Выбрать язык
Книги Ветхого Завета
Книги Нового Завета
без русского текстаЭКСЭЙЛЫКЪЁСЛЭН КЫКЕТӤ КНИГАЗЫ | ВТОРАЯ КНИГА ЦАРСТВ |
15 юр | Глава 15 |
| 1 Авессалом лӧсьӧдіс аслыс тарантас, вӧвъяс да водзвылас котӧртысь ветымын тышкамортӧс. | 1После сего Авессалом завел у себя колесницы и лошадей и пятьдесят скороходов. |
| 2 Сійӧ чеччыліс водз асывнас да сувтліс карса дзиръялань мунан туй вылӧ. Кор кодкӧ вӧлі локтӧ ёрдӧ, мед ӧксы видлаліс сылысь могсӧ, Авессалом сувтӧдліс сійӧс да юавліс, кутшӧм карысь пӧ тэ. Мӧдыс вочавидзліс, ме пӧ, тэнад кесйӧг, израильса татшӧмтӧ чужанкотырысь. | 2И вставал Авессалом рано утром, и становился при дороге у ворот, и когда кто-нибудь, имея тяжбу, шел к царю на суд, то Авессалом подзывал его к себе и спрашивал: из какого города ты? И когда тот отвечал: из такого-то колена Израилева раб твой, |
| 3 Сэки Авессалом шуліс сылы: «Дерт, тэнад могыд бур да колана, но ӧксы дорын некод тэнӧ кывзыны оз кут. | 3тогда говорил ему Авессалом: вот, дело твое доброе и справедливое, но у царя некому выслушать тебя. |
| 4 Ме кӧ вӧлі ёрдысьӧн тайӧ муас, ме эськӧ сибӧді быд локтысьӧс, кывзі сійӧс да веськыда мыжді». | 4И говорил Авессалом: о, если бы меня поставили судьею в этой земле! ко мне приходил бы всякий, кто имеет спор и тяжбу, и я судил бы его по правде. |
| 5 Локтысьяс пиысь кӧ кодкӧ матыстчыліс, медым копыртчыны Авессаломлы, мӧдыс мыччыліс сылы кисӧ, сывйыштліс да окыштліс сійӧс. | 5И когда подходил кто-нибудь поклониться ему, то он простирал руку свою и обнимал его и целовал его. |
| 6 Тадзи Авессалом вӧчліс быд израильсакӧд, коді аслас могӧн воліс ӧксы дінӧ ёрдӧ. Татшӧм ногӧн сійӧ зілис бергӧдны асланьыс йӧзсӧ. | 6Так поступал Авессалом со всяким Израильтянином, приходившим на суд к царю, и вкрадывался Авессалом в сердце Израильтян. |
| 7 Нёль во мысти Авессалом шуис Давидлы: «Лэдз менӧ ветлыны Хевронӧ, збыльмӧдны Господьлы кӧсйысьӧмӧс. | 7По прошествии сорока лет царствования Давида, Авессалом сказал царю: пойду я и исполню обет мой, который я дал Господу, в Хевроне; |
| 8 Арам муын Гешурын олігӧн ме, тэнад кесйӧг, кыв сеті Господьлы, мый кута кесъявны Сылы, Сійӧ кӧ бӧр вайӧдас менӧ Ерусалимӧ». | 8ибо я, раб твой, живя в Гессуре в Сирии, дал обет: если Господь возвратит меня в Иерусалим, то я принесу жертву Господу. |
| 9 Ӧксы шуис сылы: «Мун лӧнь сьӧлӧмӧн». Авессалом муніс Хевронӧ. | 9И сказал ему царь: иди с миром. И встал он и пошел в Хеврон. |
| 10 Сійӧ мӧдӧдіс ассьыс йӧзсӧ став Израиль му пасьтала да тшӧктіс висьтавны быд чужанкотырлы: «Кор кыланныд буксан шы, сэки горӧдӧй, мый Хевронын Авессалом пуксис ӧксыӧ». | 10И разослал Авессалом лазутчиков во все колена Израилевы, сказав: когда вы услышите звук трубы, то говорите: Авессалом воцарился в Хевроне. |
| 11 Ерусалимысь Авессаломкӧд локтіс кыксё морт. Найӧс коригӧн Авессалом налы могсӧ эз висьтав. | 11С Авессаломом пошли из Иерусалима двести человек, которые были приглашены им, и пошли по простоте своей, не зная, в чем дело. |
| 12 Вись вайӧм дырйи Авессалом тшӧктіс корны Гило карысь Ахитофелӧс, сійӧ вӧлі Давидӧс туйдӧдысь. Тадзи вынсяліс израильсаяскӧд гуся сёрнитчӧмыс, и йӧзыс Авессалом дор ӧтарӧ содіс. | 12Во время жертвоприношения Авессалом послал и призвал Ахитофела Гилонянина, советника Давидова, из его города Гило. И составился сильный заговор, и народ стекался и умножался около Авессалома. |
