Выбрать язык
Книги Ветхого Завета
Книги Нового Завета
без русского текстаМöисейлöн витöд небöгИНДÖД | Пятая книга Моисеева. Второзаконие |
28 юр | Глава 28 |
| 1 «[Йӧрдан ю сайӧ, Господьӧн, тіян Енмӧн, сетӧм муӧ вуджӧм бӧрын] ті кӧ кутанныд кывзысьны Господьлысь, асланыд Енлысь, да овны Сылӧн став тшӧктӧмыс серти, мый талун висьтала тіянлы, сэки Господь, тіян Енныд, кыпӧдас тіянӧс мувывса став мукӧд войтырысь медвылӧ. | 1Если ты, когда перейдете за Иордан, будешь слушать гласа Господа Бога твоего, тщательно исполнять все заповеди Его, которые заповедую тебе сегодня, то Господь Бог твой поставит тебя выше всех народов земли; |
| 2 Став тайӧ бурсиӧмыс локтас тіян вылӧ, кутанныд кӧ кывзысьны Господьлысь, асланыд Енлысь. | 2и придут на тебя все благословения сии и исполнятся на тебе, если будешь слушать гласа Господа, Бога твоего. |
| 3 Бурсиӧма тэнӧ карын да видз-му вылын. | 3Благословен ты в городе и благословен на поле. |
| 4 Бурсиӧма тэнсьыд ныв-питӧ, мувыв быдтас-вотӧстӧ, мӧсъясыдлысь куканьяссӧ да ыжъясыдлысь баляяссӧ. | 4Благословен плод чрева твоего, и плод земли твоей, и плод скота твоего, и плод твоих волов, и плод овец твоих. |
| 5 Бурсиӧма тэнсьыд нянь йӧртӧдтӧ да нянь шомӧстӧ. | 5Благословенны житницы твои и кладовые твои. |
| 6 Бурсиӧма тэнӧ гортад локтігӧн и гортсьыд мунігӧн. | 6Благословен ты при входе твоем и благословен ты при выходе твоем. |
| 7 Господь сетас тіянлы вермыны вӧрӧгнытӧ, кодъяс сувтасны тіянлы паныд. Найӧ локтасны ӧти туйӧд, а пышъясны тіянысь сизимлаӧд. | 7Поразит пред тобою Господь врагов твоих, восстающих на тебя; одним путем они выступят против тебя, а семью путями побегут от тебя. |
| 8 Господь бурсиас тіянӧс да тіянлысь нянь йӧртӧднытӧ. Господь, тіян Енныд, бурсиас тіянӧс быд уджын сійӧ муас, мый сетас тіянлы. | 8Пошлет Господь тебе благословение в житницах твоих и во всяком деле рук твоих; и благословит тебя на земле, которую Господь Бог твой дает тебе. |
| 9 Господь [тіян Енныд] вӧчас тіянӧс Аслас вежа войтырӧн, ті кӧ кутанныд овны асланыд Господь Енлӧн тшӧктӧмъяс серти да ветлыны Сылӧн туйясӧд. Ӧд та йылысь Сійӧ кыв сетіс тіянлы [да батьясныдлы]. | 9Поставит тебя Господь народом святым Своим, как Он клялся тебе, если ты будешь соблюдать заповеди Господа Бога твоего и будешь ходить путями Его; |
| 10 Мувывса войтыръяс аддзасны, мый ті Господьлӧн [тіян Енлӧн] войтыр, да кутасны повны тіянысь. | 10и увидят все народы земли, что имя Господа нарицается на тебе, и убоятся тебя. |
| 11 Господь [тіян Енныд] быдторйын озырмӧдас тіянӧс. Тіян лоӧ уна ныв-пи, ыж-мӧс да мувыв быдтас-вотӧс сійӧ муас, мый Господь батьясныдлы кыв сетӧмӧн кӧсйысис сетны тіянлы. | 11И даст тебе Господь изобилие во всех благах, в плоде чрева твоего, и в плоде скота твоего, и в плоде полей твоих на земле, которую Господь клялся отцам твоим дать тебе. |
