Библия
Выбрать язык
Книги Ветхого Завета
Книги Нового Завета
с русским текстом
ЕКЛЕСИАСТЛОН НЕБОГ
Глава 11
Одзланься лоӧ́мыс тӧдтӧм
1 Няньтӧ ва ньылӧт лэдз,
мымдакӧ кад бӧрті сія тэныт бӧр бертас.
2 Сизимлӧ али кыкъямыслӧ аслат пажытись сетав,
тэ эд он тӧд,
кытшӧм сьӧкыт кад вермас локны му вылӧ.
3 Енӧжын зэра́н кымӧррез кӧ,
сэк му вылӧ киссяс зэр.
Пу усяс кӧ лунланьӧ, ойланьӧ я,
сія сэтӧн и кольччас куйлыны.
4 Кин видзӧтӧ тӧв сьӧрын,
сія некӧр оз кӧдз.
Кин видзӧтӧ зэр сьӧрын,
сія некӧр оз вунды.
5 Тэ он вермы тӧдны тӧвлісь туйсӧ.
Он тӧд, кыдз мам кынӧмын аркмӧны кагалӧн лыэз.
Сідз жӧ тэ он вермы тӧдны Енлісь уджсӧ ─
Сылісь, Кӧда быдӧс керӧ.
6 Асылӧн кӧдз, и рытӧн киэтӧ эн шоччӧт.
Тэ эд он тӧд, мый лоас буржык,
поди, кыкнан уджыт бура аркмасӧ.
Том да пӧрись отир йылісь
7 Югытыс бур,
шондісӧ адззыны синнэзлӧ долыт.
8 Мымда бы морт эз ов, ась пыр лоӧ гаж сьӧлӧма.
Но тӧдвылын ась видзӧ, и пемыт луннэз уна лоасӧ.
Мый тэ панталан ола́нын, сія быдӧс весись педзӧ́м.
9 Зонка, томувья гажӧтчы,
том кадӧ сьӧлӧмтӧ гажӧт.
Мун сэтчӧ, кытчӧ сьӧлӧмыт кыскӧ,
кытчӧ синнэт видзӧтӧны.
Но тӧд: быдӧс керӧ́м понда
Еныс тэнӧ вайӧтас Аслас суд вылӧ.
10 Сьӧлӧм шогсӧ пытшксит вашӧт.
Пессьӧ́м-мырсьӧ́мсӧ вывты́рсит ылӧжык вешты.
Челядь кад да том кад чожа эд чулалӧны.
Глава 11
