Выбрать язык
Книги Ветхого Завета
Книги Нового Завета
без русского текстаÖКСЫЯСЛÖН НЁЛЬÖД НЕБÖГ | ЧЕТВЕРТАЯ КНИГА ЦАРСТВ |
3 юр | Глава 3 |
| 1 Иудаса Иосафат ӧксылӧн дас кӧкъямысӧд веськӧдлан воӧ Израиль муын ӧксыӧ пуксис Ахавлӧн Иорам пиыс. Дас кык во чӧж сійӧ юраліс Самария карын. | 1Иорам, сын Ахава, воцарился над Израилем в Самарии в восемнадцатый год Иосафата, царя Иудейского, и царствовал двенадцать лет, |
| 2 Иорам вӧчис Господь водзын шогмытӧмсӧ, но эз сы мында, мыйта вӧчисны бать-мамыс. Иорам жугліс-бырӧдіс Вааллы вӧчӧм юрбитан из, мый сувтӧдліс сылӧн батьыс. | 2и делал неугодное в очах Господних, хотя не так, как отец его и мать его: он снял статую Ваала, которую сделал отец его; |
| 3 Но Иорам эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас. | 3однако же грехов Иеровоама, сына Наватова, который ввел в грех Израиля, он держался, не отставал от них. |
| 4 Моавса Мешай нима ӧксылӧн вӧлі зэв уна ыж-меж. Сійӧ ыстыліс вот пыдди израильса ӧксылы сё сюрс баля да сё сюрс шыртӧм меж. | 4Меса, царь Моавитский, был богат скотом и присылал царю Израильскому по сто тысяч овец и по сто тысяч неостриженных баранов. |
| 5 Но Ахавлӧн кулӧм бӧрын моавса ӧксы кыпӧдчис израильса Иорам ӧксылы паныд. | 5Но когда умер Ахав, царь Моавитский отложился от царя Израильского. |
| 6 Сэки Иорам ӧксы петіс Самария карысь да чукӧртіс став израильса тышкайӧзсӧ. | 6И выступил царь Иорам в то время из Самарии и сделал смотр всем Израильтянам; |
| 7 Сійӧ мӧдӧдіс иудаса Иосафат ӧксы дінӧ ассьыс йӧзсӧ да тшӧктіс висьтавны сылы: «Моавса ӧксы кыпӧдчис меным паныд. Мунан-ӧ тэ мекӧд тышӧ Моавлы паныд?» «Муна, – вочавидзис Иосафат. – Ме муна тэ моз тышӧ. Менам тышкайӧзӧй мунасны тэнад тышкайӧзыд моз, менам вӧвъясӧй мунасны тэнад вӧвъясыд моз». | 7и пошел и послал к Иосафату, царю Иудейскому, сказать: царь Моавитский отложился от меня, пойдешь ли со мной на войну против Моава? Он сказал: пойду; как ты, так и я, как твой народ, так и мой народ; как твои кони, так и мои кони. |
| 8 Иосафат юаліс: «Кысянь ми уськӧдчам?» Израильса ӧксы вочавидзис: «Эдом овтӧминсянь». | 8И сказал: какою дорогою идти нам? Он сказал: дорогою пустыни Едомской. |
| 9 Израильса, иудаса да эдомса ӧксыяс петісны туйӧ. Кытшола туйӧд сизим лун мунӧм бӧрын налӧн помасис ваныс – тышкайӧзлы да накӧд мунысь пемӧсъяслы нинӧм вӧлі юнысӧ. | 9И пошел царь Израильский, и царь Иудейский, и царь Едомский, и шли они обходом семь дней, и не было воды для войска и для скота, который шел за ними. |
| 10 «Курыд шог миянлы! – горӧдіс израильса ӧксы. – Господь татчӧ вайӧдіс миянӧс, куим ӧксыӧс, мед сетны миянӧс моавсаяс киӧ». | 10И сказал царь Израильский: ах! созвал Господь трех царей сих, чтобы предать их в руку Моава. |
| 11 Иосафат юаліс: «Эм-ӧ миян пӧвстын Господьлӧн пророк, кодлысь эськӧ ми вермам юавны, мый Господь шуас миянлы?» Израильса ӧксылӧн кесйӧгъясысь ӧти шуис: «Тані эм Шафатлӧн Елисей пиыс, сійӧ коркӧ кесъявліс Илля пророклы». | 11И сказал Иосафат: нет ли здесь пророка Господня, чтобы нам вопросить Господа чрез него? И отвечал один из слуг царя Израильского и сказал: здесь Елисей, сын Сафатов, который подавал воду на руки Илии. |
| 12 Иосафат шуис: «Сылӧн эм Господьсянь кыв». Иудаса Иосафат ӧксы, израильса ӧксы да эдомса ӧксы мунісны Елисей дінӧ. | 12И сказал Иосафат: есть у него слово Господне. И пошли к нему царь Израильский, и Иосафат, и царь Едомский. |
| 13 Елисей шуис израильса ӧксылы: «Мыйла тэ локтін ме дінӧ? Мун аслад бать-мамыдлӧн пророкъяс дінӧ». «Ог мун, – вочавидзис израильса ӧксы. – Господь вайӧдіс миянӧс, куим ӧксыӧс, татчӧ, мед сетны миянӧс моавсаяс киӧ». | 13И сказал Елисей царю Израильскому: что мне и тебе? пойди к пророкам отца твоего и к пророкам матери твоей. И сказал ему царь Израильский: нет, потому что Господь созвал сюда трех царей сих, чтобы предать их в руку Моава. |
| 14 Елисей воча шуис: «Ловъя Господь Саваоф водзын, кодлы ме кесъяла, шуа: ме кӧ эг пыдди пукты Иосафатӧс, иудаса ӧксыӧс, ме эськӧ эг и видзӧдлы тэ вылӧ». | 14И сказал Елисей: жив Господь Саваоф, пред Которым я стою! Если бы я не почитал Иосафата, царя Иудейского, то не взглянул бы на тебя и не видел бы тебя; |
