Выбрать язык
Книги Ветхого Завета
Книги Нового Завета
без русского текстаЁРДЫСЬЯС | ЁРДЫСЬЯС |
11 юр | Глава 11 |
| 1 Галаадса Еффай вӧлі повтӧм тышкаморт. Сійӧ вӧлі кырсалысь аньлӧн пиыс, а батьыс вӧлі Галаад. | 1Иеффай Галаадитянин был человек храбрый. Он был сын блудницы; от Галаада родился Иеффай. |
| 2 Галаадлӧн гӧтырыс тшӧтш чужтіс сылы пиянӧс. Кор найӧ быдмисны, вӧтлісны Еффайӧс. Найӧ шуисны сылы: «Батьнымлӧн овмӧс-эмбурыс тэныд оз вичмы, ӧд тэ – мӧд аньлӧн пи». | 2И жена Галаадова родила ему сыновей. Когда возмужали сыновья жены, изгнали они Иеффая, сказав ему: ты не наследник в доме отца нашего, потому что ты сын другой женщины. |
| 3 Еффай пышйис вокъяссьыс да овмӧдчис Тов муӧ. Сы дінӧ чукӧртчисны мывкыдтӧм йӧз да ветлӧдлісны сыкӧд. | 3И убежал Иеффай от братьев своих и жил в земле Тов; и собрались к Иеффаю праздные люди и выходили с ним. |
| 4 Недыр мысти аммонсаяс петісны тышӧ Израиль войтырлы паныд. | 4Чрез несколько времени Аммонитяне пошли войною на Израиля. |
| 5 Сэки галаадса юрнуӧдысьяс мунісны, медым корны Еффайӧс бӧр локны Тов муысь. | 5Во время войны Аммонитян с Израильтянами пришли старейшины Галаадские взять Иеффая из земли Тов |
| 6 Найӧ шуисны: «Лок бӧр да нуӧд миянӧс аммон войтырлы паныд тышӧ». | 6и сказали Иеффаю: приди, будь у нас вождем, и сразимся с Аммонитянами. |
| 7 Еффай вочавидзис: «Ті мустӧмтінныд менӧ да вӧтлінныд бать керкаысь. А ӧні, кор тіянлы сьӧкыд лои, ме дінӧ локтінныд». | 7Иеффай сказал старейшинам Галаадским: не вы ли возненавидели меня и выгнали из дома отца моего? зачем же пришли ко мне ныне, когда вы в беде? |
| 8 Галаадса юрнуӧдысьяс шуисны: «Ми локтім корны тэнӧ, медым тэ миянкӧд ӧтвыв петін аммон войтырлы паныд тышӧ. Ми кӧсъям, медым тэ лоан став галаадса олысьяслӧн юралысьнас». | 8Старейшины Галаадские сказали Иеффаю: для того мы теперь пришли к тебе, чтобы ты пошел с нами и сразился с Аммонитянами и был у нас начальником всех жителей Галаадских. |
| 9 Еффай шуис налы: «Шуам, ме бӧр локта да тышкася аммонсаяскӧд. Господь кӧ сетас найӧс менам киӧ, сэки ме лоа юралысьӧн». | 9И сказал Иеффай старейшинам Галаадским: если вы возвратите меня, чтобы сразиться с Аммонитянами, и Господь предаст мне их, то останусь ли я у вас начальником? |
| 10 Галаадса юрнуӧдысьяс вочавидзисны: «Господь кывліс миянлысь сёрнитчӧмнымӧс. Ми тэ ног вӧчам». | 10Старейшины Галаадские сказали Иеффаю: Господь да будет свидетелем между нами, что мы сделаем по слову твоему! |
| 11 Еффай муніс галаадса юрнуӧдысьяскӧд. Войтырыс пуктіс сійӧс юралысьӧ да тышкайӧзӧн веськӧдлысьӧ. Господь водзын Миспаын Еффай мӧдысь висьталіс ассьыс кывъяссӧ. | 11И пошел Иеффай со старейшинами Галаадскими, и народ поставил его над собою начальником и вождем, и Иеффай произнес все слова свои пред лицем Господа в Массифе. |
