Выбрать язык
Книги Ветхого Завета
Книги Нового Завета
без русского текстаЁРДЫСЬЯС | ЁРДЫСЬЯС |
16 юр | Глава 16 |
| 1 Ӧтчыд Самсон локтіс Газа карӧ, аддзис сэні кырсалысь аньӧс да пырис сы ордӧ. | 1Пришел однажды Самсон в Газу и, увидев там блудницу, вошел к ней. |
| 2 Кор Газаын олысьяс тӧдмалісны Самсонлӧн локтӧм йылысь, найӧ кытшалісны карсӧ да виччысисны сылысь петӧмсӧ карса дзиръя дорын. Найӧ войбыд сулалісны сэні. Мӧвпалісны, мый шонді петтӧдз Самсонӧс виасны. | 2Жителям Газы сказали: Самсон пришел сюда. И ходили они кругом, и подстерегали его всю ночь в воротах города, и таились всю ночь, говоря: до света утреннего подождем, и убьем его. |
| 3 Самсон войшӧрӧдзыс узис. Сэсся чеччис да муніс карса дзиръя дорӧ, нетшыштіс дзиръясӧ иганнас да куричнас, пуктіс пельпом вылас да нуис Хеврон карлы воча сулалысь керӧс вылӧ. [Сэтчӧ колис дзиръясӧ.] | 3А Самсон спал до полуночи; в полночь же встав, схватил двери городских ворот с обоими косяками, поднял их вместе с запором, положил на плечи свои и отнес их на вершину горы, которая на пути к Хеврону. |
| 4 Кад мысти Самсонлы мусмис Далида нима ань, коді оліс Сорек ковтысын. | 4После того полюбил он одну женщину, жившую на долине Сорек; имя ей Далида. |
| 5 Ань дінӧ локтісны филистимса юралысьяс да шуисны: «Тэ тӧдмав Самсоныдлысь, кытысь сылӧн ыджыд выныс, и кыдзи сійӧс позьӧ вермыны. Сэсся ми кӧрталам сійӧс, и сійӧ лоас миян киын. Таысь ми быдӧн сетам тэныд сюрс сё сикель эзысь». | 5К ней пришли владельцы Филистимские и говорят ей: уговори его, и выведай, в чем великая сила его и как нам одолеть его, чтобы связать его и усмирить его; а мы дадим тебе за то каждый тысячу сто сиклей серебра. |
| 6 Далида юаліс Самсонлысь: «Висьтав меным, кытысь тэнад ыджыд выныд. Кыдзи тэнӧ позьӧ кӧртавны да вермыны?» | 6И сказала Далида Самсону: скажи мне, в чем великая сила твоя и чем связать тебя, чтобы усмирить тебя? |
| 7 Самсон вочавидзис сылы: «Кӧртавны кӧ менӧ косьмытӧм сизим уль сӧнӧн, сэки ме вынтӧмма да мукӧд йӧзыс кодь лоа». | 7Самсон сказал ей: если свяжут меня семью сырыми тетивами, которые не засушены, то я сделаюсь бессилен и буду как и прочие люди. |
| 8 Филистимса юралысьяс вайисны аньлы косьмытӧм сизим уль сӧн, и Далида кӧрталіс Самсонӧс. | 8И принесли ей владельцы Филистимские семь сырых тетив, которые не засохли, и она связала его ими. |
| 9 Далидалӧн ӧти жырйын пукалісны филистимса кыйӧдчысьяс. Далида шуис: «Самсон, филистимсаяс локтӧны!» Самсон орйӧдліс гартӧм сӧнъяссӧ биӧн сотӧм шӧртӧс моз. Сылысь вынсӧ эз ло тӧдмалӧма. | 9(Между тем один скрытно сидел у нее в спальне.) И сказала ему: Самсон! Филистимляне идут на тебя. Он разорвал тетивы, как разрывают нитку из пакли, когда пережжет ее огонь. И не узнана сила его. |
| 10 Далида шуис Самсонлы: «Тэ менӧ ылӧдлін, менӧ пӧръялін. Висьтав меным, мыйӧн тэнӧ позьӧ кӧртавны». | 10И сказала Далида Самсону: вот, ты обманул меня и говорил мне ложь; скажи же теперь мне, чем связать тебя? |
| 11 Самсон вочавидзис: «Кӧртавны кӧ менӧ выль гезйӧн, мыйӧн эз на вӧдитчывны, сэки ме вынтӧмма да мукӧд йӧзыс кодь лоа». | 11Он сказал ей: если свяжут меня новыми веревками, которые не были в деле, то я сделаюсь бессилен и буду, как прочие люди. |
| 12 Далида босьтіс выль гез, кӧрталіс Самсонӧс да шуис: «Самсон, филистимсаяс локтӧны!» Самсон сунисӧс моз орйӧдліс гезсӧ кисьыс. Та дырйи ӧти жырйын пукалісны филистимса кыйӧдчысьяс. | 12Далида взяла новые веревки и связала его и сказала ему: Самсон! Филистимляне идут на тебя. (Между тем один скрытно сидел в спальне.) И сорвал он их с рук своих, как нитки. |
