Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН НЁЛЬÖД НЕБÖГ | ЧЕТВЕРТАЯ КНИГА ЦАРСТВ |
21 юр | Глава 21 |
| 1 Ӧксыӧ пуксигас Манассейлы вӧлі дас кык арӧс. Ветымын вит во чӧж сійӧ юраліс Ерусалимын. Сылысь мамсӧ шуисны Хефциба. | 1Двенадцати лет был Манассия, когда воцарился, и пятьдесят лет царствовал в Иерусалиме; имя матери его Хефциба. |
| 2 Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь. | 2И делал он неугодное в очах Господних, подражая мерзостям народов, которых прогнал Господь от лица сынов Израилевых. |
| 3 Манассей выльысь вӧчис вись ваян мылькъяс, кодъясӧс бырӧдліс Езекей батьыс. Лэптіс Вааллы висьпуктанінъяс, израильса Ахав ӧксы моз сувтӧдіс юрбитан пуяс, юрбитіс енэжвыв вынъяслы. | 3И снова устроил высоты, которые уничтожил отец его Езекия, и поставил жертвенники Ваалу, и сделал дубраву, как сделал Ахав, царь Израильский; и поклонялся всему воинству небесному, и служил ему. |
| 4 Манассей сувтӧдіс идолъяслы висьпуктанінъяс тшӧтш Господьлӧн крамӧ, мый йылысь Господь шуліс, Ерусалимын пӧ лоас Менам нимӧйлы оланін. | 4И соорудил жертвенники в доме Господнем, о котором сказал Господь: `в Иерусалиме положу имя Мое'. |
| 5 Господьлӧн крам кыкнан йӧрас Манассей сувтӧдіс енэжвыв вынъяслы висьпуктанінъяс. | 5И соорудил жертвенники всему воинству небесному на обоих дворах дома Господня, |
| 6 Ассьыс писӧ Манассей сотіс биын. Сійӧ кимӧститчис, тунасис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс. | 6и провел сына своего чрез огонь, и гадал, и ворожил, и завел вызывателей мертвецов и волшебников; много сделал неугодного в очах Господа, чтобы прогневать Его. |
| 7 Манассей вӧчӧдіс Астарта бӧлбанӧс да сувтӧдіс сійӧс крамӧ, мый йылысь Господь шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж. | 7И поставил истукан Астарты, который сделал в доме, о котором говорил Господь Давиду и Соломону, сыну его: `в доме сем и в Иерусалиме, который Я избрал из всех колен Израилевых, Я полагаю имя Мое на век; |
| 8 Израиль войтыр кӧ кутас овны сы серти, мый Ме тшӧкті налы, да Менам Мӧисей кесйӧгӧн налы сетӧм Индӧд серти, Ме ог вӧтлы найӧс сійӧ мусьыс, мый Ме сеті налӧн батьяслы». | 8и не дам впредь выступить ноге Израильтянина из земли, которую Я дал отцам их, если только они будут стараться поступать согласно со всем тем, что Я повелел им, и со всем законом, который заповедал им раб Мой Моисей'. |
| 9 Но Израиль войтыр эз кывзысь Господьлысь. Манассей кежӧдіс найӧс лёкас. Найӧ вӧчисны лёксӧ унджык на сійӧ войтыръясыс дорысь, кодъясӧс Господь бырӧдіс Израиль войтыр водзысь. | 9Но они не послушались; и совратил их Манассия до того, что они поступали хуже тех народов, которых истребил Господь от лица сынов Израилевых. |
| 10 Господь висьталіс пророкъяс пыр, кодъяс кесъялісны Сылы. Сійӧ шуис: | 10И говорил Господь чрез рабов Своих пророков и сказал: |
| 11 «Иудаса Манассей ӧксы вӧчис пежсӧ. Сыӧдз олысь аморей войтыр дорысь сійӧ лёксӧ вӧчис унджык на. Аслас идолъяслы юрбитӧмӧн сійӧ кежӧдіс тшӧтш Иуда войтырӧс мыжас. | 11за то, что сделал Манассия, царь Иудейский, такие мерзости, хуже всего того, что делали Аморреи, которые были прежде его, и ввел Иуду в грех идолами своими, |
| 12 Таысь, – висьталӧ Господь, Израильлӧн Ен, – Ме ыста Ерусалим вылӧ да Иуда муӧ сэтшӧм ыджыд шог, мый тайӧс кылӧмысь мортыслӧн кыкнан пеляс жуньгыны кутас. | 12за то, так говорит Господь, Бог Израилев, вот, Я наведу такое зло на Иерусалим и на Иуду, о котором кто услышит, зазвенит в обоих ушах у того; |
