Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
146 Псалом
1 Аллилуйя!
Ошкӧ Дӧсвидзисьсӧ,
бур эд сьывны миян Енлӧ.
Сійӧ ӧддьӧн колӧ ошкыны.
Эта ошкӧ́мсянь сьӧлӧмлӧ долыт.
2 Дӧсвидзисьыс бӧра лэбтӧ Ерусалимсӧ,
рознитчӧм Израиль отирсӧ бӧр чукӧртӧ.
3 Дойдӧм сьӧлӧмаэсӧ Сія веськӧтӧ,
нылісь дойманіннэсӧ домалӧ.
4 Кӧдзу́ввезлісь
*а лыд
*б Сія тӧдӧ,
быд кӧдзу́всӧ аслас нимӧн шуӧ.
5 Дӧсвидзисьыс ─ вына,
Сылӧн юрала́н выныс да мывкыдыс
ыджытся-ыджытӧсь.
6 Рам сьӧлӧмаэсӧ Дӧсвидзисьыс лэбтӧ,
а Ентӧг оліссесӧ муӧдз уськӧтӧ.
7 Буркы́втӧмӧн сьылӧтӧ Дӧсвидзисьсӧ,
сьылӧ миян Енлӧ гусли вылын орсӧмӧн!
8 Сія енӧжсӧ кымӧррезӧн вевттьӧ,
муыслӧ зэр лӧсьӧтӧ.
Керӧссэз вылын Сія турун быдтӧ,
[а отирыслӧ сюэз быдтӧ,]
9 подалӧ сёя́н сетӧ.
Кӧр чирзӧны кырныш пияннэз,
и нійӧ вердӧ.
10 Дӧсвидзисьсӧ оз гажӧт вӧвлӧн вын,
оз гажӧт мортлӧн перыт кок.
11 Сійӧ гажӧтӧны Сыись поліссез,
кӧдна надейтчӧны Сылӧн небыт сьӧлӧм вылӧ.
*а 146:4 кӧдзу́в ─ звезда
*б 146:4 лыд ─ счёт, количество
Глава 146