| 13 Далида шуис Самсонлы: «Тэ менӧ ылӧдлін, менӧ бара пӧръялін. Висьтав, мыйӧн тэнӧ позьӧ кӧртавны». Самсон вочавидзис: «Менсьым сизимнан кӧсаӧс кӧ кыан дӧраӧ да тувъялан кысян стан бердас, сэки ме вынтӧмма [да мукӧд йӧзыс кодь лоа]». | 13И сказала Далида Самсону: все ты обманываешь меня и говоришь мне ложь; скажи мне, чем бы связать тебя? Он сказал ей: если ты воткешь семь кос головы моей в ткань и прибьешь ее гвоздем к ткальной колоде. |
| 14 [Самсон пуктіс юрсӧ Далидалы пидзӧс вылас, и Далида унмовськӧдіс сійӧс.] Самсонлӧн узигкості Далида кыис сылысь сизимнан кӧсасӧ дӧраӧ да тувъяліс кысян стан бердас. Сэсся шуис: «Самсон, филистимсаяс локтӧны!» Самсон садьмис да дӧрасӧ кысян стансьыс нетшыштіс. [Сылысь вынсӧ эз ло тӧдмалӧма.] | 14и прикрепила их к колоде, и сказала ему: Филистимляне идут на тебя, Самсон! Он пробудился от сна своего и выдернул ткальную колоду вместе с тканью. |
| 15 Далида шуис Самсонлы: «Тэ шуан, мый радейтан менӧ, а сьӧлӧмыд абу мекӧд! Тэ куимысь нин ылӧдлін менӧ да эн висьтав меным ыджыд выныд йылысь». | 15И сказала ему Далида: как же ты говоришь: `люблю тебя', а сердце твое не со мною? вот, ты трижды обманул меня, и не сказал мне, в чем великая сила твоя. |
| 16 Быд лун сійӧ дӧзмӧдіс Самсонӧс аслас юасьӧмнас. Самсон жуявтӧдз мудзис | 16И как она словами своими тяготила его всякий день и мучила его, то душе его тяжело стало до смерти. |
| 17 да восьтіс ассьыс гусяторсӧ: «Менсьым юрсиӧс ньӧтчыдысь на эз шырлыны, ӧд мам кынӧмсянь ме Енлы торйӧдӧм назорей. Вундыны кӧ менсьым юрсиӧс, вынӧй бырас. Ме вынтӧмма да мукӧд йӧзыс кодь лоа». | 17И он открыл ей все сердце свое, и сказал ей: бритва не касалась головы моей, ибо я назорей Божий от чрева матери моей; если же остричь меня, то отступит от меня сила моя; я сделаюсь слаб и буду, как прочие люди. |
| 18 Кор Далида гӧгӧрвоис, мый Самсон восьтіс гусяторсӧ, сійӧ мӧдӧдіс корны филистимса юралысьясӧс. Тшӧктіс висьтавны: «Локтӧй. Ӧні Самсон збыльысь восьтіс меным гусяторсӧ». Филистимса юралысьяс локтісны Далида ордӧ да вайисны сылы эзысь. | 18Далида, видя, что он открыл ей все сердце свое, послала и звала владельцев Филистимских, сказав им: идите теперь; он открыл мне все сердце свое. И пришли к ней владельцы Филистимские и принесли серебро в руках своих. |
| 19 Далида унмовськӧдіс Самсонӧс пидзӧс вылас, сэсся корис мортӧс, коді шырис Самсонлысь сизимнан кӧсасӧ. Тадзи Самсонӧс вӧлі вермӧма, и сылӧн выныс бырис. | 19И усыпила его Далида на коленях своих, и призвала человека, и велела ему остричь семь кос головы его. И начал он ослабевать, и отступила от него сила его. |
| 20 Далида шуис: «Самсон, филистимсаяс локтӧны!» Самсон садьмис. Сійӧ мӧвпыштіс, мый воддза мозыс мынтӧдчас наысь. Но сійӧ эз тӧд, мый Господь эновтіс сійӧс. | 20Она сказала: Филистимляне идут на тебя, Самсон! Он пробудился от сна своего, и сказал: пойду, как и прежде, и освобожусь. А не знал, что Господь отступил от него. |
| 21 Филистимсаяс босьтісны Самсонӧс да бытшкисны сылысь кыкнан синсӧ. Сэсся вайӧдісны сійӧс Газа карӧ да кӧрталісны ыргӧн чепъясӧн. Дзескыдінын сылы ковмис изны нянь. | 21Филистимляне взяли его и выкололи ему глаза, привели его в Газу и оковали его двумя медными цепями, и он молол в доме узников. |
