Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
124 Псалом
Вежа Керкуӧ кайӧ́м коста сьылӧ́м.1 Дӧсвидзись вылӧ надейтчись морт Сион керӧс кодь.
Сія некӧр оз вӧрзьы, пыр пондас сулавны.
2 Кыдз Ерусалимсӧ кытшӧвтӧны керӧссэз,
сідз Дӧсвидзисьыс кытшӧвтӧ-видзӧ Ассис отирсӧ
ӧнi да и пыр.
3 [Дӧсвидзисьыс] Ентӧг оліссесӧ оз лэдз дыр юравны
веськыта оліссезлӧн муын,
медбы веськыта оліссез
эзӧ нюжӧтӧ кинысӧ керны умӧльсӧ.
4 Дӧсвидзисьӧ,
кер бурсӧ бур отирлӧ, сӧстӧм сьӧлӧмаэзлӧ.
5 А кӧдна умӧльсӧ кера́н туйез вылӧ ылалӧны,
нiйӧ ӧтлаын лёк кериссезкӧт Дӧсвидзисьыс вашӧтас.
Лӧнь ола́н Израильлӧ!
Глава 124
