Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН НЁЛЬÖД НЕБÖГ | ЧЕТВЕРТАЯ КНИГА ЦАРСТВ |
18 юр | Глава 18 |
| 1 Израильса Осий ӧксылӧн, Элай пилӧн, коймӧд веськӧдлан воӧ Иуда муын ӧксыӧ пуксис Ахазлӧн Езекей пиыс. | 1В третий год Осии, сына Илы, царя Израильского, воцарился Езекия, сын Ахаза, царя Иудейского. |
| 2 Ӧксыӧ пуксигас сылы вӧлі кызь вит арӧс. Кызь ӧкмыс во чӧж сійӧ юраліс Ерусалимын. Сылӧн мамыс вӧлі Авия, Закарлӧн нылыс. | 2Двадцати пяти лет был он, когда воцарился, и двадцать девять лет царствовал в Иерусалиме; имя матери его Ави, дочь Захарии. |
| 3 Давид пӧльыс моз Езекей вӧчис Господь водзын шогманасӧ. | 3И делал он угодное в очах Господних во всем так, как делал Давид, отец его; |
| 4 Сійӧ бырӧдіс вись ваян мылькъяс, жугліс юрбитан изъяс да пӧрӧдіс юрбитан пуяс. Жугӧдіс-пазӧдіс ыргӧн змейӧс, кодӧс коркӧ вӧчліс Мӧисей. Ӧд тайӧ Нехуштан нима ыргӧн змейлы израильсаяс тайӧ кадӧдзыс пыр на сотісны висьяс. | 4он отменил высоты, разбил статуи, срубил дубраву и истребил медного змея, которого сделал Моисей, потому что до самых тех дней сыны Израилевы кадили ему и называли его Нехуштан. |
| 5 Езекей лача кутіс Израильлӧн Господь Ен вылӧ. Иудаса ӧксыяс пиысь сыӧдз и сы бӧрын сы кодьыс эз вӧв. | 5На Господа Бога Израилева уповал он; и такого, как он, не бывало между всеми царями Иудейскими и после него и прежде него. |
| 6 Езекей кутчысис Господь дінӧ, эз кежлыв Сыысь, оліс Сылӧн тшӧктӧмъяс серти, мый Сійӧ сетліс Мӧисей пыр. | 6И прилепился он к Господу и не отступал от Него, и соблюдал заповеди Его, какие заповедал Господь Моисею. |
| 7 Господь вӧлі Езекейкӧд, та вӧсна сылӧн ставыс артмис. Езекей кыпӧдчис ассурса ӧксылы паныд да дугдіс сылы кесъявны. | 7И был Господь с ним: везде, куда он ни ходил, поступал он благоразумно. И отложился он от царя Ассирийского, и не стал служить ему. |
| 8 Сійӧ пасьвартіс филистимсаясӧс, босьтіс налысь мусӧ Газа карӧдз. Босьтіс изкаръяс да ичӧт каръяс, кӧні эз вӧв карса стенмыс, а сулаліс сӧмын видзӧдан башня. | 8Он поразил Филистимлян до Газы и в пределах ее, от сторожевой башни до укрепленного города. |
| 9 Езекейлӧн нёльӧд веськӧдлан воӧ да израильса Осий ӧксылӧн, Элай пилӧн, сизимӧд веськӧдлан воӧ, ассурса Салманассар ӧксы уськӧдчис Самария кар вылӧ да кытшаліс сійӧс. | 9В четвертый год царя Езекии, то есть в седьмой год Осии, сына Илы, царя Израильского, пошел Салманассар, царь Ассирийский, на Самарию, и осадил ее, |
| 10 А куим во мысти Езекей ӧксылӧн квайтӧд веськӧдлан воӧ да израильса Осий ӧксылӧн ӧкмысӧд веськӧдлан воӧ Салманассар босьтіс Самария кар. | 10и взял ее через три года; в шестой год Езекии, то есть в девятый год Осии, царя Израильского, взята Самария. |