| 22 А шырӧм юрсиыс бара кутіс быдмыны. | 22Между тем волосы на голове его начали расти, где они были острижены. |
| 23 Филистимса юралысьяс чукӧртчисны, медым гажӧдчыны да вайны уна вись асланыс Дагон енлы. Найӧ шуалісны, миян енным пӧ сетіс миян киӧ Самсонӧс, вӧрӧгнымӧс. | 23Владельцы Филистимские собрались, чтобы принести великую жертву Дагону, богу своему, и повеселиться, и сказали: бог наш предал Самсона, врага нашего, в руки наши. |
| 24 Самсон вылӧ видзӧдігӧн филистим войтыр ошкис ассьыс енсӧ. Найӧ шуалісны, миян енным пӧ сетіс миян киӧ вӧрӧгнымӧс, коді куштіс мунымӧс да миян пӧвстысь унаӧс виис. | 24Также и народ, видя его, прославлял бога своего, говоря: бог наш предал в руки наши врага нашего и опустошителя земли нашей, который побил многих из нас. |
| 25 Войтырыс ёна гажмис. Найӧ шуисны, вайӧдӧй пӧ Самсонӧс дзескыдінысь, мед сійӧ гажӧдыштас миянӧс. Самсонӧс вайӧдісны, и йӧзыс кутісны тешитчыны сы вылын. Сійӧс сувтӧдісны кык сюръя костӧ. | 25И когда развеселилось сердце их, сказали: позовите Самсона, пусть он позабавит нас. И призвали Самсона из дома узников, и он забавлял их, и поставили его между столбами. |
| 26 Самсон шуис сійӧс киӧдыс нуӧдысь том мортлы: «Матыст менӧ керкасӧ кутысь сюръяяс дорас, медым меным мыджсьыны на вылӧ». [Том морт тадзи и вӧчис.] | 26И сказал Самсон отроку, который водил его за руку: подведи меня, чтобы ощупать мне столбы, на которых утвержден дом, и прислониться к ним. |
| 27 Йӧзыс вӧлі керка тыр: айулов и аньяс, тшӧтш филистим войтырлӧн став юралысьыс. Керка вевт вылас вӧлі нӧшта куим сюрс айлов да ань, кодъяс видзӧдісны Самсон вылын тешитчӧмсӧ. | 27Дом же был полон мужчин и женщин; там были все владельцы Филистимские, и на кровле было до трех тысяч мужчин и женщин, смотревших на забавляющего их Самсона. |
| 28 Самсон шыасис Господь дінӧ: «Господьӧй Ыджыдӧй, эн вунӧд менӧ! Енмӧй, нӧшта ӧтчыдысь сет меным вын, медым ме кыкнан син вӧсна верми водзӧс перйыны филистимсаяслысь». | 28И воззвал Самсон к Господу и сказал: Господи Боже! вспомни меня и укрепи меня только теперь, о Боже! чтобы мне в один раз отмстить Филистимлянам за два глаза мои. |
| 29 Самсон вӧрзьӧдіс керка шӧрын сулалысь кыкнан сюръясӧ, мый вылӧ мыджсис керкаыс. Ӧтар сюръяас сійӧ пыксис веськыд кинас, мӧдарас – шуйганас. | 29И сдвинул Самсон с места два средних столба, на которых утвержден был дом, упершись в них, в один правою рукою своею, а в другой левою. |
| 30 «Мед ме филистимсаяскӧд кула!» – горӧдіс Самсон да кыкнан кинас мый вынсьыс пыксис сюръяясӧ. Керкаыс киссис филистимсаяс да налӧн юралысьяс вылӧ. Кулігас Самсон виис олігас дорысь унджык мортӧс. | 30И сказал Самсон: умри, душа моя, с Филистимлянами! И уперся всею силою, и обрушился дом на владельцев и на весь народ, бывший в нем. И было умерших, которых умертвил Самсон при смерти своей, более, нежели сколько умертвил он в жизни своей. |
| 31 Самсонлӧн вокъясыс став рӧдвужыскӧд локтісны босьтны сылысь шойсӧ. Самсонӧс дзебисны Цора да Эштаол каръяс костӧ, Маной батьыслӧн дзебанінӧ. Израиль войтырлы ёрдысьӧн Самсон вӧлі кызь во. [Самсон бӧрын сувтіс Энанлӧн Эмегар пиыс, коді тшӧтш мездіс Израиль войтырӧс. Сійӧ бырӧдіс филистим войтырысь квайтсё мортӧс да налысь ыж-мӧссӧ.] | 31И пришли братья его и весь дом отца его, и взяли его, и пошли и похоронили его между Цорою и Естаолом, во гробе Маноя, отца его. Он был судьею Израиля двадцать лет. |
Глава 16