Выбрать язык
Книги Ветхого Завета
Книги Нового Завета
без русского текстаМÖД КАДНЕБÖГ | ВТОРЯ КНИГА ПАРАЛИПОМЕНОН |
2 юр | Глава 2 |
| 1 Соломон тшӧктіс лэптыны Господьлы крам да аслыс ӧксы керка. | 1И положил Соломон построить дом имени Господню и дом царский для себя. |
| 2 Сійӧ индіс сизимдас сюрс мортӧс кыскавны-ваявны изъяс, кӧкъямысдас сюрс мортӧс керавны-перйыны изъяс, а куим сюрс квайтсё мортӧс индіс уджалысьяс бӧрся видзӧдны. | 2И отчислил Соломон семьдесят тысяч носильщиков и восемьдесят тысяч каменосеков в горах, и надзирателей над ними три тысячи шестьсот. |
| 3 Тирса Хирам ӧксы дінӧ Соломон мӧдӧдіс йӧзӧс, медым найӧ висьталісны сылы: «Водзынджык тэ отсалін менам Давид батьлы – мӧдӧдлін сылы сус пуяс, медым вӧчны наысь аслыс керка. | 3И послал Соломон к Хираму, царю Тирскому, сказать: как поступал ты с Давидом, отцом моим, и присылал ему кедры на построение дома для его жительства, так поступи и со мною. |
| 4 Ӧні ме кыпӧда аслам Господь Енлы крам. Ме вежӧда-торйӧда сійӧс Господьлы, медым тшынӧдны Господь водзын чӧскыд ӧвтанторъяс, медым вайны крамӧ вежа нянь, медым рытын и асылын, шойччан лунӧ и выль тӧлысь чужигӧн да миян Господь Енлы сиӧм гажӧдчан лунъясӧ вайны сотан висьяс, кыдзи пыр кежлӧ тшӧктӧма вӧчны Израильлы. | 4Вот я строю дом имени Господа Бога моего, для посвящения Ему, чтобы возжигать пред Ним благовонное курение, представлять постоянно хлебы предложения и возносить там всесожжения утром и вечером в субботы, и в новомесячия, и в праздники Господа Бога нашего, что навсегда заповедано Израилю. |
| 5 Крамыс, мый ме кыпӧда, лоӧ ыджыд, ӧд миян Енным став енсьыс ыджыд. | 5И дом, который я строю, велик, потому что велик Бог наш, выше всех богов. |
| 6 Но коді вермас лэптыны Сылы керка, весиг кӧ енэжыс да енэжвывса енэжъясыс оз вермыны тӧрӧдны Сійӧс? Коді ме сэтшӧмыс, медым лэптыны Сылы керка? Ме верма сӧмын вись сотӧм могысь лэптыны Сылы керка. | 6И достанет ли у кого силы построить Ему дом, когда небо и небеса небес не вмещают Его? И кто я, чтобы мог построить Ему дом? Разве только для курения пред лицем Его. |
| 7 Сідзкӧ, мӧдӧд меным мортӧс, коді бура кужӧ вӧчасьны эзысь-зарниысь, ыргӧнысь, кӧртысь, кужӧ вӧчны пемыдгӧрд, югыдгӧрд да гӧрдовлӧз рӧма дӧра, бура кужӧ вундалӧмӧн серпасавны. Сійӧ кутас уджавны Иудаын да Ерусалимын олысь киподтуя йӧзкӧд, кодъясӧс индіс меным Давид батьӧй. | 7Итак пришли мне человека, умеющего делать изделия из золота, и из серебра, и из меди, и из железа, и из пряжи пурпурового, багряного и яхонтового цвета, и знающего вырезывать резную работу, вместе с художниками, какие есть у меня в Иудее и в Иерусалиме, которых приготовил Давид, отец мой. |
| 8 Нӧшта мӧдӧд меным Ливанысь сус пу, кипарис да гӧрд пу. Ме тӧда, тэнад кесйӧгъясыд бура кужӧны пӧрӧдны ливанса вӧр. Менам кесйӧгъясӧй кутасны ӧтвылысь уджавны накӧд, | 8И пришли мне кедровых дерев, и кипарису и певгового дерева с Ливана, ибо я знаю, что рабы твои умеют рубить дерева Ливанские. И вот рабы мои пойдут с рабами твоими, |
| 9 медым дасьтыны уна кер. Ӧд крамыс, мый ме кута вӧчны, лоӧ зэв ыджыд да мича. | 9чтобы мне приготовить множество дерев, потому что дом, который я строю, великий и чудный. |