| 15 Сэсся Елисей тшӧктіс вайӧдны гуслиӧн ворсысьӧс. Сылӧн ворсігӧн Господьлӧн вына киыс инмӧдчис Елисей дінӧ. | 15теперь позовите мне гуслиста. И когда гуслист играл на гуслях, тогда рука Господня коснулась Елисея, |
| 16 Елисей шуис: «Господь тадзи висьталӧ: ”Кодйӧй гуранъяс тайӧ ковтыс пасьталаыс”. | 16и он сказал: так говорит Господь: делайте на сей долине рвы за рвами, |
| 17 Ӧд Господь тадзи висьталӧ: ”Тӧвзьысьӧм да зэрӧм ті онӧ аддзылӧй, но тайӧ ковтысыс тырас ваӧн. Сэтысь кутанныд юны асьныд, тшӧтш тіян пемӧсъясныд”. | 17ибо так говорит Господь: не увидите ветра и не увидите дождя, а долина сия наполнится водою, которую будете пить вы и мелкий и крупный скот ваш; |
| 18 Господьлы абу сьӧкыд вӧчны тайӧс. Нӧшта Сійӧ сетас тіян киӧ моавсаясӧс. | 18но этого мало пред очами Господа; Он и Моава предаст в руки ваши, |
| 19 Ті босьтанныд налысь став изкарсӧ да ыджыд каръяссӧ, кераланныд налысь бур пуяссӧ, тырталанныд ва петанінъяссӧ да налӧн бур видз-муяс вылӧ шыблаланныд изъяс». | 19и вы поразите все города укрепленные и все города главные, и все лучшие деревья срубите, и все источники водные запрудите, и все лучшие участки полевые испортите каменьями. |
| 20 Мӧд асывнас, нянь вись ваян кадӧ, Эдомсянь став ковтыс пасьтала пондіс визувтны ва. | 20Поутру, когда возносят хлебное приношение, вдруг полилась вода по пути от Едома, и наполнилась земля водою. |
| 21 Моавсаяс кор тӧдмалісны, мый ӧксыяс петісны налы паныд тышӧ, чукӧртісны став ассьыныс айуловсӧ – томӧс и пӧрысьӧс – да сувтӧдісны найӧс видзны ассьыныс мунысӧ. | 21Когда Моавитяне услышали, что идут цари воевать с ними, тогда собраны были все, начиная от носящего пояс и старше, и стали на границе. |
| 22 Сійӧ асывнас моавсаяс чеччисны водз. Асъя шонді югӧрсьыс ковтысын ваыс тыдаліс налы чим гӧрдӧн, быттьӧ вир. | 22Поутру встали они рано, и когда солнце воссияло над водою, Моавитянам издали показалась эта вода красною, как кровь. |
| 23 «Тайӧ вир! – шуалісны моавсаяс. – Ӧксыяс, буракӧ, тышкасьӧмаӧсь ас костаныс да виалӧмаӧсь ӧта-мӧднысӧ. Моавсаяс, мунамӧй да босьтамӧй налысь эмбурсӧ!» | 23И сказали они: это кровь; сразились цари между собою и истребили друг друга; теперь на добычу, Моав! |
| 24 Кор моавсаяс локтісны израильсаяслӧн сувтанінӧ, израильсаяс уськӧдчисны на вылӧ. Моавсаяс пондісны пышйыны, но израильсаяс вӧтчисны на бӧрся да виалісны найӧс. | 24И пришли они к стану Израильскому. И встали Израильтяне и стали бить Моавитян, и те побежали от них, а они продолжали идти на них и бить Моавитян. |
| 25 Израильсаяс кушӧдз бырӧдісны налысь каръяссӧ. Налӧн бур видз-муяс вылӧ быд израильса тышкаморт шыбитіс из, тадзи видз-муясыс тырисны изъясӧн. Ва петанінъяссӧ тырталісны, бур пуяссӧ кералісны. Пасьвартісны ставсӧ, сӧмын Кир-Харешет кар колис сулавны. Но и сійӧс кытшалісны да пасьвартісны изйӧн лыйсьысьяс. | 25И города разрушили, и на всякий лучший участок в поле бросили каждый по камню и закидали его; и все протоки вод запрудили и все дерева лучшие срубили, так что оставались только каменья в Кир-Харешете. И обступили его пращники и разрушили его. |
| 26 Моавса ӧксы кор аддзис, мый найӧс вермӧны, босьтіс аскӧдыс сизимсё шыпуртаӧс, мед уськӧдчыны эдомса ӧксы вылӧ да тадзикӧн петны кытшалӧм карсьыс. Но сылӧн тайӧ эз артмы. | 26И увидел царь Моавитский, что битва одолевает его, и взял с собою семьсот человек, владеющих мечом, чтобы пробиться к царю Едомскому; но не могли. |
| 27 Сэки босьтіс ассьыс медыджыд писӧ, кодлы вуджӧ вӧлі ӧксыалӧмыс, да карса стен вылын сотіс сійӧс вись пыдди. Тайӧ лоӧмторйыс ёна скӧрмӧдіс израильсаясӧс. Найӧ эновтісны моавсаясӧс да бӧр локтісны асланыс муӧ. | 27И взял он сына своего первенца, которому следовало царствовать вместо него, и вознес его во всесожжение на стене. Это произвело большое негодование в Израильтянах, и они отступили от него и возвратились в свою землю. |
Глава 3