Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН НЁЛЬÖД НЕБÖГ | ЧЕТВЕРТАЯ КНИГА ЦАРСТВ |
15 юр | Глава 15 |
| 1 Израильса Еровам ӧксылӧн кызь сизимӧд веськӧдлан воӧ Иуда муын ӧксыӧ пуксис Амасейлӧн Азарий пиыс. | 1В двадцать седьмой год Иеровоама, царя Израильского, воцарился Азария, сын Амасии, царь Иудейский: |
| 2 Ӧксыӧ пуксигас Азарийлы вӧлі дас квайт арӧс. Ветымын кык во чӧж сійӧ юраліс Ерусалимын. Сылӧн мамыс вӧлі Ерусалимысь Еколия. | 2шестнадцати лет был он, когда воцарился, и пятьдесят два года царствовал в Иерусалиме. Имя матери его Иехолия, из Иерусалима. |
| 3 Амасей батьыс моз Азарий вӧчис Господь водзын шогманасӧ. | 3Он делал угодное в очах Господних во всем так, как поступал Амасия, отец его. |
| 4 Но сійӧ эз бырӧд вись ваян мылькъяс, и войтырыс важ мозыс вайліс сэні висьяс да тшынӧдчис. | 4Только высоты не были отменены: народ совершал еще жертвы и курения на высотах. |
| 5 Та вӧсна Господь мыждіс ӧксыӧс. Аслас кулан лунӧдз сійӧ висис проказаӧн да оліс торъя керкаын. Ӧксы керкаӧн да Иуда войтырӧн веськӧдліс сылӧн Иотам пиыс. | 5И поразил Господь царя, и был он прокаженным до дня смерти своей и жил в отдельном доме. И Иофам, сын царя, начальствовал над дворцом и управлял народом земли. |
| 6 Азарий ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма иудаса ӧксыяслӧн каднебӧгӧ. | 6Прочее об Азарии и обо всем, что он сделал, написано в летописи царей Иудейских. |
| 7 Азарий куліс да вуджис батьясыс дінӧ. Сійӧс дзебисны Давид карӧ батьясыскӧд орччӧн. Азарий бӧрти ӧксыӧ пуксис сылӧн Иотам пиыс. | 7И почил Азария с отцами своими, и похоронили его с отцами его в городе Давидовом. И воцарился Иофам, сын его, вместо него. |
| 8 Иудаса Азарий ӧксылӧн комын кӧкъямысӧд веськӧдлан воӧ Израиль муын ӧксыӧ пуксис Еровамлӧн Закар пиыс. Квайт тӧлысь чӧж сійӧ юраліс Самария карын. | 8В тридцать восьмой год Азарии, царя Иудейского, воцарился Захария, сын Иеровоама, над Израилем в Самарии и царствовал шесть месяцев. |
| 9 Батьясыс моз Закар вӧчис Господь водзын шогмытӧмсӧ, эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас. | 9Он делал неугодное в очах Господних, как делали отцы его: не отставал от грехов Иеровоама, сына Наватова, который ввел Израиля в грех. |
| 10 Явислӧн Шаллум пиыс кыпӧдчис Закар ӧксылы паныд. Виис сійӧс став войтырыс водзын да пуксис сы пыдди ӧксыӧ. | 10И составил против него заговор Селлум, сын Иависа, и поразил его пред народом и убил его, и воцарился вместо него. |
| 11 Закар ӧксыалӧм дырйи мукӧд лоӧмторъяс йылысь гижӧма израильса ӧксыяслӧн каднебӧгӧ. | 11Прочее о Захарии написано в летописи царей Израильских. |
| 12 Тадзи иніс Господьлӧн шуӧмыс, мый Сійӧ висьталіс Ехулы: «Тэсянь чужысьяс нёльӧд чужанвужйӧдз пондасны пукавны Израильлӧн юралан пуклӧсын». Тадзи и лоис. | 12Таково было слово Господа, которое он изрек Ииую, сказав: сыновья твои до четвертого рода будут сидеть на престоле Израилевом. И сбылось так. |
| 13 Иудаса Озей*а ӧксылӧн комын ӧкмысӧд веськӧдлан воӧ Израиль муын ӧксыӧ пуксис Явислӧн Шаллум пиыс. Ӧти тӧлысь чӧж сійӧ юраліс Самария карын. | 13Селлум, сын Иависа, воцарился в тридцать девятый год Азарии, царя Иудейского, и царствовал один месяц в Самарии. |
