Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
81 Псалом
Асафлӧн псалом.1 Еныс енӧжын оліссез одзӧ сувтіс,
ны одзын Ассис судита́н кывсӧ висьталіс:
2 «Дыр я тійӧ суд вылас
ылӧтлӧмӧн пондат бӧрйисьны,
Ентӧг олісьсӧ пондат дорйыны?
3 Умӧля олісьсӧ да айтӧм-мамтӧмсӧ дорйӧ.
Дзескӧтӧм морткӧт да кортӧн ветлӧтіськӧт
суд вылас веськыта бӧрйисьӧ.
4 Умӧля олісьсӧ да кортӧн ветлӧтісьсӧ мездӧ,
Ентӧг олісьлӧн киись нійӧ кыскӧ.
5 Тійӧ нем одӧ тӧдӧ, одӧ вежӧртӧ,
пемытас ветлӧтат.
Муыслӧн увтыс быдсӧн зэгалӧ!
6 Ме висьталі:
"Тійӧ ─ еннэз.
Тійӧ быдӧнныт Медвылісьлӧн зоннэз".
7 Но тійӧ му вылісь отир моз кулатӧ,
быд юралісь моз тійӧ усятӧ!»
8 Енӧ, чеччы!
Судит му вылын оліссесӧ,
му вывсис быд отирыс эд Тэнат.
Глава 81