| 13 Ме муртала Ерусалимлы мыждӧмсӧ сідзи жӧ, кыдзи мурталі Самария карлы. Ме весита Ерусалимӧс сійӧ жӧ вескинас, мыйӧн веситі Ахавлысь рӧдсӧ. Кыдзи тасьті чышкалӧны да кымыньтӧны, тадзи вӧча тшӧтш Ерусалимкӧд. | 13и протяну на Иерусалим мерную вервь Самарии и отвес дома Ахавова, и вытру Иерусалим так, как вытирают чашу, --вытрут и опрокинут ее; |
| 14 Ме эновта Ассьым коляс войтырӧс да сета найӧс вӧрӧг киӧ. Вӧрӧг куштас налысь мусӧ да мырддяс налысь став эмбурсӧ. | 14и отвергну остаток удела Моего, и отдам их в руку врагов их, и будут на расхищение и разграбление всем неприятелям своим, |
| 15 Тадзи вӧча Аслам войтыркӧд, мыйла батьясныслӧн Египетысь петӧмсянь найӧ ӧнӧдз вӧчӧны Ме водзын шогмытӧмсӧ да тайӧн скӧрмӧдӧны Менӧ». | 15за то, что они делали неугодное в очах Моих и прогневляли Меня с того дня, как вышли отцы их из Египта, и до сего дня. |
| 16 Манассей кежӧдіс Иуда войтырӧс мыжас, и найӧ вӧчисны Господь водзын шогмытӧмсӧ. Тайӧ мыжсьыс ӧтдор Манассей кисьтіс мыжтӧм йӧзлысь вирсӧ сы мында, мый Ерусалим помсянь помӧдзыс тырис вирӧн. | 16Еще же пролил Манассия и весьма много невинной крови, так что наполнил ею Иерусалим от края до края, сверх своего греха, что он завлек Иуду в грех--делать неугодное в очах Господних. |
| 17 Манассей ӧксыалӧм дырйи мукӧд лоӧмторъяс йылысь, сылӧн уджъяс да мыжъяс йылысь гижӧма иудаса ӧксыяслӧн каднебӧгӧ. | 17Прочее о Манассии и обо всем, что он сделал, и о грехах его, в чем он согрешил, написано в летописи царей Иудейских. |
| 18 Манассей куліс да вуджис батьясыс дінӧ. Сійӧс дзебисны аслас ӧксы керка йӧрӧ – Уззайлӧн сад йӧрӧ. Манассей бӧрти ӧксыӧ пуксис сылӧн Амон пиыс. | 18И почил Манассия с отцами своими, и погребен в саду при доме его, в саду Уззы. И воцарился Аммон, сын его, вместо него. |
| 19 Ӧксыӧ пуксигас Амонлы вӧлі кызь кык арӧс. Кык во чӧж сійӧ юраліс Ерусалимын. Сылӧн мамыс вӧлі Мешуллемет, Ятбаысь Харуцлӧн нылыс. | 19Двадцати двух лет был Аммон, когда воцарился, и два года царствовал в Иерусалиме; имя матери его Мешуллемеф, дочь Харуца, из Ятбы. |
| 20 Манассей батьыс моз Амон вӧчис Господь водзын шогмытӧмсӧ. | 20И делал он неугодное в очах Господних так, как делал Манассия, отец его; |
| 21 Сійӧ ветліс батьыслӧн туйӧд, сы моз тшӧтш копрасис да юрбитіс идолъяслы. | 21и ходил тою же точно дорогою, которою ходил отец его, и служил идолам, которым служил отец его, и поклонялся им, |
| 22 Сійӧ эновтіс Господьӧс, аслас батьяслысь Енсӧ, да эз ветлы Господьлӧн туйӧд. | 22и оставил Господа Бога отцов своих, не ходил путем Господним. |
| 23 Амонлӧн кесйӧгъясыс кыпӧдчисны сылы паныд да виисны сійӧс аслас керкаас. | 23И составили заговор слуги Аммоновы против него, и умертвили царя в доме его. |
| 24 Но Иуда войтыр виис ставнысӧ, кодъяс кыпӧдчисны Амон ӧксылы паныд. Амон бӧрти найӧ пуктісны ӧксыӧ сылысь Иосей писӧ. | 24Но народ земли перебил всех, бывших в заговоре против царя Аммона; и воцарил народ земли Иосию, сына его, вместо него. |
| 25 Амон ӧксыалӧм дырйи мукӧд лоӧмторъяс да сылӧн уджъясыс йылысь гижӧма иудаса ӧксыяслӧн каднебӧгӧ. | 25Прочее об Аммоне, что он сделал, написано в летописи царей Иудейских. |
| 26 Амонӧс дзебисны Уззайлӧн сад йӧрӧ аслас дзебанінӧ. Амон бӧрти ӧксыӧ пуксис сылӧн Иосей пиыс. | 26И похоронили его в гробнице его, в саду Уззы. И воцарился Иосия, сын его, вместо него. |
Глава 21