывны аслам Енлы, кытчӧдз ола.
3 Энӧ кутӧй лачанытӧ юралысь вылӧ,
морт вылӧ, коді оз вермы мездыны.
4 Лолыс петас сы пытшкысь,
а вир-яйыс бӧр лоӧ муӧн,
сійӧ лунӧ бырасны сылӧн мӧвпъясыс.
5 Шуда сійӧ, коді виччысьӧ отсӧгсӧ Яковлӧн Енсянь,
коді лачасӧ кутӧ аслас Господь Ен вылӧ.
6 Господь вӧчис енэжсӧ да мусӧ,
саридзсӧ да ставсӧ, мый сэні эм.
Сылы пыр позьӧ эскыны.
7 Сійӧ дорйӧ увтыртӧмаӧс,
тшыгъялысьлы сетӧ нянь.
Господь мездӧ дорӧмаӧс,
8 восьтӧ синтӧмлысь синсӧ,
лэптӧ уськӧдӧмаӧс.
Господь радейтӧ веськыда олысьӧс,
9 видзӧ йӧз муысь локтысьӧс,
кутыштӧ батьтӧм-мамтӧмӧс да дӧваӧс,
а лёк вӧчысьяслысь туйсӧ Сійӧ вӧчӧ чукляӧн.
10 Господь ӧксыалӧ нэмъяс чӧж.
Сион, тэнад Енмыд юралӧ чужысьяссянь чужысьясӧдз.
Аллилуйя!
Глава 145