| 12 Господь восьтас тіянлы Ассьыс енэжвывса озырлун видзанінсӧ, медым ас кадӧ мӧдӧдны тіян му вылӧ зэр да бурсины тіянлысь став уджнытӧ. Ті верманныд уна войтырлы уджйӧзӧн сетны, но водзӧсӧн онӧ кутӧй босьтны. [Ті кутанныд ыджыдавны войтыръяс вылын, но тіян вылын найӧ оз кутны ыджыдавны.] | 12Откроет тебе Господь добрую сокровищницу Свою, небо, чтоб оно давало дождь земле твоей во время свое, и чтобы благословлять все дела рук твоих: и будешь давать взаймы многим народам, а сам не будешь брать взаймы. |
| 13 Господь [тіян Енныд] вӧчас тіянӧс юрӧн, а оз бӧжӧн. Тіянӧс вылӧ кыпӧдасны, а оз увтыртны, кутанныд кӧ кывзысьны Господьлысь, асланыд Енлысь, да овны Сылӧн тшӧктӧмъяс серти, мый талун висьтала тіянлы, | 13Сделает тебя Господь главою, а не хвостом, и будешь только на высоте, а не будешь внизу, если будешь повиноваться заповедям Господа Бога твоего, которые заповедую тебе сегодня хранить и исполнять, |
| 14 да онӧ кӧ кежӧй веськыдвылӧ ни шуйгавылӧ тайӧ тшӧктӧмъяссьыс, мый талун висьтала тіянлы. Энӧ юрбитӧй-кесъялӧй мукӧд енъяслы». | 14и не отступишь от всех слов, которые заповедую вам сегодня, ни направо ни налево, чтобы пойти вслед иных богов и служить им. |
| 15 «Став тайӧ ёрӧмыс локтас тіян вылӧ, онӧ кӧ кутӧй кывзысьны Господьлысь, асланыд Енлысь, да овны Сылӧн став индӧд-тшӧктӧмыс серти, мый талун висьтала тіянлы. | 15Если же не будешь слушать гласа Господа Бога твоего и не будешь стараться исполнять все заповеди Его и постановления Его, которые я заповедую тебе сегодня, то придут на тебя все проклятия сии и постигнут тебя. |
| 16 Ёрӧма тэнӧ карын да видз-му вылын. | 16Проклят ты будешь в городе и проклят ты будешь на поле. |
| 17 Ёрӧма тэнсьыд нянь йӧртӧдтӧ да нянь шомӧстӧ. | 17Прокляты будут житницы твои и кладовые твои. |
| 18 Ёрӧма тэнсьыд ныв-питӧ, мувыв быдтас-вотӧстӧ, мӧсъясыдлысь куканьяссӧ да ыжъясыдлысь баляяссӧ. | 18Проклят будет плод чрева твоего и плод земли твоей, плод твоих волов и плод овец твоих. |
| 19 Ёрӧма тэнӧ гортад локтігӧн и гортсьыд мунігӧн. | 19Проклят ты будешь при входе твоем и проклят при выходе твоем. |
| 20 Господь мӧдӧдас тіян вылӧ ёрӧм, шызьӧм да шӧйӧвошӧм быдторйын, кытчӧдз тіянӧс оз ло бырӧдӧма. Ті куланныд лёк вӧчӧмныд вӧсна, ӧд эновтінныд Господьӧс. | 20Пошлет Господь на тебя проклятие, смятение и несчастье во всяком деле рук твоих, какое ни станешь ты делать, доколе не будешь истреблен, --и ты скоро погибнешь за злые дела твои, за то, что ты оставил Меня. |
| 21 Господь мӧдӧдас тіян вылӧ пӧрӧс висьӧм, и ті быранныд сійӧ му вывсьыс, кытчӧ ті мунанныд сійӧс босьтӧм могысь. | 21Пошлет Господь на тебя моровую язву, доколе не истребит Он тебя с земли, в которую ты идешь, чтобы владеть ею. |
| 22 Господь мӧдӧдас тіян вылӧ вир-яй косьмӧм, биа висьӧм да кынтан висьӧм. Сійӧ мӧдӧдас кос жар, сотысь тӧвруӧн да висьӧмӧн бырӧдас тіян видз-му вылысь няньнытӧ. Став тайӧ шогыс суас тіянӧс, кытчӧдз онӧ кулӧй-бырӧй. | 22Поразит тебя Господь чахлостью, горячкою, лихорадкою, воспалением, засухою, палящим ветром и ржавчиною, и они будут преследовать тебя, доколе не погибнешь. |
| 23 Енэжыс юр весьтаныд лоӧ ыргӧн вевт кодь, муыс кок уланыд – кӧрт кодь. | 23И небеса твои, которые над головою твоею, сделаются медью, и земля под тобою железом; |