| 13 Давид дінӧ локтіс юӧр вайысь да висьталіс, израильсаяс пӧ сувтӧмаӧсь Авессалом дор. | 13И пришел вестник к Давиду и сказал: сердце Израильтян уклонилось на сторону Авессалома. |
| 14 Давид сэки шуис аслас йӧзлы, кодъяс вӧліны сыкӧд Ерусалимын: «Миянлы колӧ пышйыны Авессаломысь. Тэрмасьӧй, мед сійӧ эз су миянӧс. Суас кӧ, виас миянӧс и карын став олысьсӧ». | 14И сказал Давид всем слугам своим, которые были при нем в Иерусалиме: встаньте, убежим, ибо не будет нам спасения от Авессалома; спешите, чтобы нам уйти, чтоб он не застиг и не захватил нас, и не навел на нас беды и не истребил города мечом. |
| 15 «Ми – тэнад кесйӧгъяс, ӧксыӧй-ыджыдӧй, – шуисны Давидлӧн йӧз. – Кыдзи тэ шуан, сідзи и вӧчам». | 15И сказали слуги царские царю: во всем, что угодно господину нашему царю, мы--рабы твои. |
| 16 Аслас йӧзкӧд да гортсаяскӧд Давид ӧксы муніс Ерусалимысь. Но дас кесйӧг-гӧтырсӧ кольӧдіс сэтчӧ, мед видзӧдасны керка бӧрсяыс. | 16И вышел царь и весь дом его за ним пешком. Оставил же царь десять жен, наложниц своих, для хранения дома. |
| 17 Ӧксы да став сылӧн йӧзыс подӧн петісны карсьыныс. Туяныс сувтыштлісны Бет-Мерхакӧ. | 17И вышел царь и весь народ пешие, и остановились у Беф-Мерхата. |
| 18 Ӧксы водзвывті восьлалӧмӧн мунісны сылӧн кесйӧгъясыс, тшӧтш керетсаяс да пелетсаяс да нӧшта квайтсё морт, кодъяс коркӧ локтісны сыкӧд Гефысь. | 18И все слуги его шли по сторонам его, и все Хелефеи, и все Фелефеи, и все Гефяне до шестисот человек, пришедшие вместе с ним из Гефа, шли впереди царя. |
| 19 Гефса Иттайӧс аддзӧм бӧрын ӧксы юаліс сылысь: «А тэ мыйла миянкӧд мунан? Бӧр бергӧдчы Авессалом ӧксы дінад. Тэ ӧд локтысь морт, ассьыд чужан мутӧ тэныд ӧтчыд ковмис нин эновтны. | 19И сказал царь Еффею Гефянину: зачем и ты идешь с нами? Возвратись и оставайся с тем царем; ибо ты--чужеземец и пришел сюда из своего места; |
| 20 Тӧрыт на сӧмын локтін, а талун бара нин колӧ кытчӧкӧ мунны тэныд. Ме весиг ачым ог тӧд, кытчӧ муна. Босьт аскӧдыд гефса йӧзтӧ да бӧр бергӧдчы. [Господьлӧн] буралӧмыс да веськыдлуныс тэкӧд!» | 20вчера ты пришел, а сегодня я заставлю тебя идти с нами? Я иду, куда случится; возвратись и возврати братьев своих с собою; милость и истину с тобою! |
| 21 Иттай воча шуис: «Ловъя Господь водзын да тэ водзын, ӧксыӧй-ыджыдӧй, кыв сета: кӧні тэ лоан – ловъя либӧ кулӧмыд, – сэні лоа и ме, тэнад кесйӧгыд». | 21И отвечал Еффей царю и сказал: жив Господь, и да живет господин мой царь: где бы ни был господин мой царь, в жизни ли, в смерти ли, там будет и раб твой. |
| 22 Сэки ӧксы шуис Иттайлы: «Сідзкӧ, лок мунам мекӧд». Тадзи Иттай аслас гефса йӧзкӧд став челядьнаныс мунісны Давидкӧд. | 22И сказал Давид Еффею: итак иди и ходи со мною. И пошел Еффей Гефянин и все люди его и все дети, бывшие с ним. |
| 23 Ерусалимын кольӧм йӧзыс видзӧдісны мунысьяс вылӧ да ырзӧмӧн бӧрдісны. Давид аслас йӧзкӧд вуджисны Кедрон ковтыс, сэсся мӧдӧдчисны овтӧминлань. | 23И плакала вся земля громким голосом. И весь народ переходил, и царь перешел поток Кедрон; и пошел весь народ по дороге к пустыне. |
| 24 Накӧд тшӧтш вӧліны Садок [поп] да левитъяс, кодъяс нуисны Енлысь Йитӧд кудсӧ. Левитъяс пуктісны кудсӧ му вылӧ. Авиатар поп сулаліс мыльк вылын, кытчӧдз Давидлӧн став йӧзыс эз петны Ерусалим карысь. | 24Вот и Садок, и все левиты с ним несли ковчег завета Божия из Вефары и поставили ковчег Божий; Авиафар же стоял на возвышении, доколе весь народ не вышел из города. |
