Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
19 Псалом
1 Сьыліссезӧн веськӧтлісьлӧ. Давидлӧн псалом.2 Дӧсвидзись ась кылӧ тэнӧ сьӧкыт кадӧ,
Енлӧн нимыс тэнӧ ась дорйӧ!
Сія и миян Яков айлӧн Ен.
3 Ась ыстӧ тэныт отсӧтсӧ вежаинсянь,
Сион вывсянь тэнӧ вынсьӧтӧ!
4 Сія ась уськӧтӧ тӧдвылас быдӧс вайӧм козиннэтӧ
да сотны вайӧм езъяла́ннэтӧ
*а.
Нія ась лоасӧ Еныслӧ сьӧлӧмви!
5 Ась сетӧ [Дӧсвидзись] сійӧ, мый колӧ тэнат сьӧлӧмлӧ!
Мый мӧдан керны, сійӧ Еныс ась аркмӧтӧ!
6 Тэнат вермӧ́мсянь мийӧ пондам гажӧтчыны,
Ен нимӧн мийӧ лэбтам дӧрапас
*б.
Еныс ась аркмӧтӧ тэнчит быдӧс корӧ́мметӧ.
7 Ӧні ме тӧда:
Дӧсвидзисьыс мездӧ Ассис ма́втӧмсӧ.
Аслас вежа енӧжсянь шыасьӧ
да мездӧ сійӧ вына веськыт кинас.
8 Ӧтіккез ошшасьӧны колесницаэзӧн,
мӧдіккез ─ вӧввезӧн,
а мийӧ ошшасям миян Дӧсвидзись Ен нимӧн.
9 Нія вӧрзисӧ да усисӧ,
а мийӧ сувтім да веськыта сулалам.
10 Дӧсвидзисьным, мезды ӧксусӧ!
Кыв миянӧс, кӧр [Тэнӧ] корамӧ!
*а 19:4 езъяла́н ─ жертва
*б 19:6 дӧрапас ─ знамя, флаг
Глава 19