| 11 Ассурса ӧксы нуӧдіс израильсаясӧс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ. | 11И переселил царь Ассирийский Израильтян в Ассирию, и поселил их в Халахе и в Хаворе, при реке Гозан, и в городах Мидийских, |
| 12 Тайӧ ставыс суис Израиль войтырӧс сы понда, мыйла найӧ эз кывзысьны асланыс Господь Енлысь, торкисны Господьлысь йитӧдсӧ, мый Сійӧ кӧрталіс накӧд, торкисны став индӧд-тшӧктӧмсӧ, мый сетліс налы Мӧисей, Господьлӧн кесйӧг. Найӧ эз кывзыны сылысь тшӧктӧмъяссӧ да эз овны на серти. | 12за то, что они не слушали гласа Господа Бога своего и преступили завет Его, всё, что заповедал Моисей раб Господень, они и не слушали и не исполняли. |
| 13 Езекей ӧксылӧн дас нёльӧд веськӧдлан воӧ ассурса Сеннахирим ӧксы уськӧдчис иудаса изкаръяс вылӧ да босьтіс найӧс. | 13В четырнадцатый год царя Езекии, пошел Сеннахирим, царь Ассирийский, против всех укрепленных городов Иуды и взял их. |
| 14 Иудаса Езекей ӧксы ыстіс Лакишӧ ассурса ӧксылы юӧр: «Ме мыжа тэ водзын. Кута мынтыны тэныд вот, мыйта шуан, сӧмын дугды дзескӧдны менӧ». Ассурса ӧксы тшӧктіс иудаса Езекей ӧксылы мынтыны куимсё талант эзысь да комын талант зарни. | 14И послал Езекия, царь Иудейский, к царю Ассирийскому в Лахис сказать: виновен я; отойди от меня; что наложишь на меня, я внесу. И наложил царь Ассирийский на Езекию, царя Иудейского, триста талантов серебра и тридцать талантов золота. |
| 15 Езекей сетіс сылы став эзысьсӧ, мый вӧлі Господьлӧн крамын да ӧксы керкаса озырлун видзанінъясын. | 15И отдал Езекия все серебро, какое нашлось в доме Господнем и в сокровищницах дома царского. |
| 16 Крам ӧдзӧсъяс да куричьяс вылысь Езекей ӧксы перъяліс зарни эжӧдсӧ, мый коркӧ вӧчлісны сылӧн тшӧктӧм серти, да тшӧтш сетіс ассурса ӧксылы. | 16В то время снял Езекия золото с дверей дома Господня и с дверных столбов, которые позолотил Езекия, царь Иудейский, и отдал его царю Ассирийскому. |
| 17 Ассурса ӧксы мӧдӧдіс Лакишысь Ерусалимӧ Езекей ӧксы дінӧ уна тышкайӧзӧс, тышкайӧзӧн веськӧдлысьӧс, ыджыд чинаясӧн веськӧдлысьӧс да ассьыс эскана мортӧс. Кор найӧ воисны Ерусалимӧ, сувтісны вылыс вайӧртӧдсянь визувтысь ва дорӧ, пожъясянінӧ нуӧдан туй вылӧ. | 17И послал царь Ассирийский Тартана и Рабсариса и Рабсака из Лахиса к царю Езекии с большим войском в Иерусалим. И пошли, и пришли к Иерусалиму; и пошли, и пришли, и стали у водопровода верхнего пруда, который на дороге поля белильничьего. |
| 18 Найӧ корисны Езекей ӧксыӧс, но на дінӧ локтісны ӧксы керкаӧн веськӧдлысь Эляким, Хилкилӧн пиыс, Шевнай нима гижалысь да вӧвлӧмторъяс пасъялысь Йоах, Асафлӧн пиыс. | 18И звали они царя. И вышел к ним Елиаким, сын Хелкиин, начальник дворца, и Севна писец, и Иоах, сын Асафов, дееписатель. |
| 19 Ассурса ӧксылӧн эскана морт шуис налы: «Висьталӧй Езекейлы, мый ассурса ыджыд ӧксы тадзи шуӧ: ”Мый вылӧ тэ лача кутан? | 19И сказал им Рабсак: скажите Езекии: так говорит царь великий, царь Ассирийский: что это за упование, на которое ты уповаешь? |
