Choose Language
New Testament Books
view with a second Bible
БУР ЮÖР МАРК СЬÖРТI | Евангелие от Марка |
8 ЮКÖМ | Глава 8 |
| 1Нiя луннэзö бöра öксисö уна отир. Нылö нем вöлi сёйны. Исусыс корис ассис велöтчиссесö да висьталiс нылö: | 1В те дни, когда собралось весьма много народа и нечего было им есть, Иисус, призвав учеников Своих, сказал им: |
| 2«Менам сьöлöм висьö отирыс понда. Куим лун ни нiя мекöт, а сёйны нылö нем. | 2жаль Мне народа, что уже три дня находятся при Мне, и нечего им есть. |
| 3Лэдза кö нiйö гортаныс сёйтöг, туй вылас мыдзасö да усясö, эд мукöдыс ны коласiсь локтiсö ылiсянь». | 3Если неевшими отпущу их в домы их, ослабеют в дороге, ибо некоторые из них пришли издалека. |
| 4Велöтчиссес шуисö сылö: «Кин нö вермас адззыны эстöн овтöминас няньсö, мед вердны нiйö?» | 4Ученики Его отвечали Ему: откуда мог бы кто [взять] здесь в пустыне хлебов, чтобы накормить их? |
| 5Исусыс юалiс нылiсь: «Мымда тiян нянь чöвпаннэс?» Нiя сылö висьталiсö: «Сизима». | 5И спросил их: сколько у вас хлебов? Они сказали: семь. |
| 6Исусыс тшöктiс отирсö пуксьыны му вылö. Сiя босьтiс сизим нянь чöвпансö, аттьö висьталiс Енлö, чегöтiс да сетiс аслас велöтчиссезлö, медбы нiя сеталiсö няньсö отирлö. Мöддэс сеталiсö сiйö быдöнныслö. | 6Тогда велел народу возлечь на землю; и, взяв семь хлебов и воздав благодарение, преломил и дал ученикам Своим, чтобы они раздали; и они раздали народу. |
| 7Нылöн вöлi невна чери. Исусыс басвоитiс да тшöктiс сетавны сiйö. | 7Было у них и немного рыбок: благословив, Он велел раздать и их. |
| 8Отирыс сёйисö да пöтiсö. Кольччöм нянь торресö öктiсö сизим пестер. | 8И ели, и насытились; и набрали оставшихся кусков семь корзин. |
| 9Сёйиссес вöлiсö нёль сюрс гöгöр. Исусыс лэдзис отирсö горттэзö. | 9Евших же было около четырех тысяч. И отпустил их. |
| 10Сiя сэк жö пуксис аслас велöтчиссезкöт пыжö да уйис Далманута муэзö. | 10И тотчас войдя в лодку с учениками Своими, прибыл в пределы Далмануфские. |
| 11Локтiсö парисейез да пондiсö Исусыскöт етшасьны. Нiя корисö сысянь енöжись пас, мед тöдмавны кин сiя. | 11Вышли фарисеи, начали с Ним спорить и требовали от Него знамения с неба, искушая Его. |
| 12Исусыс пыдына ловзисьöмöн шуис: «Мыйлö этiя увтырыс корö енöжись пассö? Былись баита тiянлö: оз ло этiя увтырлö енöжись пасыс». | 12И Он, глубоко вздохнув, сказал: для чего род сей требует знамения? Истинно говорю вам, не дастся роду сему знамение. |
| 13Сiя колис нiйö, бöр пуксис пыжас да иньдöтчис мöдлапöлас. | 13И, оставив их, опять вошел в лодку и отправился на ту сторону. |
| 14Велöтчиссес вунöтiсö босьтны нянь. Нылöн сьöраныс öтiк нянь чöвпанся нем эз вöв. | 14При сем ученики Его забыли взять хлебов и кроме одного хлеба не имели с собою в лодке. |
| 15Исусыс шуис нылö: «Видзöтö да полö парисейезлöн да Ирöдлöн шöмись». | 15А Он заповедал им, говоря: смотрите, берегитесь закваски фарисейской и закваски Иродовой. |
| 16Велöтчиссес ас коласаныс баитiсö: «Миян няньыс абу». | 16И, рассуждая между собою, говорили: [это значит], что хлебов нет у нас. |
| 17Исусыс тöдöмöн шуис нылö: «Мый баитатö сы йылiсь, бытьтö тiян няньыс абу? Тiйö одö вежöртö да одö авйö? Тiян сьöлöмныт измöм? | 17Иисус, уразумев, говорит им: что рассуждаете о том, что нет у вас хлебов? Еще ли не понимаете и не разумеете? Еще ли окаменено у вас сердце? |
| 18Эмöсь синнэзныт да од адззö? Эмöсь пеллезныт да од кылö? Тöдвыланыт од уськöтö? | 18Имея очи, не видите? имея уши, не слышите? и не помните? |
| 19Кöр ме вит нянь чöвпансö чеги вит сюрс понда, кыным тыра пестер тiйö öктiт кольччöм нянь торресö?» Велöтчиссес шуисö сылö: «Даскыкö». | 19Когда Я пять хлебов преломил для пяти тысяч [человек], сколько полных коробов набрали вы кусков? Говорят Ему: двенадцать. |
| 20«А кöр сизим нянь чöвпансö чеги нёль сюрс понда, кыным тыра пестер öктiт тiйö кольччöм нянь торресö?» Нiя висьталiсö: «Сизимö». | 20А когда семь для четырех тысяч, сколько корзин набрали вы оставшихся кусков. Сказали: семь. |
