Выбрать язык
Книги Ветхого Завета
Книги Нового Завета
без русского текстаМÖД КАДНЕБÖГ | ВТОРЯ КНИГА ПАРАЛИПОМЕНОН |
30 юр | Глава 30 |
| 1 Езекей мӧдӧдіс юӧртысьясӧс Израиль да Иуда муӧ, тшӧтш ыстіс гижӧдъяс Ефрем да Манассей чужанкотыръяслы. Сійӧ чукӧстіс ставнысӧ локны Господьлӧн крамӧ Ерусалимӧ, медым пасйыны Израильлӧн Господь Енлысь Ыджыд лун. | 1И послал Езекия по всей земле Израильской и Иудее, и письма писал к Ефрему и Манассии, чтобы пришли в дом Господень, в Иерусалим, для совершения пасхи Господу Богу Израилеву. |
| 2 Езекей ӧксы, юралысьяс да Ерусалимын чукӧртчӧм войтыр шуисны пасйыны Ыджыд лунсӧ мӧд тӧлысьнас. | 2И положили на совете царь и князья его и все собрание в Иерусалиме--совершить пасху во второй месяц, |
| 3 Найӧ эз вермыны пасйыны Ыджыд лунсӧ колана кадӧ, ӧд эз на вӧвны тырмымӧн попъяс, кодъяс эськӧ вӧлі вежӧдӧмаӧсь-сӧстӧммӧдӧмаӧсь нин асьнысӧ, и войтырыс абу на вӧлі чукӧртчӧма Ерусалимӧ. | 3ибо не могли совершить ее в свое время, потому что священники еще не освятились в достаточном числе и народ не собрался в Иерусалим. |
| 4 Ӧксылы да став чукӧртчӧм войтырлы сьӧлӧм выланыс воис тайӧ шуӧмыс. | 4И понравилось это царю и всему собранию. |
| 5 Став Израиль му пасьтала лунвыв Бер-Шевасянь войвыв Данӧдз юӧртісны тшӧктӧм, медым войтырыс локтас Ерусалимӧ пасйыны Израильлӧн Господь Енлысь Ыджыд лунсӧ, ӧд найӧ важӧн нин эз пасйывны сійӧс Гижӧдас тшӧктӧм серти. | 5И определили объявить по всему Израилю, от Вирсавии до Дана, чтобы шли в Иерусалим для совершения пасхи Господу Богу Израилеву, потому что давно не совершали ее, как предписано. |
| 6 Юӧр нуысьяс мӧдӧдчисны ӧксылӧн да юралысьяслӧн гижӧднас да ӧксылӧн тшӧктӧм серти юӧртісны став Израиль да Иуда му пасьтала: «Израиль войтыр, бергӧдчӧй Господь дінӧ, Ӧвраамлӧн, Исааклӧн да Израильлӧн Ен дінӧ, сэки Сійӧ бергӧдчас тіян дінӧ, кодъяс мынінныд ассурса ӧксыяслӧн киысь да ловйӧн колинныд. | 6И пошли гонцы с письмами от царя и от князей его по всей земле Израильской и Иудее, и по повелению царя говорили: дети Израиля! обратитесь к Господу Богу Авраама, Исаака и Израиля, и Он обратится к остатку, уцелевшему у вас от руки царей Ассирийских. |
| 7 Энӧ лоӧй асланыд батьяс кодьӧсь да асланыд войтыр кодьӧсь, кодъяс мыж вӧчисны Господьлы паныд, асланыс батьяслӧн Енлы паныд. Та вӧсна Енмыс сетіс найӧс бырӧдӧм вылӧ, ті асьныд тӧданныд тайӧс. | 7И не будьте таковы, как отцы ваши и братья ваши, которые беззаконно поступали пред Господом Богом отцов своих; и Он предал их на опустошение, как вы видите. |
| 8 Ӧні батьясныд моз энӧ асныралӧй. Сетчӧй Господьлы да локтӧй Сылӧн крамӧ, кодӧс Сійӧ вежӧдіс пыр кежлӧ. Кесъялӧй Господьлы, асланыд Енлы, и Сійӧ вештас тіян вылысь Ассьыс ыпъялан скӧрлунсӧ. | 8Ныне не будьте жестоковыйны, как отцы ваши, покоритесь Господу и приходите во святилище Его, которое Он освятил навек; и служите Господу Богу вашему, и Он отвратит от вас пламень гнева Своего. |
