Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
51 Псалом
1 Сьыліссезӧн веськӧтлісьлӧ. Давидлӧн велӧтӧ́м.2 Гижӧм, кӧр Едомись Доик вовліс Саул дынӧ да висьталіс Давидлісь Ахимелек ордӧ локтӧ́м йылісь.3 Вына морт, мый ошшасян лёк керӧ́мнат?
Еныс ме дынӧ пыр небыт сьӧлӧма.
4 Тэнат кылыт вийӧ́м йылісь баитӧ,
сія лэчыт пурт кодь, йӧзсӧ ылӧтлӧ!
5 Лёк керӧ́мсӧ тэ радейтан бурсӧ керӧ́мся ӧддьӧнжык,
бӧбӧтчӧ́мсӧ ─ быльсӧ баитӧ́мся.
6 Тэ радейтан баитны дойда́н кыввезӧн,
тэ ылӧтла́н кыла морт!
7 Эта понда Еныс тэнӧ быдсӧн паздас,
оланінсит тэнӧ кыскас да шентас
*а,
оліссез коласісь тэнӧ вуджнат нетшкӧвтас.
8 Сійӧ казяласӧ веськыта оліссез
да повзясӧ,
а сэсся пондасӧ серавны тэ вылын
[да шуасӧ]:
9 «Эта мортыс эз босьт дорйисьнас Енсӧ,
сія аслас уна пажыть вылӧ надейтчис
да лёк керӧ́мнас вынсяліс».
10 А ме лоа Енлӧн керкуын быдма́н випу
*б кодь.
Ме пыр понда надейтчыны Енлӧн небыт сьӧлӧм вылӧ.
11 Керӧ́мыт понда Тэнӧ пыр понда ошкыны,
Тэнат ним вылӧ понда надейтчыны,
Аслат надейнӧй отир дынӧ Тэ эд бур.
*а 51:7 51:7 шентны ─ выкинуть
*б 51:10 випу ─ маслина
Глава 51