| 24 Зэр пыдди Господь ыстас тіян му вылӧ бус. Енэжсянь тіян вылӧ киссяс бус, [кытчӧдз Господь оз бырӧд тіянӧс, и] кытчӧдз ті онӧ кулӧй. | 24вместо дождя Господь даст земле твоей пыль, и прах с неба будет падать, падать на тебя, доколе не будешь истреблен. |
| 25 Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд. | 25Предаст тебя Господь на поражение врагам твоим; одним путем выступишь против них, а семью путями побежишь от них; и будешь рассеян по всем царствам земли. |
| 26 Шойяснытӧ кутасны сёйны кутшъяс да зверъяс, и некод найӧс оз вӧтлав. | 26И будут трупы твои пищею всем птицам небесным и зверям, и не будет отгоняющего их. |
| 27 Египетсаяс вылӧ моз Господь мӧдӧдас тіян вылӧ орзьӧм мыльяс, пыкӧс, лӧмӧссьӧм да лудӧм, и наысь ті онӧ бурдӧй. | 27Поразит тебя Господь проказою Египетскою, почечуем, коростою и чесоткою, от которых ты не возможешь исцелиться; |
| 28 Господь синтӧммӧдас да йӧймӧдас-дурмӧдас тіянӧс. | 28поразит тебя Господь сумасшествием, слепотою и оцепенением сердца. |
| 29 Луншӧрнас ті кутанныд ветлӧдлыны кималасӧн, кыдзи синтӧм ветлӧдлӧ пемыдас. Тіян нинӧм оз кут артмыны. Лунысь-лун тіянӧс кутасны увтыртны да дзескӧдны, и тіянӧс некод оз дорйы. | 29И ты будешь ощупью ходить в полдень, как слепой ощупью ходит впотьмах, и не будешь иметь успеха в путях твоих, и будут теснить и обижать тебя всякий день, и никто не защитит тебя. |
| 30 Тэ кикутан, но гӧтырпуыдкӧд мӧд узяс. Лэптан керка, но сэтчӧ он овмӧдчы. Виноград пуктан, но вотӧссӧ сэтысь он босьт. | 30С женою обручишься, и другой будет спать с нею; дом построишь, и не будешь жить в нем; виноградник насадишь, и не будешь пользоваться им. |
| 31 Тэнсьыд ӧштӧ син водзад начкасны, но яйсӧ он сёй. Осёлтӧ мырддясны да бӧрсӧ оз сетны. Ыжъястӧ вӧрӧгыд босьтас, но тэнӧ некод оз дорйы. | 31Вола твоего заколют в глазах твоих, и не будешь есть его; осла твоего уведут от тебя и не возвратят тебе; овцы твои отданы будут врагам твоим, и никто не защитит тебя. |
| 32 Ныв-пиыд шедас мукӧд войтырлӧн киӧ, и тэ нинӧм он вермы вӧчны. Найӧс лунысь-лун виччысьӧмысь синмыд чусмас. | 32Сыновья твои и дочери твои будут отданы другому народу; глаза твои будут видеть и всякий день истаевать о них, и не будет силы в руках твоих. |
| 33 Тӧдтӧм войтыр кутас сёйны тэнсьыд мувыв быдтас-вотӧстӧ, сёяс ставсӧ, мый чукӧртін. Став олӧм чӧжныд ті лоанныд дзескӧдӧм да нартитӧм улынӧсь. | 33Плоды земли твоей и все труды твои будет есть народ, которого ты не знал; и ты будешь только притесняем и мучим во все дни. |
| 34 Ставсӧ тайӧс аддзӧмысь воштанныд вежӧрнытӧ. | 34И сойдешь с ума от того, что будут видеть глаза твои. |
| 35 Орзьӧм мыльяс петаласны пидзӧс да кокчӧр выланыд, юр пыдӧссяньныд кок чунь йылӧдзныд ті мылльӧссянныд. Татшӧм висьӧмӧн Господь дойдас тіянӧс, и ті онӧ бурдӧй. | 35Поразит тебя Господь злою проказою на коленях и голенях, от которой ты не возможешь исцелиться, от подошвы ноги твоей до самого темени головы твоей. |
| 36 Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы. | 36Отведет Господь тебя и царя твоего, которого ты поставишь над собою, к народу, которого не знал ни ты, ни отцы твои, и там будешь служить иным богам, деревянным и каменным; |
