Выбрать язык
Книги Ветхого Завета
Книги Нового Завета
без русского текстаНАВ ИСУС | Книга Иисуса Навина |
22 юр | Глава 22 |
| 1 Исус чукӧртіс Рувим да Гад чужанкотыръясӧс да Манассейлысь джын чужанкотырсӧ и шуис налы: | 1Тогда Иисус призвал колено Рувимово, Гадово и половину колена Манассиина и сказал им: |
| 2 «Ті вӧчинныд ставсӧ, мый тшӧктіс тіянлы Мӧисей, Господьлӧн кесйӧг. Менсьым ті тшӧтш кывзысинныд. | 2вы исполнили всё, что повелел вам Моисей, раб Господень, и слушались слов моих во всем, что я приказывал вам; |
| 3 Став тайӧ кад чӧжыс ті энӧ кольӧй вокъяснытӧ, тайӧ лунӧдз вӧчинныд, кыдзи тшӧктіс тіянлы Господь, тіян Енныд. | 3вы не оставляли братьев своих в продолжение многих дней до сего дня и исполнили, что надлежало исполнить по повелению Господа, Бога вашего: |
| 4 Ӧні Господь, тіян Енныд, Аслас кӧсйысьӧм серти сетіс вокъясныдлы лӧнь олӧм. Та вӧсна ті верманныд бӧр мунны асланыд оланінӧ, асланыд муӧ, мый Йӧрдан ю сайысь сетіс тіянлы Мӧисей, Господьлӧн кесйӧг. | 4ныне Господь, Бог ваш, успокоил братьев ваших, как говорил им; итак возвратитесь и пойдите в шатры ваши, в землю вашего владения, которую дал вам Моисей, раб Господень, за Иорданом; |
| 5 Сӧмын олӧй Индӧд серти, мый тіянлы юӧртіс Мӧисей, Господьлӧн кесйӧг. Радейтӧй Господьӧс, ассьыныд Ентӧ, ветлӧй Сылӧн туйясӧд, олӧй Сылӧн тшӧктӧмъяс серти, кутчысьӧй Сы дінӧ да кесъялӧй Сылы став сьӧлӧмнад да став олӧмнад». | 5только старайтесь тщательно исполнять заповеди и закон, который завещал вам Моисей, раб Господень: любить Господа Бога вашего, ходить всеми путями Его, хранить заповеди Его, прилепляться к Нему и служить Ему всем сердцем вашим и всею душею вашею. |
| 6 Исус бурсиис найӧс да лэдзис мунны. И найӧ муналісны асланыс оланінъясӧ. | 6Потом Иисус благословил их и отпустил их, и они разошлись по шатрам своим. |
| 7 Манассейлӧн джын чужанкотырлы Мӧисей сетіс мусӧ Васанысь, а мӧд джыныслы мусӧ Исус сетіс Йӧрдан ю рытыввылысь вокъясыскӧд орччӧн. Кор Исус бурсиӧмӧн лэдзис мунысьясӧс, | 7Одной половине колена Манассиина дал Моисей удел в Васане, а другой половине его дал Иисус удел с братьями его по эту сторону Иордана к западу. И когда отпускал их Иисус в шатры их и благословил их, |
| 8 сійӧ шуис налы: «Ыджыд озырлунӧн ті мунанныд асланыд гортӧ. Ӧні тіян эм унасьыс-уна ыж-мӧс, эзысь-зарни, кӧрт-ыргӧн да паськӧм. Вӧрӧглысь тышын босьтӧм эмбурнас юксьӧй вокъясныдкӧд». | 8то сказал им: с великим богатством возвращаетесь вы в шатры ваши, с великим множеством скота, с серебром, с золотом, с медью и с железом, и с великим множеством одежд; разделите же добычу, взятую у врагов ваших, с братьями своими. |
| 9 Рувим да Гад чужанкотыръяс да Манассейлӧн джын чужанкотырыс петісны Израиль войтыр дінысь Силомысь, Ханаан муысь. Найӧ мунісны гортаныс Галаад муӧ, мый найӧ босьтісны аслыныс, кыдзи Господь тшӧктіс Мӧисей пыр. | 9И возвратились, и пошли сыны Рувимовы и сыны Гадовы и половина колена Манассиина от сынов Израилевых из Силома, который в земле Ханаанской, чтоб идти в землю Галаад, в землю своего владения, которую получили во владение по повелению Господню, данному чрез Моисея. |