| 25 Ӧксы шуис Садоклы: «Бӧр нуӧй Енлысь кудсӧ Ерусалимӧ [мед сійӧ сулалас аслас местаын]. Господь кӧ лоӧ бур сьӧлӧма ме дінӧ, Сійӧ бӧр вайӧдас менӧ да сетас меным аддзыны Ассьыс кудсӧ аслас местаысь. | 25И сказал царь Садоку: возврати ковчег Божий в город. Если я обрету милость пред очами Господа, то Он возвратит меня и даст мне видеть его и жилище его. |
| 26 А шуас кӧ, тэ пӧ Меным абу шогмана, ме дась – мед вӧчас мекӧд, мый кӧсйӧ. | 26А если Он скажет так: `нет Моего благоволения к тебе', то вот я; пусть творит со мною, что Ему благоугодно. |
| 27 Кывзы, Садок, лӧнь сьӧлӧмӧн бӧр бергӧдчы карас. Босьт аскӧдыд Ахимаас питӧ да Авиатарӧс Ионафан пиыскӧд. | 27И сказал царь Садоку священнику: видишь ли, --возвратись в город с миром, и Ахимаас, сын твой, и Ионафан, сын Авиафара, оба сына ваши с вами; |
| 28 Ме кута виччысьны тіянсянь юӧр овтӧминын, Йӧрдан ю вуджанін дорын». | 28видите ли, я помедлю на равнине в пустыне, доколе не придет известие от вас ко мне. |
| 29 Садок да Авиатар бӧр нуисны Енлысь кудсӧ Ерусалимӧ, асьныс тшӧтш кольччисны сэтчӧ. | 29И возвратили Садок и Авиафар ковчег Божий в Иерусалим, и остались там. |
| 30 А Давид кайис Олив керӧсӧ. Кӧмтӧгыс да юрсӧ вевттьӧмӧн сійӧ муніс и бӧрдіс. Сыкӧд мунысь йӧзыс тшӧтш вевттисны юрнысӧ да бӧрдісны. | 30А Давид пошел на гору Елеонскую, шел и плакал; голова у него была покрыта; он шел босой, и все люди, бывшие с ним, покрыли каждый голову свою, шли и плакали. |
| 31 Давидлы юӧртісны, Ахитофел пӧ ӧтувтчӧма Авессаломкӧд. Сэки Давид пондіс кевмысьны: «Господьӧй, [Енмӧй,] вӧч сідзи, мед Ахитофеллӧн шуӧм-вӧзйӧмыс лоӧ мывкыдтӧм вӧзйӧмӧн». | 31Донесли Давиду и сказали: и Ахитофел в числе заговорщиков с Авессаломом. И сказал Давид: Господи! разрушь совет Ахитофела. |
| 32 Кор Давид кайис керӧс йылӧ, кӧні юрбитлісны Енлы, сэні паныдасис сылы Аркиысь Хушай ёртыс. Паськӧмсӧ сійӧ вӧлі косялӧма, а юрсӧ коялӧма муӧн. | 32Когда Давид взошел на вершину горы, где он поклонялся Богу, вот навстречу ему идет Хусий Архитянин, друг Давидов; одежда на нем была разодрана, и прах на голове его. |
| 33 Давид шуис сылы: «Тэ кӧ мекӧд мунан, сӧмын сьӧктӧдан менӧ. | 33И сказал ему Давид: если ты пойдешь со мною, то будешь мне в тягость; |
| 34 Бӧр мун Ерусалимӧ да шу Авессаломлы: ”Ӧксыӧй, [ме аддзылі тэнад войтырлысь да батьыдлысь мунӧмсӧ, но] ме – тэнад кесйӧг. [Эн ви менӧ.] Таӧдз ме кесъялі тэнад батьыдлы, а ӧні ме кута кесъявны тэныд”. Тадзи тэ, Хушай, отсалан меным, вӧчан Ахитофеллысь шуӧм-вӧзйӧмсӧ мывкыдтӧмӧн. | 34но если возвратишься в город и скажешь Авессалому: `царь, я раб твой; доселе я был рабом отца твоего, а теперь я--твой раб': то ты расстроишь для меня совет Ахитофела. |
| 35 Садок да Авиатар попъяс лоасны тэкӧд. Висьтавлы налы ставсӧ, мый кылан ӧксы керкаын. | 35Вот, там с тобою Садок и Авиафар священники, и всякое слово, какое услышишь из дома царя, пересказывай Садоку и Авиафару священникам. |
| 36 Накӧд тшӧтш лоӧны налӧн Ахимаас да Ионафан пиянныс. На пыр ыстӧй меным юӧръяснытӧ». | 36Там с ними и два сына их, Ахимаас, сын Садока, и Ионафан, сын Авиафара; чрез них посылайте ко мне всякое известие, какое услышите. |
| 37 Хушай, Давидлӧн ёртыс, муніс Ерусалимӧ. Буретш сэки Авессалом вӧлі локтӧма сэтчӧ. | 37И пришел Хусий, друг Давида, в город; Авессалом же вступал тогда в Иерусалим. |
Глава 15