Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
125 Псалом
Вежа Керкуӧ кайӧ́м коста сьылӧ́м.1 Кӧр Дӧсвидзись бӧра вайӧтіс Сион вылӧ Ассис отирсӧ,
кӧдна йӧз кипод увтын мырсисӧ,
сэк мийӧ кыдз бур вӧтын вӧлім.
2 Сійӧ кадӧ мийӧ ӧддьӧн гажӧтчим,
гажа сьыланкы́ввез сьылім.
Сэк мӧдік отиррез ас коласаныс баитісӧ:
«Дӧсвидзисьыс нылӧ ыджыт удж керис».
3 Ыджыт удж керис миянлӧ Дӧсвидзисьыс,
и мийӧ ӧддьӧн гажӧтчим.
4 Дӧсвидзисьӧ, вайӧт миянлісь отирсӧ,
кӧдна кольччисӧ мырсьыны йӧз кипод увтын.
Сэтчинісь нiя ась петӧны,
кыдз Негев кушмуын косьмӧм юэзӧт ваыс визывтӧ.
5 Синва сорӧн кӧдзиссез
пондасӧ вундыны гажӧтчӧмӧн.
6 Горзӧмӧн кӧдзыссӧ нуӧтісьыс
гажӧтчӧмӧн бертас, уна кольта ваяс.
Глава 125