| 20 Тэ висьталан нинӧм абусӧ, а тышад колӧны сюсьлун да вын. Тэ кыпӧдчин меным паныд, а ӧні код вылӧ тэ лача кутан? | 20Ты говорил только пустые слова: для войны нужны совет и сила. Ныне же на кого ты уповаешь, что отложился от меня? |
| 21 Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ. | 21Вот, ты думаешь опереться на Египет, на эту трость надломленную, которая, если кто опрется на нее, войдет ему в руку и проколет ее. Таков фараон, царь Египетский, для всех уповающих на него. |
| 22 Гашкӧ, ті шуанныд, мый Господь Енныд вылӧ лачанытӧ кутанныд? Но эз ӧмӧй Сылысь вись ваян мылькъяссӧ да висьпуктанінъяссӧ бырӧд Езекей? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын, мый сулалӧ Ерусалимын?”» | 22А если вы скажете мне: `на Господа Бога нашего мы уповаем', то на того ли, которого высоты и жертвенники отменил Езекия, и сказал Иуде и Иерусалиму: `пред сим только жертвенником поклоняйтесь в Иерусалиме'? |
| 23 Ассурса ӧксылӧн эскана морт водзӧ тшӧктіс висьтавны Езекейлы: «Ӧтувтчы менам ыджыдкӧд, ассурса ӧксыкӧд. Ме сета тэныд кык сюрс вӧв, сюрас кӧ тэнад та мында верзьӧмаыс. | 23Итак вступи в союз с господином моим царем Ассирийским: я дам тебе две тысячи коней, можешь ли достать себе всадников на них? |
| 24 Тэ он вермы вӧтлыны аслад муысь весиг ӧти веськӧдлысьӧс, менам ыджыдлы медічӧт кесъялысьӧс. Но тэ лача кутан Египет вылӧ, сылӧн тарантасъяс да вӧвъяс вылӧ! | 24Как тебе одолеть и одного вождя из малейших слуг господина моего? И уповаешь на Египет ради колесниц и коней? |
| 25 Ме ӧд Господьлӧн кӧсйӧм серти локті татчӧ, медым бырӧдны тайӧ мусӧ. Господь Ачыс шуис меным: ”Мун да бырӧд сійӧ мусӧ”». | 25Притом же разве я без воли Господней пошел на место сие, чтобы разорить его? Господь сказал мне: `пойди на землю сию и разори ее'. |
| 26 Хилкилӧн Эляким пиыс, Шевнай да Йоах шуисны ассурса ӧксылӧн эскана мортлы: «Корам тэнӧ, ыджыдӧй, сёрнит миянкӧд арамей кыв вылын, ми ӧд гӧгӧрвоам. Эн сёрнит миянкӧд еврей кыв вылын, ӧд карса стен вылын войтырыс ставсӧ кылӧ». | 26И сказал Елиаким, сын Хелкиин, и Севна и Иоах Рабсаку: говори рабам твоим по-арамейски, потому что понимаем мы, а не говори с нами по-иудейски вслух народа, который на стене. |
| 27 Но сійӧ вочавидзис: «Менам ыджыдӧй ӧмӧй мӧдӧдіс менӧ висьтавны тайӧ кывъяссӧ сӧмын тэныд да тэнад ӧксыыдлы? Эз! Менӧ мӧдӧдӧма висьтавны тшӧтш карса стен вылын пукалысь йӧзлы, кодъяс регыд тіян моз пондасны сёйны ассьыныс сітсӧ да юны ассьыныс кудзсӧ». | 27И сказал им Рабсак: разве только к господину твоему и к тебе послал меня господин мой сказать сии слова? Нет, также и к людям, которые сидят на стене, чтобы есть помет свой и пить мочу свою с вами. |
