Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
145 Псалом
[Аггейлӧн да Закарлӧн сьыланкы́в.]1 Аллилуйя!
Менам лолӧ, ошкы Дӧсвидзисьсӧ!
2 Понда ошкыны Дӧсвидзисьсӧ, кытчӧдз ме ловья,
понда сьывны менам Енлӧ, кытчӧдз ола.
3 Эд надейтчӧ юраліссез вылӧ да морт вылӧ,
мортыс эд оз вермы мездыны.
4 Мортлӧн лолыс петӧ, а вывтырыс пӧртчӧ муӧ.
Сія лунӧ ӧшӧ [быдӧс], мый сія лӧсьӧтчис керны.
5 Шуда сія мортыс,
кӧдалӧн отсасисьыс Яковлӧн Ен,
кӧда надейтчӧ аслас Дӧсвидзись Ен вылӧ.
6 Дӧсвидзись эд аркмӧтіс енӧжсӧ да мусӧ,
саридзсӧ да сэтӧн быдӧс оліссесӧ.
Сія эд пыр надейнӧй Ен.
7 Сія дзескӧтӧммесӧ дорйӧ,
тшыгьяліссезлӧ нянь сетӧ.
Дӧсвидзись домӧттэзын мырсиссесӧ мездӧ,
8 синтӧммезлісь синнэз осьтӧ,
уськӧтӧммесӧ лэбтӧ.
Дӧсвидзись веськыта оліссесӧ радейтӧ,
9 мӧдіклаись локтӧм отирсӧ видзӧ,
айтӧм-мамтӧммезлӧ да дӧваэзлӧ отсалӧ,
а Ентӧг оліссезлісь туйсӧ чуклялӧ.
10 Дӧсвидзисьыс ─ Юралісь Ӧксу пырся-пыр.
Сион, тэнат Еныт пондас юравны
быд кадӧ оліссез вылын. Аллилуйя!
Глава 145