| 10 Тэнад кесйӧгъяслы, кодъяс кутасны пӧрӧдны вӧр, ме сета пӧткӧдчӧм вылӧ кызь сюрс мешӧк шобді, кызь сюрс мешӧк ид, кызь сюрс бат мында вина да кызь сюрс бат мында олив вый». | 10И вот древосекам, рубящим дерева, рабам твоим, я даю в пищу: пшеницы двадцать тысяч коров, и ячменю двадцать тысяч коров, и вина двадцать тысяч батов, и оливкового масла двадцать тысяч батов. |
| 11 Тирса Хирам ӧксы мӧдӧдіс Соломонлы гижӧд: «Господь радейтӧ Ассьыс войтырсӧ, та вӧсна пуктіс тэнӧ налы ӧксыӧ». | 11И отвечал Хирам, царь Тирский, письмом, которое прислал к Соломону: по любви к народу Своему, Господь поставил тебя царем над ним. |
| 12 Хирам нӧшта содтіс: «Ошкӧм Господьлы, Израильлӧн Енлы, коді вӧчис енэжсӧ и мусӧ. Давид ӧксылы Сійӧ сетіс мывкыд пиӧс. Сылӧн пиыс сюсь вежӧра, сійӧ вӧчас Господьлы крам да аслыс ӧксы керка. | 12И еще сказал Хирам: благословен Господь Бог Израилев, создавший небо и землю, давший царю Давиду сына мудрого, имеющего смысл и разум, который намерен строить дом Господу и дом царский для себя. |
| 13 Ме мӧдӧда тэ дінӧ Хирам-Авиӧс, сійӧ – мывкыд да киподтуя морт. | 13Итак я посылаю тебе человека умного, имеющего знания, Хирам-Авия, |
| 14 Сылӧн мамыс Дан рӧдысь, а батьыс сылӧн Тирысь. Сійӧ бура кужӧ вӧчасьны эзысь-зарниысь, ыргӧнысь, кӧртысь, изйысь да пуысь, бура кужӧ вӧчны пемыдгӧрд, гӧрдовлӧз да югыдгӧрд рӧма дӧра, тшӧтш вӧсни шабді дӧра. Сійӧ бура кужӧ вундалӧмӧн серпасавны да вӧчны быдпӧлӧс уджсӧ, мый сылы тшӧктасны. Сійӧ ӧтвыв кутас уджавны тэнад киподтуя йӧзкӧд да менам Давид ыджыдлӧн, тэнад батьыдлӧн, киподтуя йӧзкӧд. | 14сына одной женщины из дочерей Дановых, --а отец его Тирянин, --умеющего делать изделия из золота и из серебра, из меди, из железа, из камней и из дерев, из пряжи пурпурового, яхонтового цвета, и из виссона, и из багряницы, и вырезывать всякую резьбу, и исполнять все, что будет поручено ему вместе с художниками твоими и с художниками господина моего Давида, отца твоего. |
| 15 Мӧдӧд аслад кесйӧгъяслы шобді, ид, вый да вина, мый йылысь тэ висьтавлін, менам ыджыдӧй. | 15А пшеницу и ячмень, оливковое масло и вино, о которых говорил ты, господин мой, пошли рабам твоим. |
| 16 А ми кутам Ливанын пӧрӧдны вӧр, мыйта тэныд колӧ, а сэсся пуръясӧн кылӧдам саридз кузя Иоппияӧдз. Сэсянь тэ нуан найӧс Ерусалимӧ». | 16Мы же нарубим дерев с Ливана, сколько нужно тебе, и пригоним их в плотах по морю в Яфу, а ты отвезешь их в Иерусалим. |
| 17 Соломон тшӧктіс артавны мукӧд войтыръяс пӧвстысь Израиль муӧ овмӧдчӧм йӧзӧс. Водзынджык тадзи тшӧтш вӧчліс сылӧн Давид батьыс. Тайӧ йӧзыслӧн лыдыс вӧлі сё ветымын куим сюрс квайтсё морт. | 17И исчислил Соломон всех пришельцев, бывших тогда в земле Израилевой, после исчисления их, сделанного Давидом, отцом его, --и нашлось их сто пятьдесят три тысячи шестьсот. |
| 18 На пиысь сизимдас сюрсӧс Соломон индіс кыскавны-ваявны изъяс, кӧкъямысдас сюрсӧс – керавны-перйыны изъяс, а куим сюрс квайтсё мортӧс индіс уджалысьяс бӧрся видзӧдны. | 18И сделал он из них семьдесят тысяч носильщиков и восемьдесят тысяч каменосеков на горах и три тысячи шестьсот надзирателей, чтобы они побуждали народ к работе. |
Глава 2