Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
31 Псалом
Давидлӧн псалом. Велӧтӧ́м.1 Шуда мортыс,
кӧдалӧн лёк керӧ́ммес лэдзӧмӧсь,
умӧль керӧ́ммес проститӧмӧсь.
2 Шуда мортыс,
кӧдалісь умӧль керӧ́мсӧ
Дӧсвидзись оз вайӧт сы юр вылӧ,
и кӧдалӧн сьӧлӧмас абу ылӧтлӧ́мыс.
3 Кытчӧдз ме эг висьтав ассим умӧль керӧ́ммезӧс,
быд лун ойзӧ́мсянь менам лыэзӧ
*а косьмисӧ.
4 Лун и ой Тэнат сьӧкыт киыт вӧлі ме вылын.
Гожумся шонді увтын турун моз ме кельдӧті.
5 Но ме осьті Тэныт ассим умӧль керӧ́ммезӧс,
лёк керӧ́ммезӧс эг сайӧвт.
Ме шуи:
«Висьтала Дӧсвидзисьлӧ ассим лёк керӧ́ммезӧс»,
и менчим умӧль керӧ́ммезӧс Тэ проститін.
6 Сійӧн веськыта оліссес
ась кеймӧны Тэныт быдӧнныс,
кытчӧдз эм кад.
Сэк ыждӧм ваыс оз лок ны дынӧдз.
7 Тэ менам сайӧвтчанінӧ
*б.
Сьӧкыт кадӧ Тэ менӧ видзан,
Тэ менӧ мездiн,
сійӧн ме гажӧтча.
8 Дӧсвидзись шуӧ:
«Ме велӧта тэнӧ,
мыччала тэныт туйсӧ,
кыт тэныт мунны.
Ачым понда нуӧтны тэнӧ,
син вылам понда видзны».
9 Эдӧ лоӧ мывкыдтӧм вӧввез да осёллэз кодьӧсь,
кӧднӧ колӧ ӧмлӧсавны да сермӧтавны,
медбы нія кывзісисӧ.
10 Ентӧг олісьлӧн уна шогсьӧ́м-мырсьӧ́мыс,
а Дӧсвидзись вылӧ надейтчисьлӧ
Сія небыт сьӧлӧмсянь быдӧсын отсалӧ.
11 Веськыта оліссез,
гажмӧ, гажӧтчӧ, тіян эд эм Дӧсвидзись!
Сӧстӧм сьӧлӧмӧн оліссез,
гажӧтчӧ быдӧнныт!
Ошкӧ́м.
*а 31:3 лы ─ кость
*б 31:7 сайӧвтчанін ─ крепость, убежище
Глава 31