| 14 Гадилӧн Менаим пиыс локтіс Тирза карысь да уськӧдчис Самария кар вылӧ. Сэні сійӧ виис Явислысь Шаллум писӧ да пуксис сы пыдди ӧксыӧ. | 14И пошел Менаим, сын Гадия из Фирцы, и пришел в Самарию, и поразил Селлума, сына Иависова, в Самарии и умертвил его, и воцарился вместо него. |
| 15 Шаллум ӧксыалӧм дырйи мукӧд лоӧмторъяс йылысь да сылӧн паныд кыпӧдчӧм йылысь гижӧма израильса ӧксыяслӧн каднебӧгӧ. | 15Прочее о Селлуме и о заговоре его, который он составил, написано в летописи царей Израильских. |
| 16 Тирза карысь петӧм бӧрын Менаим пасьвартіс Типсах кар да матігӧгӧр став кар-сиктсӧ. Сылы эз восьтны карса дзиръясӧ, та вӧсна сійӧ виис сэтчӧс став олысьсӧ, а нӧбасьысь аньяслысь кынӧмсӧ вожӧдіс. | 16И поразил Менаим Типсах и всех, которые были в нем и в пределах его, начиная от Фирцы, за то, что город не отворил ворот, и разбил его, и всех беременных женщин в нем разрубил. |
| 17 Иудаса Азарий ӧксылӧн комын ӧкмысӧд веськӧдлан воӧ Израиль муын ӧксыӧ пуксис Гадилӧн Менаим пиыс. Дас во чӧж сійӧ юраліс Самария карын. | 17В тридцать девятом году Азарии, царя Иудейского, воцарился Менаим, сын Гадия, над Израилем и царствовал десять лет в Самарии; |
| 18 Менаим вӧчис Господь водзын шогмытӧмсӧ. Став олан лунъяс чӧжыс Менаим эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас. | 18и делал он неугодное в очах Господних; не отставал от грехов Иеровоама, сына Наватова, который ввел Израиля в грех, во все дни свои. |
| 19 Ассурса Пул ӧксы уськӧдчис Израиль му вылӧ. Менаим сетіс Пуллы сюрс талант эзысь, медым мӧдыс отсаліс сылы зумыдмӧдны юралӧмсӧ. | 19Тогда пришел Фул, царь Ассирийский, на землю Израилеву. И дал Менаим Фулу тысячу талантов серебра, чтобы руки его были за него и чтобы утвердить царство в руке своей. |
| 20 Эзысьсӧ Менаим чукӧртіс израильса озыр йӧзлысь. Быдӧнлы колӧ вӧлі вайны ветымын сикель эзысь, мед сетны ассурса ӧксылы. Та бӧрын ассурса ӧксы эновтіс Израиль му да бӧр муніс аслас муӧ. | 20И разложил Менаим это серебро на Израильтян, на всех людей богатых, по пятидесяти сиклей серебра на каждого человека, чтобы отдать царю Ассирийскому. И пошел назад царь Ассирийский и не остался там в земле. |
| 21 Менаим ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма израильса ӧксыяслӧн каднебӧгӧ. | 21Прочее о Менаиме и обо всем, что он сделал, написано в летописи царей Израильских. |
| 22 Менаим куліс да вуджис батьясыс дінӧ. Сы бӧрти ӧксыӧ пуксис сылӧн Пекахий пиыс. | 22И почил Менаим с отцами своими. И воцарился Факия, сын его, вместо него. |
| 23 Иудаса Азарий ӧксылӧн ветымынӧд веськӧдлан воӧ Израиль муын ӧксыӧ пуксис Менаимлӧн Пекахий пиыс. Кык во чӧж сійӧ юраліс Самария карын. | 23В пятидесятый год Азарии, царя Иудейского, воцарился Факия, сын Менаима, над Израилем в Самарии и царствовал два года; |
| 24 Пекахий вӧчис Господь водзын шогмытӧмсӧ, эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас. | 24и делал он неугодное в очах Господних; не отставал от грехов Иеровоама, сына Наватова, который ввел Израиля в грех. |
| 25 Ремальлӧн Пеках пиыс, ӧксылӧн отсасьысь, кыпӧдчис аслас ӧксылы паныд. Самарияын ӧксы керкаын пыді жыръяс сійӧ виис ӧксыӧс, нӧшта виис Арговӧс да Арийӧс. Пекахкӧд тшӧтш вӧліны Галаадысь ветымын морт. Пекахий ӧксыӧс виӧм бӧрын Пеках пуксис сы пыдди ӧксыӧ. | 25И составил против него заговор Факей, сын Ремалии, сановник его, и поразил его в Самарии в палате царского дома, с Арговом и Арием, имея с собою пятьдесят человек Галаадитян, и умертвил его, и воцарился вместо него. |