| 12 Еффай мӧдӧдіс юӧртысьясӧс аммон войтырлӧн ӧксы дінӧ. Найӧ юалісны сылысь: «Мый тэныд месянь колӧ? Мыйла тэ локтін менам муӧ тышкасьнысӧ?» | 12И послал Иеффай послов к царю Аммонитскому сказать: что тебе до меня, что ты пришел ко мне воевать на земле моей? |
| 13 Аммон войтырлӧн ӧксы шуис Еффайлӧн юӧртысьяслы: «Египетысь петӧм бӧрын Израиль войтыр босьтіс менсьым муӧс Арнон юсянь Явок юӧдз да Йӧрдан юӧдз. Бурӧн бӧр сет сійӧс меным [и ме вешъя]». | 13Царь Аммонитский сказал послам Иеффая: Израиль, когда шел из Египта, взял землю мою от Арнона до Иавока и Иордана; итак возврати мне ее с миром. |
| 14 [Еффайлӧн йӧзыс бӧр локтісны сы дінӧ.] Еффай бара мӧдӧдіс юӧртысьясӧс аммонса ӧксы дінӧ, | 14Иеффай в другой раз послал послов к царю Аммонитскому, |
| 15 медым висьтавны сылы: «Со мый висьталӧ Еффай. Израиль войтыр эз мырддьыв моав да аммон войтыръяслысь муяссӧ. | 15сказать ему: так говорит Иеффай: Израиль не взял земли Моавитской и земли Аммонитской; |
| 16 Египетысь петӧм бӧрын Израиль войтыр муніс овтӧминӧд Гӧрд саридзлань да воис Кадешӧ. | 16ибо когда шли из Египта, Израиль пошел в пустыню к Чермному морю и пришел в Кадес; |
| 17 Сэтысянь израильсаяс мӧдӧдісны юӧртысьясӧс эдомса ӧксы дінӧ, медым корны мунны сылӧн муӧд. Но эдомса ӧксы эз лэдз. Моавса ӧксылысь тшӧтш вӧлі корӧма, медым сійӧ лэдзас мунны. Но сійӧ эз лэдз. Та вӧсна Израиль войтыр кольччис Кадешӧ. | 17оттуда послал Израиль послов к царю Едомскому сказать: `позволь мне пройти землею твоею'; но царь Едомский не послушал; и к царю Моавитскому он посылал, но и тот не согласился; посему Израиль оставался в Кадесе. |
| 18 Сэсся войтырыс муніс овтӧминӧд, Эдом да Моав муясӧ эз пырав, но матыстчис Моав му дінӧ асывладорсяньыс. Сэні израильсаяс сувтісны чомъяснаныс Арнон ю бокӧ. Арнон ю вомӧн найӧ эз вуджны да Моав муӧ эз пырны. | 18И пошел пустынею, и миновал землю Едомскую и землю Моавитскую, и, придя к восточному пределу земли Моавитской, расположился станом за Арноном; но не входил в пределы Моавитские, ибо Арнон есть предел Моава. |
| 19 Израильсаяс мӧдӧдісны юӧртысьясӧс аморейяслӧн Сигон ӧксы дінӧ, коді юраліс Хешбонын, да корисны мунны сылӧн муӧд асланыс муас. | 19И послал Израиль послов к Сигону, царю Аморрейскому, царю Есевонскому, и сказал ему Израиль: позволь нам пройти землею твоею в свое место. |
| 20 Но Сигон эз лэдз мунны Израиль войтырлы аслас муӧд. Мӧдарӧ, сійӧ чукӧртіс ассьыс йӧзсӧ, сувтӧдіс найӧс Яхац кар дорӧ да петіс израильсаяслы паныд тышӧ. | 20Но Сигон не согласился пропустить Израиля чрез пределы свои, и собрал Сигон весь народ свой, и расположился станом в Иааце, и сразился с Израилем. |
