Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
74 Псалом
1 Сьыліссезӧн веськӧтлісьлӧ. Сьылӧны «Эн разь*а» сьыланкы́влӧн проглаз сьӧрті. Асафлӧн сьыла́н псалом.2 Енӧ, ошкам Тэнӧ,
ошкам, Тэ эд матын.
Отирыс висьтасьӧны
Тэнат адззывлытӧм керӧ́ммез йылісь.
3 Тэ висьталін:
«Кӧр локтас Менам висьталӧм кадыс,
Ме понда веськыта чулӧтны судсӧ.
4 Муыс да сы вылын быдӧс оліссес зэгалӧны,
но Ме муыслісь увтсӧ
*б вынсьӧта».
5 Асьнысӧ вылына лэбтіссезлӧ ме висьталі:
«Асьнытӧ вылына эд лэбтӧ!»
Ентӧг оліссезлӧ шуи:
«Эд ошшасьӧ асланыт вынӧн!
6 Асланыт вынӧн эд ошшасьӧ,
[Еныс вылӧ] лӧгӧн вӧвлытӧмсӧ эд висьтавлӧ».
7 Асывланьсянь, рытланьсянь да кушмусянь
некин оз лок мортсӧ вылына лэбтыны.
8 Еныс эд Судитісьыс:
ӧтікӧс Сія лэдзӧ,
а мӧдікӧс ─ лэбтӧ.
9 Дӧсвидзисьлӧн киас доз,
сэтӧн пизьӧ вина,
кӧда сорлалӧм курыт содтӧттэзӧн.
Сія винасӧ кисьтлӧ.
Му вылас Ентӧг оліссез
нельки пыдӧссис вина гудырсӧ пондасӧ юны.
10 А ме Яковлісь Енсӧ понда сьылӧтны,
Сы йылісь пыр понда висьтасьны.
11 Ентӧг оліссезлісь выннысӧ Сія бырӧтас,
а веськыта оліссесӧ вынсьӧтас.
*а 74:1 разьны ─ уничтожать
*б 74:4 увт ─ основание
Глава 74
