Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН НЁЛЬÖД НЕБÖГ | ЧЕТВЕРТАЯ КНИГА ЦАРСТВ |
12 юр | Глава 12 |
| 1 Израильса Еху ӧксылӧн сизимӧд веськӧдлан воӧ Иуда муын ӧксыӧ пуксис Йоас. Нелямым во чӧж сійӧ юраліс Ерусалимын. Сылӧн мамыс вӧлі Бер-Шеваысь Цивия. | 1В седьмой год Ииуя воцарился Иоас и сорок лет царствовал в Иерусалиме. Имя матери его Цивья, из Вирсавии. |
| 2 Аслас олан лунъяс чӧж Йоас вӧчис Господь водзын шогманасӧ, кытчӧдз Иодай поп туйдӧдіс-велӧдіс сійӧс. | 2И делал Иоас угодное в очах Господних во все дни свои, доколе наставлял его священник Иодай; |
| 3 Но сійӧ эз бырӧд вись ваян мылькъяс, и войтырыс важ мозыс вайліс сэні висьяс да тшынӧдчис. | 3только высоты не были отменены; народ еще приносил жертвы и курения на высотах. |
| 4 Йоас шуис попъяслы: «Господьлӧн крамӧ мед ваясны вежа сетанторъяс: ас пондаыс вештысян дон, Господьлы сиӧм мортысь вештысян дон да ас кӧсйӧм серти ваян сьӧм. | 4И сказал Иоас священникам: все серебро посвящаемое, которое приносят в дом Господень, серебро от приходящих, серебро, вносимое за каждую душу по оценке, все серебро, сколько кому приходит на сердце принести в дом Господень, |
| 5 Босьтӧй аслыныд тайӧ сетанторъяссӧ крамӧ локтысьяслысь да дзоньталӧй крамсӧ». | 5пусть берут священники себе, каждый от своего знакомого, и пусть исправляют они поврежденное в храме, везде, где найдется повреждение. |
| 6 Йоас ӧксы веськӧдліс кызь коймӧд во нин, но попъяс эз на дзоньтавны крамсӧ. | 6Но как до двадцать третьего года царя Иоаса священники не исправляли повреждений в храме, |
| 7 Та вӧсна Йоас ӧксы корис Иодайӧс, тшӧтш мукӧд попъясӧс да юаліс: «Мыйла ті онӧ дзоньталӧй крамсӧ? Ӧнісянь ті онӧ кутӧй босьтны аслыныд сьӧмсӧ крамӧ локтысьяслысь, но кутанныд сетны сійӧс крам дзоньталӧм вылӧ». | 7то царь Иоас позвал священника Иодая и священников и сказал им: почему вы не исправляете повреждений в храме? Не берите же отныне серебра у знакомых своих, а на починку повреждений в храме отдайте его. |
| 8 Попъяс кӧсйысисны, мый найӧ оз кутны босьтны войтырыслысь сьӧмсӧ, но и оз кывкутны крам дзоньталӧм вӧсна. | 8И согласились священники не брать серебра у народа на исправление повреждений в храме. |
| 9 Иодай поп босьтіс куд, вӧчис вевт вылас розь да пуктіс кудсӧ Господьлӧн крам пыранінӧ, висьпуктанін веськыдладорӧ. Пыранін видзысь попъяс локтысьяслысь вайӧм сьӧмсӧ чӧвталісны кудйӧ. | 9И взял священник Иодай один ящик, и сделал отверстие сверху его, и поставил его подле жертвенника на правой стороне, где входили в дом Господень. И полагали туда священники, стоящие на страже у порога, все серебро, приносимое в дом Господень. |
| 10 Кор попъяс аддзылісны, мый кудъяс сьӧмыс уна нин, корлісны ӧксылысь гижалысьсӧ да аркирейӧс. Найӧ пуктывлісны сьӧмсӧ мешӧкъясӧ да веситлісны. | 10И когда видели, что много серебра в ящике, приходили писец царский и первосвященник, и завязывали в мешки, и пересчитывали серебро, найденное в доме Господнем; |
| 11 Тайӧ сьӧмсӧ найӧ сетлісны Господьлысь крамсӧ дзоньталӧм вӧсна кывкутысьяслы, а кывкутысьяс мынтысьлісны пуысь вӧчасьысьяслы, керка лэптысьяслы, | 11и отдавали сосчитанное серебро в руки производителям работ, приставленным к дому Господню, а сии издерживали его на плотников и строителей, работавших в доме Господнем, |