| 21 Господь, Израильлӧн Ен, сетіс Сигонӧс да сылысь тышкайӧзсӧ израильсаяслӧн киӧ. Тадзи израильсаяс пасьвартісны сэні олысь аморейясӧс да босьтісны аслыныс став налысь мусӧ. | 21И предал Господь Бог Израилев Сигона и весь народ его в руки Израилю, и он побил их; и получил Израиль в наследие всю землю Аморрея, жившего в земле той; |
| 22 Найӧ босьтісны аслыныс аморейяслысь став мусӧ Арнон юсянь Явок юӧдз да овтӧминсянь Йӧрдан юӧдз. | 22и получили они в наследие все пределы Аморрея от Арнона до Иавока и от пустыни до Иордана. |
| 23 Господь, Израильлӧн Ен, вӧтліс аморейясӧс Аслас Израиль войтыр водзысь. А ӧні тэ, аммонса ӧксы, кӧсъян босьтны тайӧ мусӧ аслыд? | 23Итак Господь Бог Израилев изгнал Аморрея от лица народа Своего Израиля, а ты хочешь взять его наследие? |
| 24 Тэнад эм му, мый тэныд сетіс Кемош енмыд. Миян эм му, мый миянлы сетіс Господь, миян Енным. | 24Не владеешь ли ты тем, что дал тебе Хамос, бог твой? И мы владеем всем тем, что дал нам в наследие Господь Бог наш. |
| 25 Тэ ӧмӧй бурджык моавса Валак ӧксыысь, Сеппорлӧн пиысь? Сійӧ эз вензьы да эз пет тышӧ израильсаяслы паныд. | 25Разве ты лучше Валака, сына Сепфорова, царя Моавитского? Ссорился ли он с Израилем, или воевал ли с ними? |
| 26 Куимсё во нин Израиль войтыр олӧ Хешбон да Ароэр каръясын да нагӧгӧрса сиктъясын, тшӧтш Арнон ю бокын сулалысь каръясын. Мыйла нӧ ті водзынджыксӧ энӧ босьтӧй найӧс аслыныд? | 26Израиль уже живет триста лет в Есевоне и в зависящих от него городах, в Ароере и зависящих от него городах, и во всех городах, которые близ Арнона; для чего вы в то время не отнимали их? |
| 27 Тэ водзын ме абу мыжа. Лёксӧ вӧчин тэ, кор петін тышӧ меным паныд. Господь – Ёрдысьыс. Сійӧ мед Ачыс талун лоас Израиль пиян да аммонсаяс костын ёрдысьнас!» | 27А я не виновен пред тобою, и ты делаешь мне зло, выступив против меня войною. Господь Судия да будет ныне судьею между сынами Израиля и между Аммонитянами! |
| 28 Но аммонса ӧксы эз кывзы Еффайлысь кывъяссӧ. | 28Но царь Аммонитский не послушал слов Иеффая, с которыми он посылал к нему. |
| 29 Господьлӧн Лов лэччис Еффай вылӧ. Еффай вуджис Галаад да Манассей муяс. Сэсся бӧр бергӧдчис Галаад муӧ Мицфе карӧ да сэтысянь петіс аммонсаяслы паныд тышӧ. | 29И был на Иеффае Дух Господень, и прошел он Галаад и Манассию, и прошел Массифу Галаадскую, и из Массифы Галаадской пошел к Аммонитянам. |
| 30 Еффай кыв сетіс Господьлы: «Тэ кӧ сетан менам киӧ аммонсаясӧс, | 30И дал Иеффай обет Господу и сказал: если Ты предашь Аммонитян в руки мои, |