| 10 Рувим да Гад чужанкотыръяс да Манассейлӧн джын чужанкотырыс воисны Йӧрдан ю дорӧ. Сэтчӧ, Ханаан муӧ, найӧ лэптісны ыджыд висьпуктанін. | 10Придя в окрестности Иордана, что в земле Ханаанской, сыны Рувимовы и сыны Гадовы и половина колена Манассиина соорудили там подле Иордана жертвенник, жертвенник большой по виду. |
| 11 Мукӧд Израиль пиянлы кывсис, мый Рувим да Гад чужанкотыръяс да Манассейлӧн джын чужанкотырыс Ханаан муын израильсаяслӧн оланінӧ Йӧрдан ю бокӧ лэптӧмаӧсь висьпуктанін. | 11И услышали сыны Израилевы, что говорят: вот, сыны Рувимовы и сыны Гадовы и половина колена Манассиина соорудили жертвенник на земле Ханаанской, в окрестностях Иордана, напротив сынов Израилевых. |
| 12 Сэки Израиль пиян чукӧртчисны Силомӧ, медым петны тышӧ. | 12Когда услышали сие сыны Израилевы, то собралось все общество сынов Израилевых в Силом, чтоб идти против них войною. |
| 13 Найӧ мӧдӧдісны Рувим да Гад чужанкотыръяс да Манассейлӧн джын чужанкотырыс дінӧ Галаад муӧ Элазар поплысь Пинес писӧ. | 13Впрочем сыны Израилевы прежде послали к сынам Рувимовым и к сынам Гадовым и к половине колена Манассиина в землю Галаадскую Финееса, сына Елеазара, священника, |
| 14 Сыкӧд мӧдӧдісны дас юралысьӧс, быд чужанкотырысь ӧтиӧс. Ставныс найӧ вӧліны рӧдкутысьяс. | 14и с ним десять начальников, по начальнику поколения от всех колен Израилевых; каждый из них был начальником поколения в тысячах Израилевых. |
| 15 Найӧ воисны Рувим да Гад чужанкотыръяс да Манассейлӧн джын чужанкотырыс дінӧ Галаад муӧ да шуисны налы: | 15И пришли они к сынам Рувимовым и к сынам Гадовым и к половине колена Манассиина в землю Галаад и говорили им и сказали: |
| 16 «Господьлӧн став войтырыс юасьӧ, мыйла ті эновтінныд [Господьӧс] Израильлысь Енсӧ. Ті бергӧдчинныд Господьысь [Израильлӧн Енмысь], кор вӧчинныд аслыныд висьпуктанін. Тадзи ті кыпӧдчинныд Господьлы паныд. | 16так говорит все общество Господне: что это за преступление сделали вы пред Богом Израилевым, отступив ныне от Господа, соорудив себе жертвенник и восстав ныне против Господа? |
| 17 Этша на ӧмӧй сійӧ мыжыс, мый ми Пеор идоллы юрбитім?*а Та вӧсна Господьлысь войтырсӧ суис бырӧдӧм. Ӧнія лунӧдз ми эгӧ сӧстӧммӧй тайӧ мыжсьыс. | 17Разве мало для нас беззакония Фегорова, от которого мы не очистились до сего дня и за которое поражено было общество Господне? |
| 18 Талун ті бергӧдчинныд Господьысь да кыпӧдчинныд Сылы паныд, а аски Господь скӧрмас став Израиль войтыр вылӧ. | 18А вы отступаете сегодня от Господа! Сегодня вы восстаете против Господа, а завтра прогневается Господь на все общество Израилево; |
