Выбрать язык
Книги Ветхого Завета
Книги Нового Завета
без русского текстаМЕДВОДДЗА КАДНЕБÖГ | ПЕРВАЯ КНИГА ПАРАЛИПОМЕНОН |
28 юр | Глава 28 |
| 1 Давид чукӧртіс Ерусалимӧ израильса веськӧдлысьясӧс. На лыдын вӧліны чужанкотыръяслӧн юралысьяс, ӧксылӧн тышкакотыръясӧн веськӧдлысьяс, тышкайӧзлӧн юралысь-веськӧдлысьяс, ӧксылӧн да сылӧн пияныслӧн овмӧс да ыж-мӧс вӧсна кывкутысьяс, ыджыд чина йӧз да став тӧдчана йӧз. | 1И собрал Давид в Иерусалим всех вождей Израильских, начальников колен и начальников отделов, служивших царю, и тысяченачальников, и стоначальников, и заведывавших всем имением и стадами царя и сыновей его с евнухами, военачальников и всех храбрых мужей. |
| 2 Давид ӧксы сувтіс да шыасис на дінӧ: «Кывзӧй менӧ, вокъясӧй, менам войтырӧй! Менам вӧлі кӧсйӧм лэптыны Господьлӧн Йитӧд кудйыслы керка, медым сійӧ вӧлі миян Енлӧн кок улӧн. Ме дасьтыси лэптыны сійӧс, | 2И стал Давид царь на ноги свои и сказал: послушайте меня, братья мои и народ мой! было у меня на сердце построить дом покоя для ковчега завета Господня и в подножие ногам Бога нашего, и потребное для строения я приготовил. |
| 3 но Енмыс шуис меным: ”Тэ он лэпты Меным керка, ӧд тэ уна вир кисьтін тышъяс дырйи”. | 3Но Бог сказал мне: не строй дома имени Моему, потому что ты человек воинственный и проливал кровь. |
| 4 Господь, Израильлӧн Ен, бӧрйис менӧ батьлӧн рӧдысь да пыр кежлӧ пуктіс Израильлӧн ӧксыӧ. Став чужанкотырыс пӧвстысь Сійӧ бӧрйис Иудаӧс да пуктіс сійӧс юралысьӧ, Иуда чужанкотыр пӧвстысь бӧрйис менам батьлысь рӧдсӧ, а менам батьлӧн пиян пӧвстысь ме вои Сылы сьӧлӧм вылас, и Сійӧ пуктіс менӧ ӧксыӧ Израильлы. | 4Однакоже избрал Господь Бог Израилев меня из всего дома отца моего, чтоб быть мне царем над Израилем вечно, потому что Иуду избрал Он князем, а в доме Иуды дом отца моего, а из сыновей отца моего меня благоволил поставить царем над всем Израилем, |
| 5 Господь сетіс меным уна пи, но став пиян пӧвстысь Сійӧ бӧрйис Соломонӧс, медым сійӧ пукаліс Господьлӧн юралан пуклӧсын да веськӧдліс Израиль войтырӧн. | 5из всех же сыновей моих, --ибо много сыновей дал мне Господь, --Он избрал Соломона, сына моего, сидеть на престоле царства Господня над Израилем, |
| 6 Господь шуис меным: ”Тэнад Соломон пиыд лэптас Меным керка да вӧчас йӧр. Ӧд Ме бӧрйи сійӧс, медым сійӧ вӧлі Меным пиӧн, а Ме – сылы батьӧн. | 6и сказал мне: Соломон, сын твой, построит дом Мой и дворы Мои, потому что Я избрал его Себе в сына, и Я буду ему Отцом; |
| 7 Сійӧ кӧ кутас овны менам индӧд-тшӧктӧмъяс серти, кыдзи сійӧ ӧні вӧчӧ, Ме вынсьӧда сылысь юралӧмсӧ нэмъяс кежлӧ”. | 7и утвержу царство его на веки, если он будет тверд в исполнении заповедей Моих и уставов Моих, как до сего дня. |
| 8 Ӧні Господьлӧн став Израиль войтыр водзын да миян Ен водзын тшӧкта: зумыда кутчысьӧй асланыд Господь Енлӧн тшӧктӧмъясӧ. Сэки тайӧ бур муыс лоӧ тіян, и ті вичмӧданныд сійӧс асланыд челядьныдлы пыр кежлӧ. | 8И теперь пред очами всего Израиля, собрания Господня, и во уши Бога нашего говорю: соблюдайте и держитесь всех заповедей Господа Бога вашего, чтобы владеть вам сею доброю землею и оставить ее после себя в наследство детям своим на век; |
| 9 А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ. | 9и ты, Соломон, сын мой, знай Бога отца твоего и служи Ему от всего сердца и от всей души, ибо Господь испытует все сердца и знает все движения мыслей. Если будешь искать Его, то найдешь Его, а если оставишь Его, Он оставит тебя навсегда. |
| 10 Видзӧдлы, Господь бӧрйис тэнӧ вӧчны вежа керка. Сідзкӧ, ло зумыд, вӧч сійӧс!» | 10Смотри же, когда Господь избрал тебя построить дом для святилища, будь тверд и делай. |