| 31 сэки найӧс вермӧм бӧрын гортӧ локтігам ме сета Тэныд сійӧс, коді менам керкаысь медводдзаӧн петас меным воча. Сійӧс ме вая Тэныд сотан вись пыдди». | 31то по возвращении моем с миром от Аммонитян, что выйдет из ворот дома моего навстречу мне, будет Господу, и вознесу сие на всесожжение. |
| 32 Еффай тышкасис аммонсаяскӧд, и Господь сетіс найӧс сылӧн киӧ. | 32И пришел Иеффай к Аммонитянам--сразиться с ними, и предал их Господь в руки его; |
| 33 Еффай пасьвартіс аммонсаясӧс. Ароэр карсянь Миннит да Авел-Керамим каръясӧдз сійӧ бырӧдіс кызь кар. Тадзи Израиль пиян вермисны аммонсаясӧс. | 33и поразил их поражением весьма великим, от Ароера до Минифа двадцать городов, и до Авель-Керамима, и смирились Аммонитяне пред сынами Израилевыми. |
| 34 Еффай бӧр локтіс гортас Миспаӧ. Тимпанӧн ворсӧмӧн да йӧктӧмӧн Еффайӧс вочааліс сылӧн ӧтка нылыс. Мӧд ныв-пиыс сылӧн эз вӧв. | 34И пришел Иеффай в Массифу в дом свой, и вот, дочь его выходит навстречу ему с тимпанами и ликами: она была у него только одна, и не было у него еще ни сына, ни дочери. |
| 35 Нывсӧ аддзӧм бӧрын Еффай косяліс паськӧмсӧ да горӧдіс: «Нылӧй, тэ уськӧдін менӧ кок йывсьым! Тэ шог вайин меным! Ме кыв сеті Господьлы, и бӧрсӧ босьтны ме ог вермы». | 35Когда он увидел ее, разодрал одежду свою и сказал: ах, дочь моя! ты сразила меня; и ты в числе нарушителей покоя моего! я отверз о тебе уста мои пред Господом и не могу отречься. |
| 36 Сійӧ вочавидзис: «Батьӧй, тэ кӧ кыв сетін Господьлы, вӧч мекӧд, мый кӧсйысин. Ӧд Господь сетіс тэныд водзӧс перйыны тэнад вӧрӧглысь, аммонсаяслысь. | 36Она сказала ему: отец мой! ты отверз уста твои пред Господом--и делай со мною то, что произнесли уста твои, когда Господь совершил чрез тебя отмщение врагам твоим Аммонитянам. |
| 37 Сӧмын кора, лэдзлы менӧ кык тӧлысь кежлӧ. Ме муна нывъёртъяскӧд керӧс вылӧ бӧрдны, мый некор верӧс сайӧ ог пет». | 37И сказала отцу своему: сделай мне только вот что: отпусти меня на два месяца; я пойду, взойду на горы и оплачу девство мое с подругами моими. |
| 38 Батьыс вочавидзис: «Мун». Батьыс лэдзис сійӧс кык тӧлысь кежлӧ. Сійӧ муніс нывъёртъясыскӧд керӧс вылӧ да бӧрдіс, мый нылӧн кувны ковмас. | 38Он сказал: пойди. И отпустил ее на два месяца. Она пошла с подругами своими и оплакивала девство свое в горах. |
| 39 Кык тӧлысь кольӧм бӧрын ныв локтіс батьыс ордӧ. Батьыс збыльмӧдіс Господьлы кыв сетӧмсӧ, и нылыс куліс, верӧс сайӧ эз мунлы. Тайӧ кадсяньыс Израиль войтыр пӧвстын | 39По прошествии двух месяцев она возвратилась к отцу своему, и он совершил над нею обет свой, который дал, и она не познала мужа. И вошло в обычай у Израиля, |
| 40 быд во нёль лун кежлӧ израильса нывъяс мунӧны сьывны галаадса Еффайлӧн ныв йылысь сьыланкывъяс. | 40что ежегодно дочери Израилевы ходили оплакивать дочь Иеффая Галаадитянина, четыре дня в году. |
Глава 11