Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelel мокшекс эрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»СодержаниеПервая книга Моисеева. Бытие1-я книга Моисеева. БытиеТретья книга Моисеева. ЛевитЧетвертая книга Моисеева. ЧислаПятая книга Моисеева. ВторозакониеКнига Иисуса НавинаКнига Судей ИзраилевыхКнига РуфьПервая Книга ЦарствВторая книга Царств Третья книга ЦарствЧетвертая книга Царств1-я Паралипоменон2-я ПаралипоменонЕздраНеемияЕсфирьИовПсалтирьПритчиЕкклесиастПесни ПеснейИсаияИеремияПлач ИеремииИезекиильДаниилОсияИоильАмосАвдияИонаМихейНаумАввакумСофонияАггейЗахарияМалахия

Книги Нового Завета Выбрать книгупро «Библия»СодержаниеОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

Мöисейлöн медводдза небöг

ОЛÖМ

20 юр

Ӧвраам да Авимелек

1 Ӧвраам мӧдӧдчис лунвывлань, овмӧдчис Кадеш да Шур костӧ, а сэсся мыйтакӧ оліс Герар карын.2 Ӧвраам ассьыс Сарра гӧтырсӧ шуис чойӧн. [Ӧд сійӧ поліс шуны гӧтырнас, мед сэтчӧс карса олысьяс эз вины сы вӧсна Ӧвраамӧс.] Авимелек, Герар карса ӧксы, тшӧктіс аслас йӧзлы вайӧдны Сарраӧс ас ордас.

3 Войнас Ен петкӧдчис Авимелеклы да шыасис сы дінӧ вӧтас: «Тэ кулан ань вӧсна, кодӧс босьтін аслыд, ӧд сылӧн эм верӧс».4 Но Авимелек эз на инмӧдчыв Сарра дінӧ, та вӧсна шуис: «Господьӧй, бырӧдан ӧмӧй мыжтӧм войтырӧс?5 Ӧд тайӧ мортыс аньсӧ шуис чойӧн, а аньыс сійӧс – вокӧн. Менам сьӧлӧмӧй да киӧй сӧстӧм».6 Ен шуис сылы вӧтас: «Ме тӧда, тэнад сьӧлӧмыд сӧстӧм. Та вӧсна Ме видзи тэнӧ мыж вӧчӧмысь, эг лэдз инмӧдчывны ань дінӧ. 7 Ӧні гӧтырсӧ бӧр сет верӧсыслы, ӧд сійӧ пророк. Сійӧ кевмысяс тэ вӧсна, и тэ ловйӧн колян. А он кӧ сет, тэ гортсаыдкӧд кулан».

8 Авимелек чеччис водз, корис кесйӧгъяссӧ да висьталіс налы ставсӧ. Найӧ ёна повзисны. 9 Авимелек корис Ӧвраамӧс да шуис: «Мый тэ вӧчин миянкӧд? Мыйӧн ме мыжа тэ водзын, мый татшӧм сьӧкыд мыжӧ тэ кыскин менӧ да менсьым войтырӧс? Тадзи ӧмӧй позьӧ вӧчны?»10 Авимелек нӧшта юаліс: «Тадзисӧ вӧчигӧн тэ эськӧ мый кӧсйин?»11 Ӧвраам шуис: «Ме чайті, мый татчӧс йӧзыс оз повны Енсьыс да гӧтыр вӧсна вермасны вины менӧ.12 Збыльвылас кӧ, сійӧ менам чой и эм, батьӧйлӧн ныв, сӧмын мӧд мамсянь. Ӧні сійӧ менам гӧтыр.13 Кор Ен тшӧктіс меным петны бать керкаысь да ветлыны муясӧд, ме кори гӧтырӧс вӧчны меным буртор – шуны менӧ аслас вокӧн быдлаын, кытчӧ ми воам».

14 Авимелек козьналіс Ӧвраамлы [сюрс сикель эзысь,] ыжъясӧс, мӧсъясӧс, кесйӧг айуловӧс да аньясӧс. Бӧр сетіс сылы Сарраӧс15 да шуис: «Менам муӧй тэ водзын. Овмӧдчы, кытчӧ кӧсъян». 16 А Сарралы шуис: «Вокыдлы ме сеті сюрс сикель эзысь. Тайӧ козиныс став тэнад матыссалы висьталӧ, мый тэ абу мыжа».

17 Ӧвраам кевмысис Енлы, и Ен бурдӧдіс Авимелекӧс, сылысь гӧтырсӧ да кесйӧг аньяссӧ. Найӧ бара вермисны чужтыны.18 Ӧд Ӧвраамлӧн Сарра гӧтыр вӧсна Господь вӧчліс сідз, мый Авимелек керкаын аньясыс эз вермыны кынӧмасьнысӧ.

 Глава 20