| 28 Ассурса ӧксылӧн эскана морт сувтіс да еврей кыв вылын гораа шуис: «Кывзӧй ассурса ыджыд ӧксылысь кывъяссӧ. | 28И встал Рабсак и возгласил громким голосом по-иудейски, и говорил, и сказал: слушайте слово царя великого, царя Ассирийского! |
| 29 Сійӧ тадзи висьталӧ: ”Энӧ кывзӧй Езекейӧс, сійӧ ылӧдлӧ. Сійӧ оз вермы мездыны тіянӧс менам киысь. | 29Так говорит царь: пусть не обольщает вас Езекия, ибо он не может вас спасти от руки моей; |
| 30 Энӧ эскӧй Езекейлы! Сійӧ ышӧдӧ тіянӧс Господь вылӧ лача кутны, да эскӧдӧ, мый Господь мездас тіянӧс, и карнытӧ оз ло сетӧма ассурса ӧксы киӧ”. | 30и пусть не обнадеживает вас Езекия Господом, говоря: `спасет нас Господь и не будет город сей отдан в руки царя Ассирийского'. |
| 31 Энӧ кывзӧй Езекейӧс! Ассурса ӧксы тадзи висьталӧ: ”Сетчӧй меным да локтӧй ме дінӧ! Сэки ті кутанныд сёйны виноград да инжир вотӧс асланыд пуясысь, юны ва асланыд юкмӧсысь. | 31Не слушайте Езекии. Ибо так говорит царь Ассирийский: примиритесь со мною и выйдите ко мне, и пусть каждый ест плоды виноградной лозы своей и смоковницы своей, и пусть каждый пьет воду из своего колодезя, |
| 32 Сэсся ме локта да нуӧда тіянӧс мӧд муӧ, тіян кодь муӧ, кӧні эм нянь, вина да виноград йӧръяс, олив вый да ма. Сэні ловйӧн колянныд, онӧ кулӧй. Сідзкӧ, энӧ кывзӧй Езекейӧс! Сійӧ пӧръясьӧ, кор шуӧ тіянлы, Господь пӧ мездас миянӧс. | 32пока я не приду и не возьму вас в землю такую же, как и ваша земля, в землю хлеба и вина, в землю плодов и виноградников, в землю масличных дерев и меда, и будете жить, и не умрете. Не слушайте же Езекии, который обольщает вас, говоря: `Господь спасет нас'. |
| 33 Мукӧд войтыръяслӧн енъяс ӧмӧй мездісны налысь мусӧ ассурса ӧксылӧн кипод улысь? | 33Спасли ли боги народов, каждый свою землю, от руки царя Ассирийского? |
| 34 Кӧнӧсь Хамат да Арпад каръяслӧн енъясыс? Кӧнӧсь Сепарваим, Ена да Ивва каръяслӧн енъясыс? Мездісны ӧмӧй Самарияӧс сылӧн енъясыс менам киысь? | 34Где боги Емафа и Арпада? Где боги Сепарваима, Ены и Иввы? Спасли ли они Самарию от руки моей? |
| 35 Кутшӧмкӧ ен ӧмӧй мездіс ассьыс мусӧ менам киысь? Господь сідзжӧ оз вермы мездыны Ерусалимнытӧ менам киысь”». | 35Кто из всех богов земель сих спас землю свою от руки моей? Так неужели Господь спасет Иерусалим от руки моей? |
| 36 Но войтырыс чӧв оліс, весиг кыв эз шу сылы. Ӧд буретш тадзи тшӧктіс налы вӧчны Езекей ӧксыныс. | 36И молчал народ и не отвечали ему ни слова, потому что было приказание царя: `не отвечайте ему'. |
| 37 Ӧксы керкаӧн веськӧдлысь Эляким, Хилкилӧн пиыс, гижалысь Шевнай да вӧвлӧмторъяс пасъялысь Йоах, Асафлӧн пиыс, косялісны ассьыныс паськӧмнысӧ, мунісны Езекей дінӧ да висьталісны сылы ассурса ӧксылӧн эскана мортлысь кывъяссӧ. | 37И пришел Елиаким, сын Хелкиин, начальник дворца, и Севна писец и Иоах, сын Асафов, дееписатель, к Езекии в разодранных одеждах, и пересказали ему слова Рабсаковы. |
Глава 18