Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
148 Псалом
1 Аллилуйя!
Ошкӧ Дӧсвидзисьсӧ, енӧжын оліссез,
вылынся-вылын ошкӧ Сійӧ!
2 Ошкӧ Сійӧ, Сылӧн ангеллэз быдӧнныт,
ошкӧ Сійӧ, Сылӧн тышкася́н выннэз!
3 Ошкӧ Сійӧ, шонді да тӧлісь,
ошкӧ Сійӧ, югьяла́н кӧдзу́ввез!
4 Ошкӧ Сійӧ, енӧжись енӧжжез,
енӧжся вылынжык ваэз!
5 Нія ась ошкӧны Дӧсвидзисьлісь нимсӧ!
[Сылӧн висьталӧ́м сьӧрті эд нія лоисӧ,]
Сылӧн тшӧктӧ́м сьӧрті аркмисӧ.
6 Сія сувтӧтіс нiйӧ пыр кежӧ,
нылӧ сетіс туйдӧ́т, кӧда оз вежсьы.
7 Ошкӧ Дӧсвидзисьсӧ, му вылын оліссез,
саридзын ыджыт оліссез, быдӧс пыдын ваэз!
8 Ошкӧ Сійӧ, би да шер, лым да мубыр
*а,
вына тӧв, Сылӧн кыв сьӧрті керись.
9 Ошкӧ Сійӧ, керӧссэз да быдӧс мыссэз,
ягӧд сета́н пуэз да сыспуэз,
10 вӧрпаэз
*б да быдкодь пода,
виклясиссез да борда кайез!
11 Ошкӧ Сійӧ, му вылісь ӧксуэз да отиррез,
юраліссез да му вылісь судитіссез,
12 зонкаэз да нывкаэз,
пӧриссез и томмез!
13 Быдӧнныс ась ошкӧны Дӧсвидзисьлісь нимсӧ,
ӧтіклӧн Сылӧн эд нимыс медвылӧ лэбтӧм!
Сылӧн югьяла́н выныс тыртӧ и мусӧ, и енӧжсӧ.
14 Сія вынсьӧтіс Ассис отирсӧ,
ошкӧ́мӧдз лэбтіс Ассис вежа раббесӧ,
Израильлісь челядьсӧ,
кӧдна матын Сыкӧт видзсьӧны.
Аллилуйя!
*а 148:8 мубыр ─ туман
*б 148:10 вӧрпа ─ зверь
Глава 148