| 9 Ті кӧ бергӧдчанныд Господь дінӧ, сэки тіян рӧдвуж дінӧ да тіян челядь дінӧ бурсьӧлӧмтчасны найӧс пленӧ босьтысьяс, и лэдзасны найӧс бӧр бергӧдчыны тайӧ муас, ӧд Господь, тіян Енныд, бур да мелі сьӧлӧма. Сійӧ оз бергӧдчы тіянысь, ті кӧ бергӧдчанныд Сы дінӧ». | 9Когда вы обратитесь к Господу, тогда братья ваши и дети ваши будут в милости у пленивших их и возвратятся в землю сию, ибо благ и милосерд Господь Бог ваш и не отвратит лица от вас, если вы обратитесь к Нему. |
| 10 Юӧртысьяс ветлісны карысь карӧ, найӧ кытшовтісны Ефрем да Манассей чужанкотыръяслысь мусӧ Завулон чужанкотырлӧн муӧдз, но найӧс сералісны-лёкӧдісны. | 10И ходили гонцы из города в город по земле Ефремовой и Манассииной и до Завулоновой, но над ними смеялись и издевались. |
| 11 Сӧмын Асирлӧн, Манассейлӧн да Завулонлӧн чужанкотырысь кодсюрӧ раммӧдчисны да локтісны Ерусалимӧ. | 11Однако некоторые из колена Асирова, Манассиина и Завулонова смирились и пришли в Иерусалим. |
| 12 Иуда войтыр вылын вӧлі Енлӧн киыс. Сійӧ сетіс налы ӧти сьӧлӧм, медым найӧ вӧчисны сійӧ, мый ӧксы да юралысьяс Господьлӧн кыв серти тшӧктісны вӧчны. | 12И над Иудеею была рука Божия, даровавшая им единое сердце, чтоб исполнить повеление царя и князей, по слову Господню. |
| 13 Мӧд тӧлысьнас Ерусалимӧ войтырыс чукӧртчис зэв уна, медым пасйыны Шомтӧм нянь сёян лунъяс. | 13И собралось в Иерусалим множество народа для совершения праздника опресноков, во второй месяц, --собрание весьма многочисленное. |
| 14 Найӧ петкӧдісны Ерусалимысь идолъяслы сувтӧдӧм висьпуктанінъяс да тшынӧдчан висьпуктанінъяс, жугӧдісны да шыбитісны найӧс Кедрон ковтысӧ. | 14И встали и ниспровергли жертвенники, которые были в Иерусалиме; и всё, на чем совершаемо было курение идолам, разрушили и бросили в поток Кедрон; |
| 15 Мӧд тӧлысьлӧн дас нёльӧд лунӧ начкисны ыджыдлунся баляясӧс. Попъяслы да левитъяслы яндзим вӧлі, мый ас кадӧ найӧ эз вежӧдны-сӧстӧммӧдны асьнысӧ, та вӧсна ӧні тайӧс вӧчисны. Сэсся найӧ вайисны Господьлӧн крамӧ сотан висьяс. | 15и закололи пасхального агнца в четырнадцатый день второго месяца. Священники и левиты устыдившись освятились и принесли всесожжения в дом Господень, |
| 16 Попъяс сулалісны асланыс местаын Енлӧн морт Мӧисейлӧн Индӧд серти. Найӧ босьтісны левитъяслӧн киысь висьяслысь вирсӧ да резісны вирнас. | 16и стали на своем месте по уставу своему, по закону Моисея, человека Божия. Священники кропили кровью принимая ее из рук левитов. |
| 17 Чукӧртчӧм войтыр пӧвстын вӧлі уна йӧз, кодъяс абу вӧлі вежӧдӧмаӧсь-сӧстӧммӧдӧмаӧсь асьнысӧ. На пыдди левитъяслы ковмис начкыны баляясӧс да вежӧдны-торйӧдны найӧс Господьлы. | 17Так как много было в собрании таких, которые не освятились, то вместо нечистых левиты закололи пасхального агнца, для посвящения Господу. |
| 18 Унаӧн, торйӧн нин Ефремлӧн, Манассейлӧн, Иссакарлӧн да Завулонлӧн чужанкотыръясысь, абу вӧлі сӧстӧммӧдӧмаӧсь асьнысӧ, но найӧ сёйисны ыджыдлунся баляӧс. Тадзи найӧ торкисны Индӧдсӧ, | 18Многие из народа, большею частью из колена Ефремова и Манассиина, Иссахарова и Завулонова, не очистились; однакоже они ели пасху, не по уставу. |