| 37 Став войтыръяс, кодъяс пӧвстӧ Господь [Ен] вӧтлас тіянӧс, повзясны сыысь, мый лоӧ тіянкӧд. Найӧ лӧсьӧдласны тіян йылысь шусьӧгъяс, серамвыв лэптасны тіянӧс. | 37и будешь ужасом, притчею и посмешищем у всех народов, к которым отведет тебя Господь. |
| 38 Ті уна кӧдзанныд, но этша вунданныд, ӧд пуктаснытӧ сёяс саранча. | 38Семян много вынесешь в поле, а соберешь мало, потому что поест их саранча. |
| 39 Пуктанныд да быдтанныд виноград пуяс, но винасӧ онӧ юӧй, весиг вотӧссӧ онӧ чукӧртӧй, ӧд винограднытӧ номыр сёяс. | 39Виноградники будешь садить и возделывать, а вина не будешь пить, и не соберешь плодов их, потому что поест их червь. |
| 40 Став му пасьтала олив пуясныд кутасны быдмыны, но выйнас ті онӧ мавтчӧй, ӧд вотӧсыс гылалас. | 40Маслины будут у тебя во всех пределах твоих, но елеем не помажешься, потому что осыплется маслина твоя. |
| 41 Тіян чужасны ныв-пи, но тіян ордын оз кутны овны, ӧд найӧс нуӧдасны пленӧ. | 41Сынов и дочерей родишь, но их не будет у тебя, потому что пойдут в плен. |
| 42 Пуяснытӧ да мувыв быдтас-вотӧснытӧ сёяс саранча. | 42Все дерева твои и плоды земли твоей погубит ржавчина. |
| 43 Йӧз муысь локтысьяс пондасны ыджыдавны тіян вылын, а ті пыр улӧджык и улӧджык усянныд. | 43Пришелец, который среди тебя, будет возвышаться над тобою выше и выше, а ты опускаться будешь ниже и ниже; |
| 44 Найӧ кутасны тіянлы уджйӧзӧн сетны, а ті налы онӧ вермӧй. Найӧ лоӧны юрӧн, а ті лоанныд бӧжӧн. | 44он будет давать тебе взаймы, а ты не будешь давать ему взаймы; он будет главою, а ты будешь хвостом. |
| 45 Став тайӧ ёрӧмыс локтас тіян вылӧ да вӧтчас тіян бӧрся, кытчӧдз оз ло бырӧдӧма тіянӧс, ӧд ті энӧ кывзысьӧй Господьлысь, асланыд Енлысь, да энӧ олӧй Сылӧн индӧд-тшӧктӧмъяс серти. | 45И придут на тебя все проклятия сии, и будут преследовать тебя и постигнут тебя, доколе не будешь истреблен, за то, что ты не слушал гласа Господа Бога твоего и не соблюдал заповедей Его и постановлений Его, которые Он заповедал тебе: |
| 46 Тайӧ ёрӧмыс лоӧ индысьпасӧн тіян пӧвстын да тіянсянь чужысьяс пӧвстын нэмъяс чӧж. | 46они будут знамением и указанием на тебе и на семени твоем вовек. |
| 47 Кор тіян ставыс вӧлі тырмана, ті энӧ кесъялӧй Господьлы, асланыд Енлы, нимкодьпырысь да гажӧдчӧмӧн. | 47За то, что ты не служил Господу Богу твоему с веселием и радостью сердца, при изобилии всего, |
| 48 Та вӧсна ті кутанныд кесъявны Господьӧн [тіян Енмӧн] ыстӧм вӧрӧгныдлы тшыгъяліганыд да горш косьмиганыд. Ті пасьтӧг колянныд, тіян нинӧм оз ло. Господь сийӧсалас тіянӧс кӧрт сийӧсӧн, кытчӧдз оз бырӧд тіянӧс. | 48будешь служить врагу твоему, которого пошлет на тебя Господь, в голоде, и жажде, и наготе и во всяком недостатке; он возложит на шею твою железное ярмо, так что измучит тебя. |
| 49 Ылісянь, му помсянь Господь вайӧдас войтырӧс, кодлысь кывсӧ ті онӧ гӧгӧрвоӧй. Кутшъяс моз найӧ уськӧдчасны тіян вылӧ. | 49Пошлет на тебя Господь народ издалека, от края земли: как орел налетит народ, которого языка ты не разумеешь, |