| 11 Давид сетіс аслас Соломон пиыслы серпасъяс, мый серти колӧ вӧлі вӧчны крам посводз да дзоньнас крамсӧ, озырлун видзанінъяс, вылысса жыръяс, вежӧсъяс да Ен куд видзан вежаин. | 11И отдал Давид Соломону, сыну своему, чертеж притвора и домов его, и кладовых его, и горниц его, и внутренних покоев его, и дома для ковчега, |
| 12 Сетіс став серпас-баласӧ, мый дасьтіс-лӧсьӧдіс Лов нуӧдӧм улын: Господьлӧн крам йӧрлысь да сыгӧгӧрса вежӧсъяслысь серпассӧ, Енлӧн крам видзанінлысь да вежа козин видзанінлысь серпассӧ. | 12и чертеж всего, что было у него на душе, дворов дома Господня и всех комнат кругом, сокровищниц дома Божия и сокровищниц вещей посвященных, |
| 13 Давид сетіс Соломонлы поп-левит котыръяс йылысь, Господьлӧн крамын кесъялӧм йылысь да кесъялан дозмук-кӧлуй йылысь тшӧктӧмъяс. | 13и священнических и левитских отделений, и всякого служебного дела в доме Господнем, и всех служебных сосудов дома Господня, |
| 14 Сійӧ висьталіс, уна-ӧ колӧ эзысь-зарни, медым вӧчны кесъялан дозмук-кӧлуй, | 14золотых вещей, с означением веса, для всякого из служебных сосудов, всех вещей серебряных, с означением веса, для всякого из сосудов служебных. |
| 15 бикокъяс да би дозъяс. Сійӧ индіс быд бикоклысь сьӧктасӧ сыӧн вӧдитчӧм серти. | 15И дал золота для светильников и золотых лампад их, с означением веса каждого из светильников и лампад его, также светильников серебряных, с означением веса каждого из светильников и лампад его, смотря по служебному назначению каждого светильника; |
| 16 Давид висьталіс, уна-ӧ колӧ эзысь-зарни, медым вӧчны эзысь пызанъяс да зарни пызан, кытчӧ пуктыны нянь, | 16и золота для столов предложения хлебов, для каждого золотого стола, и серебра для столов серебряных, |
| 17 уна-ӧ колӧ весалӧм зарни, медым вӧчны яй бергӧдлан вилаяс, вир резан тасьтіяс да кисьтан вись дозъяс, уна-ӧ колӧ эзысь-зарни, медым вӧчны мукӧд дозсӧ, | 17и вилок, и чаш и кропильниц из чистого золота, и золотых блюд, с означением веса каждого блюда, и серебряных блюд, с означением веса каждого блюда, |
| 18 уна-ӧ колӧ сывдӧм зарни, медым вӧчны тшынӧдчан висьпуктанін. Давид сетіс серпасъяс, мый серти колӧ вӧлі вӧчны тарантас да зарни херувимъяс, кодъяс шевкнитӧм бордъяснас вевттясны Господьлысь Йитӧд кудсӧ. | 18и для жертвенника курения из литого золота с означением веса, и устройства колесницы с золотыми херувимами, распростирающими крылья и покрывающими ковчег завета Господня. |
| 19 «Став тайӧ тшӧктӧмъяссӧ крам вӧчӧм йылысь ме тӧдмалі Господьсянь да гижи найӧс», – висьталіс Давид. | 19Все сие в письмени от Господа, говорил Давид, как Он вразумил меня на все дела постройки. |
| 20 Давид шуис аслас Соломон пиыслы: «Ло зумыд да повтӧм, босьтчы уджӧ! Эн пов, эн майшась, ӧд Господь Ен, менам Енмӧй, тэкӧд. Сійӧ оз коль, оз эновт тэнӧ, но отсалас помавны Господьлысь крам вӧчан уджъяссӧ. | 20И сказал Давид сыну своему Соломону: будь тверд и мужествен, и приступай к делу, не бойся и не ужасайся, ибо Господь Бог, Бог мой, с тобою; Он не отступит от тебя и не оставит тебя, доколе не совершишь всего дела, требуемого для дома Господня. |
| 21 Попъяс да левитъяс дасьӧсь вӧчны быдпӧлӧс уджсӧ Енлӧн крамын. Тэнад эм йӧз, кодъяс кӧсйӧны да кужӧны вӧчны быдтор. А юралысьяс да став войтырыс кутасны кывзыны став тэнсьыд тшӧктӧмъястӧ». | 21И вот отделы священников и левитов, для всякой службы при Доме Божием. И у тебя есть для всякого дела усердные люди, искусные для всякой работы, и начальники и весь народ готовы на все твои приказания. |
Глава 28