| 19 Ті кӧ чайтанныд, мый муыс, кытчӧ ті овмӧдчинныд, пеж, сідзкӧ, вуджӧй Господьлӧн муӧ, кӧні сулалӧ Господьлӧн вежа чомйыс, да миян пӧвстысь босьтӧй аслыныд му юкӧнсӧ. Но энӧ кыпӧдчӧй Господьлы да миянлы паныд. Миян Господь Енлӧн висьпуктанінысь ӧтдор энӧ лӧсьӧдӧй аслыныд мӧд висьпуктанін. | 19если же земля вашего владения кажется вам нечистою, то перейдите в землю владения Господня, в которой находится скиния Господня, возьмите удел среди нас, но не восставайте против Господа и против нас не восставайте, сооружая себе жертвенник, кроме жертвенника Господа, Бога нашего; |
| 20 Ӧд кор Зерахлӧн Акан пиыс торкис Господьлы сиӧмтор йылысь тшӧктӧм, сэки став Израиль войтыр вылӧ лэччис Господьлӧн скӧрлуныс. Аслас мыж вӧсна эз ӧтнас Акан кув». | 20не один ли Ахан, сын Зары, сделал преступление, взяв из заклятого, а гнев был на все общество Израилево? не один он умер за свое беззаконие. |
| 21 Рувим да Гад чужанкотыръяс да Манассейлӧн джын чужанкотырыс вочавидзисны израильса рӧдкутысьяслы: | 21Сыны Рувимовы и сыны Гадовы и половина колена Манассиина в ответ на сие говорили начальникам тысяч Израилевых: |
| 22 «Господь – енъяслӧн Ен! Господь, енъяслӧн Ен тӧдӧ, и Израиль мед тӧдас. Ми кӧ Господьлы паныд кыпӧдчам да эновтам Сійӧс, мед Сійӧ талун бырӧдас миянӧс. | 22Бог богов Господь, Бог богов Господь, Он знает, и Израиль да знает! Если мы восстаем и отступаем от Господа, то да не пощадит нас Господь в сей день! |
| 23 Господь мед Ачыс водзӧс перъяс миянлысь, ми кӧ кежим Сыысь да вӧчим висьпуктанінсӧ сотан вись, нянь вись да бурасян вись вайӧм могысь. | 23Если мы соорудили жертвенник для того, чтоб отступить от Господа, и для того, чтобы приносить на нем всесожжение и приношение хлебное и чтобы совершать на нем жертвы мирные, то да взыщет Сам Господь! |
| 24 Ми лэптім висьпуктанінсӧ, ӧд полам, мый тіянсянь чужысьяс коркӧ шуасны миянсянь чужысьяслы: ”Мый тіянлы колӧ Господьсянь, Израильлӧн Енсянь! | 24Но мы сделали сие по опасению того, чтобы в последующее время не сказали ваши сыны нашим сынам: `что вам до Господа Бога Израилева! |
| 25 Йӧрдан юӧн Господь торйӧдіс миянӧс Рувим да Гад чужанкотыръясысь. Господь абу тіян Ен”. Татшӧм кывъяс вӧсна вермас лоны, мый миянсянь чужысьяс дугдасны пыдди пуктыны Господьӧс. | 25Господь поставил пределом между нами и вами, сыны Рувимовы и сыны Гадовы, Иордан: нет вам части в Господе'. Таким образом ваши сыны не допустили бы наших сынов чтить Господа. |
| 26 Дзик та вӧсна ми шуим лэптыны висьпуктанін, а эгӧ сы могысь, медым вайны сэні сотан висьяс да мукӧд висьяс. | 26Поэтому мы сказали: соорудим себе жертвенник не для всесожжения и не для жертв, |
| 27 Мед тайӧ висьпуктаніныс лоӧ пасӧн миян да тіян костын, тшӧтш миянсянь да тіянсянь чужысьяс костын сы йылысь, мый ми кесъялам Господьлы да сӧмын Сы водзӧ ваям сотан висьяс, бурасян висьяс да мукӧд висьяс. Сэки тіянсянь чужысьяс оз шуны миянсянь чужысьяслы, Господь пӧ абу тіян Ен. | 27но чтобы он между нами и вами, между последующими родами нашими, был свидетелем, что мы можем служить Господу всесожжениями нашими и жертвами нашими и благодарениями нашими, и чтобы в последующее время не сказали ваши сыны сынам нашим: `нет вам части в Господе'. |