| 50 Тайӧ яндысьтӧм войтырыс оз пыдди пукты пӧрысьясӧс да оз жалит томуловӧс. | 50народ наглый, который не уважит старца и не пощадит юноши; |
| 51 Найӧ сёясны ыж-мӧснытӧ да мувыв быдтас-вотӧснытӧ, кытчӧдз оз бырӧдны тіянӧс. Найӧ оз кольны тіянлы нянь, вина ни олив вый, куканьясӧс, баляясӧс ни кӧзапиянӧс. Тадзи найӧ бырӧдасны тіянӧс. | 51и будет он есть плод скота твоего и плод земли твоей, доколе не разорит тебя, так что не оставит тебе ни хлеба, ни вина, ни елея, ни плода волов твоих, ни плода овец твоих, доколе не погубит тебя; |
| 52 Сійӧ муас, мый Господь, тіян Енныд, сетас тіянлы, найӧ кытшаласны тіянлысь каръяснытӧ да кисьтасны джуджыд ён стенъяснытӧ, мый вылӧ ті лачанытӧ кутанныд. | 52и будет теснить тебя во всех жилищах твоих, доколе во всей земле твоей не разрушит высоких и крепких стен твоих, на которые ты надеешься; и будет теснить тебя во всех жилищах твоих, во всей земле твоей, которую Господь Бог твой дал тебе. |
| 53 Кор вӧрӧгныд дзескӧдас тіянӧс да кытшалас тіянлысь каръяснытӧ, ті кутанныд сёйны Господьӧн, тіян Енмӧн, тіянлы сетӧм ныв-пиныдлысь яйсӧ. | 53И ты будешь есть плод чрева твоего, плоть сынов твоих и дочерей твоих, которых Господь Бог твой дал тебе, в осаде и в стеснении, в котором стеснит тебя враг твой. |
| 54 Весиг небыд сьӧлӧма да лелькуйтӧм айлов кутас лӧгпырысь видзӧдны аслас вокыс вылӧ, аслас гӧтырыс вылӧ да ныв-пиыс вылӧ, кодъяс лоӧны ловъяӧсь на. | 54Муж, изнеженный и живший между вами в великой роскоши, безжалостным оком будет смотреть на брата своего, на жену недра своего и на остальных детей своих, которые останутся у него, |
| 55 Сійӧ оз сет налы кулӧм ныв-пиыслысь яйсӧ, но ачыс сёяс, ӧд мӧд сёяныс сылӧн оз ло, кор вӧрӧгныд дзескӧдас тіянӧс да кытшалас тіянлысь каръяснытӧ. | 55и не даст ни одному из них плоти детей своих, которых он будет есть, потому что у него не останется ничего в осаде и в стеснении, в котором стеснит тебя враг твой во всех жилищах твоих. |
| 56 Весиг небыд сьӧлӧма да лелькуйтӧм ань, коді кокнас му вылӧ эз тувччыв, кутас лӧгпырысь видзӧдны аслас верӧсыс вылӧ да ныв-пиыс вылӧ, | 56Женщина жившая у тебя в неге и роскоши, которая никогда ноги своей не ставила на землю по причине роскоши и изнеженности, будет безжалостным оком смотреть на мужа недра своего и на сына своего и на дочь свою |
| 57 оз сет налы кага чужтӧм бӧрся няйтсӧ да пузчужӧм кагасӧ, ӧд сійӧ тшыгъялігас кутас ачыс гусьӧн сёйны найӧс, кор вӧрӧгныд дзескӧдас тіянӧс да кытшалас тіянлысь каръяснытӧ. | 57и не даст им последа, выходящего из среды ног ее, и детей, которых она родит; потому что она, при недостатке во всем, тайно будет есть их, в осаде и стеснении, в котором стеснит тебя враг твой в жилищах твоих. |
| 58 Онӧ кӧ кутӧй овны тайӧ Индӧдлӧн став кывъясыс серти, мый гижӧма тайӧ небӧгас, да онӧ кутӧй повны асланыд Господь Енлӧн пыдди пуктана да повзьӧдана нимысь, | 58Если не будешь стараться исполнять все слова закона сего, написанные в книге сей, и не будешь бояться сего славного и страшного имени Господа Бога твоего, |