| 12 стен кыпӧдысьяслы да из кералысьяслы. Нӧшта тайӧ сьӧм вылас ньӧблісны кер, из да мукӧдторсӧ, мый колӧ вӧлі Господьлысь крамсӧ дзоньталӧм вылӧ. | 12и на делателей стен и на каменотесов, также на покупку дерев и тесаных камней, для починки повреждений в доме Господнем, и на все, что расходовалось для поддержания храма. |
| 13 Господьлӧн крамӧ вайӧм сьӧм вылӧ эз вӧчлыны крамын вӧдитчанторъяс: эзысь дозмукъяс, пуртъяс, вир резан тасьтіяс, трубаяс да мукӧдпӧлӧс эзысь-зарни дозъяс. | 13Но не сделано было для дома Господня серебряных блюд, ножей, чаш для окропления, труб, всяких сосудов золотых и сосудов серебряных из серебра, приносимого в дом Господень, |
| 14 Став сьӧмыс муніс Господьлӧн крам дзоньталӧм вылӧ да сэні уджалысьяслы. | 14а производителям работ отдавали его, и починивали им дом Господень. |
| 15 Крам дзоньталӧм вӧсна кывкутысьяс вӧчисны ассьыныс уджнысӧ пӧръясьтӧг, та вӧсна налысь эз корлыны сьӧм видзӧм йылысь пасйӧдъяс. | 15И не требовали отчета от тех людей, которым поручали серебро для раздачи производителям работ, ибо они действовали честно. |
| 16 Мыж вештан висьысь да мыжысь вайӧм висьысь сьӧмсӧ сетлісны попъяслы. Господьлӧн крам дзоньталӧм вылӧ тайӧ сьӧмыс эз мунлы. | 16Серебро за жертву о преступлении и серебро за жертву о грехе не вносилось в дом Господень: священникам оно принадлежало. |
| 17 Сійӧ кадас арамейяслӧн Азаил ӧксы уськӧдчис Геф кар вылӧ да босьтіс сійӧс. Лӧсьӧдчис уськӧдчыны тшӧтш Ерусалим вылӧ. | 17Тогда выступил в поход Азаил, царь Сирийский, и пошел войною на Геф, и взял его; и вознамерился Азаил идти на Иерусалим. |
| 18 Иудаса Йоас ӧксы чукӧртіс сыӧдз вӧвлӧм иудаса ӧксыяслысь – Иосафат, Иорам да Ахазий батьясыслысь – вежа вайӧмторъяссӧ, тшӧтш ассьыс вежа вайӧмторъяссӧ, нӧшта Господьлӧн крамса озырлун видзанінъясысь да ӧксы керкаса озырлун видзанінъясысь став зарнисӧ да мӧдӧдіс арамейяслӧн Азаил ӧксылы. Та бӧрын Азаил вешйис Ерусалим кар дорысь. | 18Но Иоас, царь Иудейский, взял все пожертвованное, что пожертвовали храму Иосафат, и Иорам и Охозия, отцы его, цари Иудейские, и что он сам пожертвовал, и все золото, найденное в сокровищницах дома Господня и дома царского, и послал Азаилу, царю Сирийскому; и он отступил от Иерусалима. |
| 19 Йоас ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма иудаса ӧксыяслӧн каднебӧгӧ. | 19Прочее об Иоасе и обо всем, что он сделал, написано в летописи царей Иудейских. |
| 20 Йоаслӧн кесйӧгъясыс кыпӧдчисны сылы паныд. Гусьӧн сёрнитчӧм бӧрын виисны сійӧс Бет-Миллоын, кысянь туйыс мунӧ Силлаӧ. | 20И восстали слуги его, и составили заговор, и убили Иоаса в доме Милло, на дороге к Силле. |
| 21 Виысьяснас вӧліны Шимеаталӧн Иозакар пиыс да Шомерлӧн Ехозавад пиыс. Йоасӧс дзебисны Давид карӧ батьясыскӧд орччӧн. Йоас бӧрти ӧксыӧ пуксис сылӧн Амасей пиыс. | 21Его убили слуги его: Иозакар, сын Шимеаты, и Иегозавад, сын Шомеры; и он умер, и похоронили его с отцами его в городе Давидовом. И воцарился Амасия, сын его, вместо него. |
Глава 12