Выбрать язык
Книги Ветхого Завета
Книги Нового Завета
с русским текстом1 Ме адззылі шонді увтын умӧльсӧ и сэтшӧмӧ, кӧда пантасьлӧ морт ола́нын:2 Ен сетӧ мортлӧ уна сьӧм, пажыть да бурӧ пуктӧ́м. Сылӧн быдӧс эм. Мый сылӧ колӧ, сійӧ и босьтӧ. Но Еныс оз сет мортыслӧ сійӧ быдӧс ас вылӧ видзны. Сы туйӧ сылісь пажытьсӧ йӧз морт видзӧ. Эта весись педзӧ́м да ӧддьӧн умӧль лоӧ́м.3 Морт вермас дыр овны. Сылӧн челядьыс вермасӧ чужны сё мымда, и ола́н луннэс содасӧ. Но сія мортыс оз бурмӧт сьӧлӧмсӧ аслас ӧктӧм пажытьӧн. Кулӧ́м бӧрын сійӧ нельки озӧ дзебӧ. Сэтшӧм морт йылісь ме висьталі бы: чӧвтчӧм кага*а сысся шудажык.4 Чӧвтчӧм кага весь вовліс да мунiс пемытас. Сылісь нимсӧ некин оз тӧд.5 Кагаыс эз адззыв и оз тӧд шонді югӧрсӧ, но сія морт сьӧрті сылӧн сьӧлӧмас лӧньжык.6 Мортыс оліс бы и кык сюрс во*б гӧгӧр, но немӧн эз бурмӧт сьӧлӧмсӧ. Мый сэтiсь бурыс? Быдӧнныс эд ӧтiлаӧ мунӧны.7 Морт сьӧкыта уджалӧ аслас кынӧм понда, но сьӧлӧмыс сысянь оз бурмы.
8 Мыйӧн буржык мывкыдаыс мывкыдтӧм сьӧрті?
Мый бурыс пажытьтӧм мортлӧ,
кӧда тӧдӧ, кыдз колӧ овны отиркӧт?
9 Вӧвлытӧмсӧ юрӧ пыртӧ́мся буржык сія,
мый эм син одзат.
И эта быдӧс весись, кыдз тӧв сьӧрын вӧтлісьӧ́м.
10 Быдӧслӧ, мый эм, нимыс сетӧм ни. Морт ─ кин сія, мийӧ тӧдамӧ. Сысся Вынажыккӧт сія оз вермы етшасьны.11 Уна баитӧ́мыс овлӧ весись. Мый бурыс сэтiсь мортыслӧ?12 Мортлӧн ола́н луннэс чожа чулалӧны, вуджӧ́р моз мунӧны. Кин тӧдӧ, мый бурыс мортлӧ ола́нын? Кин вермас сылӧ висьтавны, мый лоас шонді увтас сылӧн олӧ́м бӧрын?
*а 6:3 чӧвтчӧм кага ─ выкидыш
*б 6:6 кык сюрс во ─ две тысячи лет
Глава 6