| 26 Пекахий ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма израильса ӧксыяслӧн каднебӧгӧ. | 26Прочее о Факии и обо всем, что он сделал, написано в летописи царей Израильских. |
| 27 Иудаса Азарий ӧксылӧн ветымын кыкӧд веськӧдлан воӧ Израиль муын ӧксыӧ пуксис Ремальлӧн Пеках пиыс. Кызь во чӧж сійӧ юраліс Самария карын. | 27В пятьдесят второй год Азарии, царя Иудейского, воцарился Факей, сын Ремалии, над Израилем в Самарии и царствовал двадцать лет; |
| 28 Пеках вӧчис Господь водзын шогмытӧмсӧ, эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас. | 28и делал он неугодное в очах Господних: не отставал от грехов Иеровоама, сына Наватова, который ввел Израиля в грех. |
| 29 Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ. | 29Во дни Факея, царя Израильского, пришел Феглаффелласар, царь Ассирийский, и взял Ион, Авел-Беф-Мааху, и Ианох, и Кедес, и Асор, и Галаад, и Галилею, всю землю Неффалимову, и переселил их в Ассирию. |
| 30 Ремальлӧн Пеках пилы паныд кыпӧдчис Элайлӧн Осий пиыс да виис сійӧс. Ачыс сы пыдди пуксис ӧксыӧ. Тайӧ вӧлі иудаса Озей Иотам ӧксылӧн кызьӧд веськӧдлан воӧ. | 30И составил заговор Осия, сын Илы, против Факея, сына Ремалиина, и поразил его, и умертвил его, и воцарился вместо него в двадцатый год Иоафама, сына Озиина. |
| 31 Пеках ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма израильса ӧксыяслӧн каднебӧгӧ. | 31Прочее о Факее и обо всем, что он сделал, написано в летописи царей Израильских. |
| 32 Израильса Пеках ӧксылӧн, Ремаль пилӧн, мӧд веськӧдлан воӧ Иуда муын ӧксыӧ пуксис Озейлӧн Иотам пиыс. | 32Во второй год Факея, сына Ремалиина, царя Израильского, воцарился Иоафам, сын Озии, царя Иудейского. |
| 33 Ӧксыӧ пуксигас Иотамлы вӧлі кызь вит арӧс. Дас квайт во чӧж сійӧ юраліс Ерусалимын. Сылӧн мамыс вӧлі Еруша, Садоклӧн нылыс. | 33Двадцати пяти лет был он, когда воцарился, и шестнадцать лет царствовал в Иерусалиме. Имя матери его Иеруша, дочь Садока. |
| 34 Озей батьыс моз Иотам вӧчис Господь водзын шогманасӧ. | 34Он делал угодное в очах Господних: во всем, как поступал Озия, отец его, так поступал и он. |
| 35 Но сійӧ эз бырӧд вись ваян мылькъяс, и войтырыс важ мозыс вайліс сэні висьяс да тшынӧдчис. Господьлӧн крам йӧрын Иотам вӧчис Вылыс дзиръя. | 35Только высоты не были отменены: народ совершал еще жертвы и курения на высотах. Он построил верхние ворота при доме Господнем. |
| 36 Иотам ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма иудаса ӧксыяслӧн каднебӧгӧ. | 36Прочее об Иоафаме и обо всем, что он сделал, написано в летописи царей Иудейских. |
| 37 Иотам ӧксылӧн веськӧдлан кадӧ Господь кутіс мӧдӧдны арамейяслысь Рецин ӧксысӧ да Ремальлысь Пеках писӧ, медым найӧ уськӧдчисны Иуда му вылӧ. | 37В те дни начал Господь посылать на Иудею Рецина, царя Сирийского, и Факея, сына Ремалиина. |
| 38 Иотам куліс да вуджис батьясыс дінӧ. Сійӧс дзебисны Давид пӧльыслӧн карӧ батьясыскӧд орччӧн. Иотам бӧрти ӧксыӧ пуксис сылӧн Ахаз пиыс. | 38И почил Иоафам с отцами своими, и погребен с отцами своими в городе Давида, отца его. И воцарился Ахаз, сын его, вместо него. |
*а 13 15:13 Озей – Азарийлӧн мӧд нимыс.
Глава 15