Выбрать язык
Книги Ветхого Завета
Книги Нового Завета
без русского текстаМÖД КАДНЕБÖГ | ВТОРЯ КНИГА ПАРАЛИПОМЕНОН |
17 юр | Глава 17 |
| 1 Аса бӧрти ӧксыӧ пуксис сылӧн Иосафат пиыс. Сійӧ зумыдмӧдіс ассьыс мусӧ, медым израильсаяс эз вермыны сійӧс. | 1И воцарился Иосафат, сын его, вместо него; и укрепился он против Израильтян. |
| 2 Иосафат мӧдӧдіс ассьыс тышкайӧзсӧ иудаса став изкарӧ. Сійӧ сувтӧдіс тышкакотыръясӧс Иуда му пасьтала да Ефрем чужанкотырлӧн каръясӧ, тайӧ каръяссӧ босьтліс сылӧн Аса батьыс. | 2И поставил он войско во все укрепленные города Иудеи и расставил охранное войско по земле Иудейской и по городам Ефремовым, которыми овладел Аса, отец его. |
| 3 Господь вӧлі Иосафаткӧд, ӧд сійӧ ветліс веськыд туйӧд, кыдзи сылӧн Давид пӧльыс вӧчис аслас медводдза ӧксыалан воясӧ. Иосафат эз юрбит Ваал идолъяслы, | 3И был Господь с Иосафатом, потому что он ходил первыми путями Давида, отца своего, и не взыскал Ваалов, |
| 4 а корсис аслас батьыслысь Енсӧ да оліс Енлӧн тшӧктӧмъяс серти, а эз израильсаяс моз. | 4но взыскал он Бога отца своего и поступал по заповедям Его, а не по деяниям Израильтян. |
| 5 Господь ёнмӧдіс сылысь юралӧмсӧ. Иуда войтыр вайисны Иосафатлы козинъяс. Иосафатлӧн вӧлі уна озырлун, сійӧ ёна нималіс. | 5И утвердил Господь царство в руке его, и давали все Иудеи дары Иосафату, и было у него много богатства и славы. |
| 6 Став сьӧлӧмсяньыс сійӧ кывзысис Господьлысь. Иуда муысь сійӧ бырӧдіс вись ваян мылькъяс да юрбитан пуяс. | 6И возвысилось сердце его на путях Господних; притом и высоты отменил он и дубравы в Иудее. |
| 7 Аслас коймӧд ӧксыалан воӧ Иосафат мӧдӧдіс ассьыс чина йӧзсӧ – Бен-Хаилӧс, Авдийӧс, Закарӧс, Нафанаилӧс да Микайӧс, медым Иуда каръясын найӧ велӧдісны войтырсӧ. | 7И в третий год царствования своего он послал князей своих Бенхаила и Овадию, и Захарию и Нафанаила и Михея, чтоб учили по городам Иудиным народ, |
| 8 Накӧд тшӧтш Иосафат мӧдӧдіс Шемай, Нетаний, Зевадай, Асаил, Шемирамот, Ионафан, Адоний, Товий да Тов-Адоний левитъясӧс, нӧшта Элишам да Иорам попъясӧс. | 8и с ними левитов: Шемаию и Нефанию, и Зевадию и Азаила, и Шемирамофа и Ионафана, и Адонию и Товию и Тов-Адонию, и с ними Елишаму и Иорама, священников. |
| 9 Найӧ велӧдісны Иуда войтырӧс. Иуда муысь став карсӧ кытшовтігӧн налӧн аскӧдныс вӧлі Господьлӧн Индӧд небӧг. | 9И они учили в Иудее, имея с собою книгу закона Господня; и обходили все города Иудеи и учили народ. |
| 10 Иуда му гӧгӧр олысь войтыръяс пӧвстӧ Господь ыстіс ыджыд полӧм, та вӧсна найӧ эз лысьтны тыш панны Иосафаткӧд. | 10И был страх Господень на всех царствах земель, которые вокруг Иудеи, и не воевали с Иосафатом. |
| 11 Филистимсаяс вайлісны Иосафатлы козинъяс да вот пыдди эзысь, арабъяс вайлісны сылы сизим сюрс сизимсё межӧс да сизим сюрс сизимсё ай кӧзаӧс. | 11А от Филистимлян приносили Иосафату дары и в дань серебро; также Аравитяне пригоняли к нему мелкий скот: овнов семь тысяч семьсот и козлов семь тысяч семьсот. |
| 12 Иосафатлӧн юралӧмыс ёнджыка на зумыдмис. Иуда муын сійӧ лэптіс изкаръяс, лэптіс нянь да эмбур видзӧм могысь каръяс. | 12И возвышался Иосафат все более и более и построил в Иудее крепости и города для запасов. |
| 13 Иуда каръясын сылӧн вӧлі уна тышкасян кӧлуй, но тышкайӧзыс олісны Ерусалимын. | 13Много было у него запасов в городах Иудейских, а в Иерусалиме людей военных, храбрых. |
| 14 Тані лыддьӧдлӧма Иосафатлысь тышкайӧзсӧ рӧдныс серти. Иуда чужанкотырысь тышкайӧзӧн веськӧдлісны Аднай, куимсё сюрс тышкамортлӧн юралысь, | 14И вот список их по поколениям их: у Иуды начальники тысяч: Адна начальник, и у него отличных воинов триста тысяч; |
| 15 Иоханан, кыксё кӧкъямысдас сюрс тышкамортлӧн юралысь, | 15за ним Иоханан начальник, и у него двести восемьдесят тысяч; |
| 16 да Зикрилӧн Амасий пиыс, кыксё сюрс тышкамортлӧн юралысь. Амасий сьӧлӧмсяньыс кесъяліс Господьлы. | 16за ним Амасия, сын Зихри, посвятивший себя Господу, и у него двести тысяч воинов отличных. |
| 17 Венямин чужанкотырысь тышкайӧзӧн веськӧдлісны Элиад нима вына тышкасьысь, кодлӧн кипод улын вӧлі кыксё сюрс ньӧввужъя да сайӧда тышкаморт, | 17У Вениамина: отличный воин Елиада, и у него вооруженных луком и щитом двести тысяч; |
| 18 да Ехозавад, кодлӧн кипод улын вӧлі сё кӧкъямысдас сюрс тышкаморт. | 18за ним Иегозавад, и у него сто восемьдесят тысяч вооруженных воинов. |
| 19 Став тайӧ тышкайӧзыс кесъялісны ӧксылы. Наысь ӧтдор вӧліны тышкайӧз, кодъясӧс ӧксы индіс, медым найӧ кесъялісны иудаса изкаръясын. | 19Вот служившие царю, сверх тех, которых расставил царь в укрепленных городах по всей Иудее. |
Глава 17