| 21Исусыс шуис нылö: «Кыдз жö öнöдз од вежöртö нем?» | 21И сказал им: как же не разумеете? |
| 22Нiя локтiсö Бетсайдаö. Исусыс дынö вайöтiсö синтöмöс да корисö павкöтчыны сы бердö. | 22Приходит в Вифсаиду; и приводят к Нему слепого и просят, чтобы прикоснулся к нему. |
| 23Исусыс кутiс синтöмсö киöттяс, петкöтiс посадсис, сьöвзис сылö синнэзас, пуктiс сы вылö киэсö да юалiс сылiсь: «Адззан я мыйкö?» | 23Он, взяв слепого за руку, вывел его вон из селения и, плюнув ему на глаза, возложил на него руки и спросил его: видит ли что? |
| 24Синтöмыс видзöтiс да шуис: «Адзза отирöс, нiя вачкисьöны ветлöтiсь пуэз вылö». | 24Он, взглянув, сказал: вижу проходящих людей, как деревья. |
| 25Сэсся Исусыс бöра пуктiс киэсö сы синнэз вылö. Мортыс веськалiс да бура пондiс адззыны. | 25Потом опять возложил руки на глаза ему и велел ему взглянуть. И он исцелел и стал видеть все ясно. |
| 26Исусыс ыстiс сiйö гортас да висьталiс: «Орддьы посадсö». | 26И послал его домой, сказав: не заходи в селение и не рассказывай никому в селении. |
| 27Исусыс мунiс аслас велöтчиссезкöт Пилиплöн Кесарей посаддэзö. Туй вылас сiя юасис нылiсь: «Кинöн менö лыддьöны отирыс?» | 27И пошел Иисус с учениками Своими в селения Кесарии Филипповой. Дорогою Он спрашивал учеников Своих: за кого почитают Меня люди? |
| 28Велöтчиссес шуисö паныт: «Öтiккес – Пыртiсь Иванöн, мöдiккес – Илляöн, мукöдыс лыддьöны тэнö Енсянь юöртiссес коласiсь». | 28Они отвечали: за Иоанна Крестителя; другие же--за Илию; а иные--за одного из пророков. |
| 29Сiя юасис нылiсь: «Кинöн тiйö менö лыддят?» Петра висьталiс сылö паныт: «Тэ – Мессия». | 29Он говорит им: а вы за кого почитаете Меня? Петр сказал Ему в ответ: Ты Христос. |
| 30Исусыс эз тшöкты висьтасьны велöтчиссеслö ас йывсис некинлö. | 30И запретил им, чтобы никому не говорили о Нем. |
| 31Исусыс пондiс велöтны велöтчиссесö: «Мортлöн Зонлö ковсяс мырсьыны-пессьыны. Пöриссес, аркирейес да Енлöн гижöтö велöтiссес бергöтчасö сы дынiсь. Сiйö виясö, но куим лун бöртi сiя ловзяс». | 31И начал учить их, что Сыну Человеческому много должно пострадать, быть отвержену старейшинами, первосвященниками и книжниками, и быть убиту, и в третий день воскреснуть. |
| 32Исусыс баитiс этiя йылiсь веськыта. Сэк Петраыс корис сiйö бокö да öлiс. | 32И говорил о сем открыто. Но Петр, отозвав Его, начал прекословить Ему. |
| 33Исусыс бергöтчис велöтчиссеслань, видзöтiс ны вылö да чорыта öмалiс Петрасö: «Вешшы ме дынiсь, Сöтана! Тэнат кöсйöмыт мортлöн, абу Енлöн». | 33Он же, обратившись и взглянув на учеников Своих, воспретил Петру, сказав: отойди от Меня, сатана, потому что ты думаешь не о том, что Божие, но что человеческое. |
| 34Исусыс корис отирсö да ассис велöтчиссесö, шуис нылö: «Кин кöсйö мунны мекöт, ась вунöтö асьсö, босьтö ассис крестсö да мунö ме бöрсянь. | 34И, подозвав народ с учениками Своими, сказал им: кто хочет идти за Мною, отвергнись себя, и возьми крест свой, и следуй за Мною. |
| 35Эд сiя, кöда кöсйö ассис олансö видзны, öштас сiйö. Кин öштас ассис олансö ме понда да бур юöр понда, видзас сiйö. | 35Ибо кто хочет душу свою сберечь, тот потеряет ее, а кто потеряет душу свою ради Меня и Евангелия, тот сбережет ее. |
| 36Мый бурыс мортлö, лоас кö сылöн быдöс муыс, а ассис олансö öштас? | 36Ибо какая польза человеку, если он приобретет весь мир, а душе своей повредит? |
| 37Мый вермас сетны мортыс, мед небны бöр ассис олансö? | 37Или какой выкуп даст человек за душу свою? |
| 38Кин бергöтчас ме дынiсь да менам кыввез дынiсь этiя лэдзчисьöм да грека увтырын, сы дынiсь бергöтчас Мортлöн Зон, кöр локтас аслас Ай дзардöмын вежа ангеллэзкöт». | 38Ибо кто постыдится Меня и Моих слов в роде сем прелюбодейном и грешном, того постыдится и Сын Человеческий, когда приидет в славе Отца Своего со святыми Ангелами. |
Глава 8
