Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
45 Псалом
1 Сьыліссезӧн веськӧтлісьлӧ. Корей зоннэзлӧн сьыланкы́в. Орсӧны «Аламот» орса́н вылын.2 Еныс миянлӧ дзебсисянін да вын,
сьӧкыт кадӧ Сія тэрмасьӧ отсавны.
3 Сійӧн мийӧ огӧ повзьӧ,
кӧть и муыс пондас зэгавны
да керӧссэз усясӧ саридз
*а пыдӧсӧ.
4 Саридзлӧн ыджыт ваныррез
*б ась бергӧтӧны да лэбтісьӧны,
ны вынсянь керӧссез ась зэгалӧны!
5 Визывта́н юэз гажӧтӧны Енлісь карсӧ ─
Медвылісьлісь вежа оланінсӧ.
6 Еныс сія карын, сійӧн сія оз вӧрзьы,
Сія отсалӧ карыслӧ одз асывсянь.
7 Отиррез лэбтісьӧны
и ӧксуэзлӧн юралӧ́ммес разьсьӧны.
[Медвылісь] Ен сетӧ Ассис шысӧ,
и муыс зэгалӧ.
8 Дӧсвидзись Саваоф
*в миянкӧт,
миян Дорйисьным ─ Яковлӧн Ен.
9 Локтӧ да видзӧтӧ Дӧсвидзисьлісь керӧ́мсӧ,
кыным оланін Сія дзимляліс му вывсис!
10 Быдсӧн муыс пасьта
Сія дугдӧтӧ тышкасьӧ́м,
чеглалӧ ньӧвсӧ
*г да шысӧ
*д,
колесницаэз сотӧ биын.
11 Сія шуӧ:
«Сувтчӧ да тӧдмалӧ: Еныс ─ Ме.
Отиррез Менӧ пондасӧ вылына лэбтыны,
быдсӧн му пасьта ошкыны».
12 Дӧсвидзись Саваоф миянкӧт,
Миян Дорйисьным ─ Яковлӧн Ен.
Ошкӧ́м.
*а 45:3 саридз ─ море
*б 45:4 ваныр ─ волна
*в 45:8 Саваоф ─ тышкася́н выннэз вылын Юралісь
*г 45:10 ньӧв ─ лук
*д 45:10 шы ─ копьё
Глава 45
