Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
128 Псалом
1 Крамӧ мунігӧн сьылӧм. Том кадсянь менӧ ёна дзескӧдісны
– мед шуас тадзи Израиль –
2 том кадсянь менӧ ёна дзескӧдісны,
но менӧ эз вермыны.
3 Менам мыш вылын быттьӧ гӧрисны гӧрысьяс,
вӧчисны сэні кузь бӧрӧздаяс.
4 Но Господь веськыда вӧчӧ,
мездӧ миянӧс лёк вӧчысьяслӧн чепъясысь.
5 Мед яналасны да пышъясны Сионӧс мустӧмтысьяс,
6 найӧ мед лоӧны керка вевт вылын быдмысь турун кодьӧсь,
ытшкытӧдз косьмӧм турун кодьӧсь.
7 Вундысьлы сійӧ киас оз шед,
кольта чукӧртысь оз чукӧрт сійӧс.
8 На дінті мунысьяс оз шуны:
«Господьлӧн бурсиӧмыс мед лоӧ тіян вылын,
ми бурсиам тіянӧс Господь нимӧн».
Ошкӧм.
Глава 128