| 19 но Езекей кевмысис на вӧсна. Сійӧ шуис: «Бур сьӧлӧма Господь мед вештас мыжсӧ быдӧнлысь, коді эз сӧстӧммӧдчы вежаин йылысь индӧд серти, но став сьӧлӧмсяньыс корсьысьӧ Господь Енмӧс, аслас батьяслысь Енсӧ». | 19Но Езекия помолился за них, говоря: Господь благий да простит каждого, кто расположил сердце свое к тому, чтобы взыскать Господа Бога, Бога отцов своих, хотя и без очищения священного! |
| 20 Господь кыліс Езекейлысь кевмысьӧмсӧ да эз мыжды войтырсӧ. | 20И услышал Господь Езекию и простил народ. |
| 21 Ерусалимӧ чукӧртчӧм Израиль войтыр ёна нимкодясьӧмӧн сизим лун чӧж пасйис Шомтӧм нянь сёян лунъяс. Левитъяс да попъяс быд лун ошкисны Господьӧс ворсанторъясӧн, кодъясӧс вӧлі вӧчӧма Господьӧс ошкӧм вылӧ. | 21И совершили сыны Израилевы, находившиеся в Иерусалиме, праздник опресноков в семь дней, с великим веселием; каждый день левиты и священники славили Господа на орудиях, устроенных для славословия Господа. |
| 22 Езекей висьталіс бур кывъяс левитъяслы, кодъяс бурногӧн лӧсьӧдісны Господьлы кесъялӧм. Сизим лун чӧж войтырыс сёйис-гажӧдчис, вайис бурасян висьяс да ошкис Господьӧс, асланыс батьяслысь Енсӧ. | 22И говорил Езекия по сердцу всем левитам, имевшим доброе разумение в служении Господу. И ели праздничное семь дней, принося жертвы мирные и славя Господа Бога отцов своих. |
| 23 Ерусалимӧ чукӧртчӧм войтырыс шуис нӧшта на сизим лун чӧж гажӧдчыны, и тайӧ сизимнан лунсӧ найӧ гажӧдчисны-нимкодясисны. | 23И решило все собрание праздновать другие семь дней, и провели эти семь дней в веселии, |
| 24 Иудаса Езекей ӧксы сетіс чукӧртчӧм войтырлы сюрс ӧшкӧс да сизим сюрс ыжӧс, а юралысьяс сетісны войтырыслы сюрс ӧшкӧс да дас сюрс ыжӧс. Тайӧ кадас попъяс унаӧн нин вӧлі вежӧдӧмаӧсь-сӧстӧммӧдӧмаӧсь асьнысӧ. | 24потому что Езекия, царь Иудейский, выставил для собравшихся тысячу тельцов и десять тысяч мелкого скота, и вельможи выставили для собравшихся тысячу тельцов и десять тысяч мелкого скота; и священников освятилось уже много. |
| 25 Иуда войтыр, попъяс, левитъяс да Израиль муысь локтӧм войтыр ёна нимкодясисны. Нимкодясисны тшӧтш Израиль муысь да Иуда муысь локтӧм мукӧд войтыръяс. | 25И веселились все собравшиеся из Иудеи, и священники и левиты, и все собрание, пришедшее от Израиля, и пришельцы, пришедшие из земли Израильской и обитавшие в Иудее. |
| 26 Ерусалимын вӧлі ыджыд гаж, татшӧм гажыс эз нин вӧвлы сэні израильса Соломон ӧксылӧн, Давид пилӧн, веськӧдлан кадсянь. | 26И было веселие великое в Иерусалиме, потому что со дней Соломона, сына Давидова, царя Израилева, не бывало подобного сему в Иерусалиме. |
| 27 Попъяс да левитъяс бурсиисны войтырсӧ. Енмыс кыліс налысь гӧлӧс шысӧ, налӧн кевмӧмыс воис енэжӧдз, Енлӧн вежа оланінӧдз. | 27И встали священники и левиты, и благословили народ; и услышан был голос их, и взошла молитва их в святое жилище Его на небеса. |
Глава 30