| 28 Ми шуим, мый тайӧ кывъяссӧ кӧ локтана кадӧ шуасны миянлы да миянсянь чужысьяслы, сэки ми вочавидзам: ”Видзӧдӧй, со Господьлӧн висьпуктанін сямаӧс вӧчӧма. Сійӧс лэптісны миян батьяс, эз сотан вись да мукӧд вись вайӧм могысь, но медым тіян да миян костын [да миянсянь чужысьяс костын] сійӧ вӧлі пасӧн”. | 28Мы говорили: если скажут так нам и родам нашим в последующее время, то мы скажем: видите подобие жертвенника Господа, которое сделали отцы наши не для всесожжения и не для жертвы, но чтобы это было свидетелем между нами и вами. |
| 29 Мед эськӧ оз ло сідзи, мый ми кыпӧдчам Господьлы паныд, кежам Сыысь да асланым Господь Енлӧн вежа чом водзын сулалысь висьпуктанінысь ӧтдор сувтӧдам мӧд висьпуктанін, кӧні кутам вайны сотан висьяс, нянь висьяс да мукӧд висьяс». | 29Да не будет этого, чтобы восстать нам против Господа и отступить ныне от Господа, и соорудить жертвенник для всесожжения и для приношения хлебного и для жертв, кроме жертвенника Господа Бога нашего, который пред скиниею Его. |
| 30 Пинес поп, сыкӧд локтысь войтырлӧн юралысьяс да израильса рӧдкутысьяс кор кылісны Рувимсянь, Гадсянь да Манассейсянь чужысьяслысь кывъяссӧ, шуисны, бур пӧ. | 30Финеес священник, начальники общества и головы тысяч Израилевых, которые были с ним, услышав слова, которые говорили сыны Рувимовы и сыны Гадовы и сыны Манассиины, одобрили их. |
| 31 Пинес поп, Элазарлӧн пиыс, шуис Рувимсянь, Гадсянь да Манассейсянь чужысьяслы: «Талун ми тӧдмалім, мый Господь миянкӧд, и ті энӧ эновтӧй Господьӧс. Сідзкӧ, Господь оз кут мыждыны Израиль войтырӧс». | 31И сказал Финеес, сын Елеазара, священник, сынам Рувимовым и сынам Гадовым и сынам Манассииным: сегодня мы узнали, что Господь среди нас, что вы не сделали пред Господом преступления сего; теперь вы избавили сынов Израиля от руки Господней. |
| 32 Пинес поп да юралысьяс бӧр локтісны Ханаан муӧ Галаад муысь, Рувим да Гад чужанкотыръяс дінысь [да Манассейлӧн джын чужанкотыр дінысь], да вайисны Израиль пиянлы юӧр. | 32И возвратился Финеес, сын Елеазара, священник, и начальники от сынов Рувимовых и от сынов Гадовых в землю Ханаанскую к сынам Израилевым и принесли им ответ. |
| 33 Израиль пиянлы тайӧ вӧлі бур. Найӧ ошкисны Енмӧс, а эз петны тышӧ, медым бырӧдны Рувим да Гад чужанкотыръяслысь [да Манассейлӧн джын чужанкотырлысь] каръяссӧ. | 33И сыны Израилевы одобрили это, и благословили сыны Израилевы Бога и отложили идти против них войною, чтобы разорить землю, на которой жили сыны Рувимовы и сыны Гадовы. |
| 34 Рувим да Гад чужанкотыръяс [да Манассейлӧн джын чужанкотырыс] висьпуктанінсӧ нимтісны Эдӧн, ӧд шуисны, мый тайӧ висьпуктаніныс лои миян костын пасӧн сы йылысь, мый Господь эм Ен. | 34И назвали сыны Рувимовы и сыны Гадовы жертвенник: Ед, потому что, сказали они, он свидетель между нами, что Господь есть Бог наш. |
Глава 22