| 59 сэки Господь дойдас тіянӧс да тіянсянь чужысьясӧс дугдывлытӧм бырӧданторъясӧн да бурдлытӧм лёк висьӧмъясӧн. | 59то Господь поразит тебя и потомство твое необычайными язвами, язвами великими и постоянными, и болезнями злыми и постоянными; |
| 60 Сійӧ мӧдӧдас тіян вылӧ египетса став [лёк] висьӧмъяссӧ, мыйысь ті полінныд, и найӧ ляксясны тіян бердӧ. | 60и наведет на тебя все язвы Египетские, которых ты боялся, и они прилипнут к тебе; |
| 61 Кытчӧдз онӧ бырӧй, Господь кутас мӧдӧдны тіян вылӧ быдсяма висьӧмсӧ да шогсӧ, [мый гижӧма и] мый весиг абу гижӧма тайӧ Индӧд небӧгас. | 61и всякую болезнь и всякую язву, не написанную в книге закона сего, Господь наведет на тебя, доколе не будешь истреблен; |
| 62 Ті вӧлінныд енэжвыв кодзувъяс мында, но этшаӧн колянныд, ӧд ті энӧ кывзысьӧй Господьлысь, асланыд Енлысь. | 62и останется вас немного, тогда как множеством вы подобны были звездам небесным, ибо ты не слушал гласа Господа Бога твоего. |
| 63 Кыдзи Господь нимкодясис, кор вӧчис тіянлы бурсӧ да содтіс тіянӧс, сідзи жӧ Сійӧ кутас нимкодясьны, кор бырӧдас тіянӧс. Вужнаныд тіянӧс лоӧ нетшыштӧма сійӧ мусьыс, кытчӧ ті мунанныд сійӧс босьтӧм могысь. | 63И как радовался Господь, делая вам добро и умножая вас, так будет радоваться Господь, погубляя вас и истребляя вас, и извержены будете из земли, в которую ты идешь, чтобы владеть ею. |
| 64 Господь [тіян Енныд] разӧдас тіянӧс мукӧд войтыръяс пӧвстӧ, му ӧтар помсянь мӧдар помӧдзыс. Сэні ті кутанныд юрбитны пуысь да изйысь вӧчӧмторъяслы, мукӧд енъяслы, кодъясӧс ті ни тіян батьясныд энӧ тӧдлӧй. | 64И рассеет тебя Господь по всем народам, от края земли до края земли, и будешь там служить иным богам, которых не знал ни ты, ни отцы твои, дереву и камням. |
| 65 Тайӧ войтыръяс пӧвстын тіянлы оз ло лӧньлуныс, оз ло кокныдлы шойччӧгыс. Господь вӧчас сідз, мый сьӧлӧмныд пондас тіравны, синныд пемдас и ловныд нюкыртчас. | 65Но и между этими народами не успокоишься, и не будет места покоя для ноги твоей, и Господь даст тебе там трепещущее сердце, истаевание очей и изнывание души; |
| 66 Кулӧмыс лоӧ матын, ті лун и вой кутанныд тіравны олӧмныд вӧсна, ӧд онӧ тӧдӧй, ловйӧн-ӧ колянныд. | 66жизнь твоя будет висеть пред тобою, и будешь трепетать ночью и днем, и не будешь уверен в жизни твоей; |
| 67 Сьӧлӧмныд тырас полӧмӧн сыысь, мый аддзанныд. Асывнас кутанныд шуны, ӧдйӧджык пӧ мед рытыс воас, а рытнас – ӧдйӧджык пӧ мед асылыс воас. | 67от трепета сердца твоего, которым ты будешь объят, и от того, что ты будешь видеть глазами твоими, утром ты скажешь: `о, если бы пришел вечер!', а вечером скажешь: `о, если бы наступило утро!' |
| 68 Господь бӧр бергӧдас тіянӧс Египетӧ корабльяс вылын сійӧ туйӧдыс, мый йылысь ме шулі тіянлы, мый некор сэсся онӧ аддзылӧй сійӧс. Сэні ті ставныд, айулов и аньяс, кутанныд вӧзйыны вӧрӧглы, медым босьтас тіянӧс кесйӧг туйӧ, но некод оз ньӧб тіянӧс». | 68и возвратит тебя Господь в Египет на кораблях тем путем, о котором я сказал тебе: `ты более не увидишь его'; и там будете продаваться врагам вашим в рабов и в рабынь, и не будет покупающего. |
Глава 28